Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Ümumi çəkisi 6 kiloqrama yaxın narkotik vasitə və 35 ədəd çətənə kolu aşkar olunaraq götürülüb
26.06.2024
Polis əməkdaşlarının keçirdikləri əməliyyat tədbirləri ilə iyunun 26-da ümumi çəkisi 6 kiloqrama yaxın narkotik vasitə, həmçinin kultivasiya yolu ilə yetişdirilmiş 35 ədəd çətənə kolu aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir.
Dələduzluğa görə axtarışda olan 9 nəfər saxlanılaraq istintaqa təhvil verilib
Polis əməkdaşlarının iyunun 26-da keçirdikləri əməliyyat tədbirləri ilə dələduzluğa görə axtarışda olan 9 nəfər saxlanılaraq istintaqa təhvil verilib.
İtkin düşmüş kimi axtarışda olan 15 nəfər tapılaraq aidiyyəti üzrə təhvil verilib
İyunun 26-da polis əməkdaşlarının keçirdikləri tədbirlərlə itkin düşmüş kimi axtarışda olan 15 nəfər tapılaraq aidiyyəti üzrə təhvil verilib.
DİN-in Baş Narkotiklərlə Mübarizə İdarəsi son 25 gün ərzində 165 kiloqram narkotik vasitəni dövriyyədən çıxarıb
DİN-in Baş Narkotiklərlə Mübarizə İdarəsinin əməkdaşları tərəfindən may ayı ərzində narkotiklərin qanunsuz dövriyyəsinə qarşı paytaxt və bölgələrdə 24 əməliyyat keçirib. Nəticədə 26 nəfər və 2 mütəşəkkil dəstənin üzvü saxlanılıb. Onlardan 9-u ölkə ərazisində narkotiklərin tədarükü ilə məşğul olan əsas şəxslər olublar. Əməliyyatlarla “qara bazar”-da dəyəri 3 milyon manat olan 165 kiloqram tərkibi psixotrop maddələrlə zənginləşdirilmiş marixuana, heroin, metamfetamin, tiryək, 9900 ədəd psixotrop tərkibli metadon, tramadol, lirika həbi ələ keçirilib.Araşdırmalarla müəyyən edilib ki, saxlanılanlar şəxsiyyətləri istintaqla araşdırılan İran vətəndaşları tərəfindən qanunsuz yollarla ölkəmizə göndərilən narkotikləri maddi qazanc müqabilində əldə edərək müxtəlif ünvanlara yerləşdirməli imişlər.Faktlarla bağlı cinayət işləri başlanılıb, saxlanılan şəxslər barəsində məhkəmənin qərarı ilə həbs qətimkan tədbiri seçilib.Narkotiklərin qanunsuz dövriyyəsinə qarşı mübarizə tədbirləri respublikanın bütün bölgələrində fasiləsiz olaraq davam etdirilir.
Gün ərzində ölkə ərazisində qeydə alınan 57 cinayətin açılması təmin olunub
25.06.2024
İyunun 25-də ölkə ərazisində qeydə alınan 46, əvvəlki dövrlərdən bağlı qalan 11 cinayətin açılması polis əməkdaşları tərəfindən təmin olunub.
Buzovna qəsəbəsində bir evin həyətinə girərək ev sahibinə qarşı quldurluq etməkdə şübhəli bilinən R.Hüseynli və C.Əkbərov saxlanılıblar
İyunun 23-ü gecə saatlarında Buzovna qəsəbəsində bir evin həyətinə girən 2 maskalı şəxs ev sahibinə kəsici alətlə xəsarət yetirərək onun mobil telefonunu aparıblar. Daxil olan məlumatla əlaqədar Xəzər RPİ 2-ci Polis Şöbəsi əməkdaşlarının keçirdikləri tədbirlərlə quldurluq əməlini törətməkdə şübhəli bilinən R.Hüseynli və C.Əkbərov müəyyən olunaraq saxlanılıblar. Araşdırma aparılır.
Sumqayıt şəhəri ərazisində 2 evdən naqil və kombi aparatı hissələrini oğurlamaqda şübhəli bilinən K.Mustafayev və S.Abuşov saxlanılıblar
Sumqayıt ŞPİ 2-ci Polis Bölməsi əməkdaşlarının keçirdikləri tədbirlərlə müxtəlif vaxtlarda H.Z.Tağıyev və Kimyaçılar qəsəbələrində 2 evdən naqil və kombi aparatı hissələrini oğurlamaqda şübhəli bilinən K.Mustafayev və əvvəllər məhkum olunmuş S.Abuşov saxlanılıb. Araşdırma aparılır.
Quba və Sumqayıt şəhər sakinləri olan 2 nəfərə qarşı dələduzluq etməkdə şübhəli bilinən paytaxt sakini G.Kazımov saxlanılıb
Quba və Sumqayıt şəhər sakinləri olan 2 nəfəri aldadan şəxsin hər birinə hesabına 461 manat pul ödətdirməsi barədə polisə məlumat daxil olub. Sumqayıt ŞPİ 2-ci Polis Bölməsi əməkdaşlarının keçirdikləri tədbirlərlə dələduzluq əməlində şübhəli bilinən paytaxt sakini, əvvəllər də eyni əmələ görə məhkum olunmuş G.Kazımov müəyyən olunaraq saxlanılıb. Araşdırma aparılır.
Şəki rayonunun Aşağı Layısqı kənd sakini T.Əlimova məxsus həyətyanı sahədən 44 ədəd çətənə kolu götürülüb
Şəki Şəhər Rayon Polis Şöbəsi əməkdaşlarının keçirdikləri tədbirlərlə Aşağı Layısqı kənd sakini T.Əlimova məxsus həyətyanı sahədən kultivasiya yolu ilə yetişdirilmiş 44 ədəd çətənə kolu aşkarlanaraq götürülüb.
Daşkəsən rayonunun Bayan kənd sakini Ə.Rəsulova məxsus həyətyanı sahədən çətənə kolları və toxumları aşkar olunaraq götürülüb
Daşkəsən Rayon Polis Şöbəsi əməkdaşlarının keçirdikləri tədbirlərlə Bayan kənd sakini əvvəllər məhkum olunmuş Ə.Rəsulova məxsus həyətyanı sahədən kultivasiya yolu ilə yetişdirilmiş 15 ədəd çətənə kolu və çətənə toxumları aşkar olunaraq götürülüb.
