Bakı şəhər sakini O.Məmmədovdan narkotik vasitə aşkar edilərək götürülüb

18.10.2023

Nəsimi RPİ 19-cu Polis Şöbəsi əməkdaşlarının keçirdikləri əməliyyat tədbiri nəticəsində Bakı şəhər sakini, əvvəllər oğurluq və narkotiklərlə əlaqəli cinayətlərə görə məhkum olunmuş O.Məmmədov saxlanılıb. Şəxsi axtarış zamanı ondan heroin aşkar olunaraq götürülüb. Araşdırmalarla onun oktyabrın 17-də rayon ərazisində O.Rəhimova məxsus skuteri oğurlaması da müəyyən olunub.

Bank kartından hesabındakı 2000 manatını oğurlamaqda şübhəli bilinən Gəncə şəhər sakini olan qadın müəyyən olunaraq saxlanılıb

18.10.2023

Gəncə ŞBPİ 1-ci Polis Şöbəsi əməkdaşlarının keçirdikləri əməliyyat tədbiri nəticəsində oktyabrın 14-də bir nəfərin bank kartından hesabındakı 2000 manatını oğurlamaqda şübhəli bilinən Gəncə şəhər sakini olan qadın müəyyən olunaraq saxlanılıb. Araşdırma aparılır.   

Gəncə şəhər Məhsəti qəsəbə sakini S.Bədəlovdan qanunsuz saxladığı ov tüfəngi götürülüb

18.10.2023

Gəncə ŞBPİ 1-ci Polis Şöbəsi əməkdaşlarının keçirdikləri əməliyyat tədbiri nəticəsində Məhsəti qəsəbə sakini S.Bədəlovdan qanunsuz saxladığı nömrəsi silinmiş “İJ-16” markalı ov tüfəngi götürülüb. Araşdırma aparılır. 

Beyləqan şəhər sakini A.Abışovdan qanunsuz saxladığı ov tüfəngi götürülüb

18.10.2023

Beyləqan Rayon Polis Şöbəsi əməkdaşlarının keçirdikləri əməliyyat tədbiri nəticəsində şəhər sakini A.Abışovdan qanunsuz saxladığı “İJ” markalı ov tüfəngi götürülüb. Araşdırma aparılır. 

Xətai rayonu ərazisində yerləşən tikinti sahəsindən inşaat materialları oğurlamaqda şübhəli bilinən S.Səfərəliyev və E.Allahverdiyev saxlanılıblar

17.10.2023

Nəqliyyatda Baş Polis İdarəsi əməkdaşlarının keçirdikləri əməliyyat tədbiri nəticəsində oktyabrın 14-də Xətai rayonu ərazisində yerləşən tikinti sahəsindən 1400 manat dəyərində inşaat materialları oğurlamaqda şübhəli bilinən Şərur rayon sakinləri S.Səfərəliyev və E.Allahverdiyev saxlanılıblar. Araşdırma aparılır. 

Nərimanov rayonunun S.Rəhman küçəsində avtomobildən pul oğurlamaqda şübhəli bilinən E.Məmmədov saxlanılıb

17.10.2023

Nərimanov RPİ 16-cı Polis Şöbəsi əməkdaşlarının keçirdikləri əməliyyat tədbiri nəticəsində oktyabrın 8-də S.Rəhman küçəsində “BMW” markalı avtomobildən 105 manat və 1100 ABŞ dolları oğurlamaqda şübhəli bilinən Bakı şəhər sakini E.Məmmədov müəyyən olunaraq saxlanılıb. Araşdırma aparılır. 

Suraxanı rayonunun Hövsan qəsəbəsində yerləşən marketlərin birindən oğurluq etməkdə şübhəli bilinən Bakı şəhər sakini E.Qasımov saxlanılıb

17.10.2023

Suraxanı RPİ 30-cu Polis Şöbəsi əməkdaşlarının keçirdikləri əməliyyat tədbiri nəticəsində Hövsan qəsəbəsində yerləşən marketlərin birindən 1200 manat dəyərində oğurluq etməkdə şübhəli bilinən Bakı şəhər sakini E.Qasımov saxlanılıb. Araşdırma aparılır.

Sumqayıt şəhər sakini olan bir nəfərin bank kartından ümumilikdə 486 manat pul oğurlamaqda şübhəli bilinən şəxslər saxlanılıblar

17.10.2023

Sumqayıt ŞPİ 4-cü Polis Bölməsi əməkdaşlarının keçirdikləri əməliyyat tədbiri nəticəsində şəhər sakini olan bir nəfərin bank kartından ümumilikdə 486 manat pul oğurlamaqda şübhəli bilinən Salyan rayon sakinləri M.Miriyev və V.Nəzərov müəyyən olunaraq  saxlanılıblar. Araşdırma aparılır. 

Suraxanı rayonunun Qaraçuxur qəsəbəsindəki evlərdən birinin zirzəmisindən silah-sursat tapılıb

16.10.2023

Suraxanı RPİ 32-ci Polis Bölməsi əməkdaşlarının keçirdikləri əməliyyat-axtarış tədbiri nəticəsində Qaraçuxur qəsəbəsindəki evlərdən birinin zirzəmisindən 2 ədəd “F-1” qumbarası, 2 ədəd alışdırıcı, 22 ədəd müxtəlif çaplı patron və 2 ədəd təmizləyici penal tapılıb.

Quba rayonu ərazisində bir evdən və bir həyətyanı sahədən oğurluq etməkdə şübhəli bilinən Qobustan şəhər sakini K.Nəsirov saxlanılıb

16.10.2023

Quba Rayon Polis Şöbəsi əməkdaşlarının keçirdikləri əməliyyat tədbirləri nəticəsində rayon ərazisində bir evdən 500 manat dəyərində su mühərriki və samovar, bir həyətyanı sahədən isə kombi aparatı oğurlamaqda şübhəli bilinən Qobustan şəhər sakini K.Nəsirov saxlanılıb. Araşdırmalarla onun cari ilin iyul-avqust aylarında Amsar kəndindəki bir evdən 5750 manat dəyərində məişət əşyaları, bir obyektdən isə 7225 manat dəyərində naqil oğurlaması da müəyyən olunub.