Polis əməkdaşları tərəfindən qanunsuz saxlanılan odlu silahların könüllü təhvil verilməsi ilə bağlı profilaktiki tədbirlər davam etdirilir

16.11.2023

Noyabrın 16-da polis əməkdaşları paytaxt və respublikanın ayrı-ayrı rayonlarında 2  ədəd avtomat,  1 ədəd tapança,  1 ədəd qumbara, 4  patron darağı,  350 ədəd müxtəlif çaplı patron və 14 ədəd müxtəlif markalı ov tüfəngi təhvil götürüblər.Keçirilən əməliyyat tədbirləri ilə 15 ov tüfəngi aşkar edilərək götürülüb.

Xəzər rayonunun Türkan qəsəbəsi ərazisində 2 daş karxanasından və bir transformatordan naqil oğurlamaqda şübhəli bilinən Z.Cəfərov saxlanılıb

16.11.2023

Xəzər RPİ 1-ci Polis Şöbəsi əməkdaşlarının keçirdikləri tədbirlərlə Türkan qəsəbəsi ərazisində 2 daş karxanasından və bir transformatordan ümumilikdə 7700 manat dəyərində naqil oğurlamaqda şübhəli bilinən Lənkəran rayon sakini Z.Cəfərov müəyyən olunaraq saxlanılıb. Araşdırma aparılır. 

Binəqədi rayonu ərazisində mənzillərin birindən pul və qızıl-zinət əşyaları oğurlamaqda şübhəli bilinən Bərdə rayon sakini H.Əfəndizadə saxlanılıb

16.11.2023

Binəqədi rayonu ərazisində mənzillərin birindən 5000 manat, 2700 ABŞ dolları pul və 15.000 manat dəyərində qızıl-zinət əşyalarının oğurlanması barədə polisə məlumat daxil olub. Binəqədi RPİ 5-ci Polis Bölməsi əməkdaşlarının keçirdikləri tədbirlərlə cinayət əməlini törətməkdə şübhəli bilinən Bərdə rayon sakini, əvvəllər də oğurluğa görə məhkum olunmuş H.Əfəndizadə müəyyən olunaraq saxlanılıb. Araşdırma aparılır. 

Beyləqan rayon sakini Ə.Quluzadənin idarə etdiyi avtomobildən marixuana və elektron tərəzi götürülüb

16.11.2023

Binəqədi RPİ 7-ci Polis Bölməsi əməkdaşlarının keçirdikləri əməliyyat tədbiri nəticəsində Beyləqan rayon sakini Ə.Quluzadənin idarə etdiyi “Khazar” markalı avtomobilinə baxış zamanı oradan 256 qramdan artıq marixuana və 1 ədəd elektron tərəzi aşkar olunaraq götürülüb. Araşdırma aparılır.

Sabunçu rayonunun Nardaran qəsəbəsi ərazisində bir evin həyətindən avtomobil ehtiyat hissələrini oğurlamaqda şübhəli bilinən M.Qasımov və A.Yolçuyev saxlanılıblar

16.11.2023

Sabunçu RPİ 42-ci Polis Bölməsi əməkdaşlarının keçirdikləri tədbirlərlə noyabrın 15-nə keçən gecə Nardaran qəsəbəsi ərazisində bir evin həyətindən 5000 manat dəyərində avtomobil ehtiyat hissələrini oğurlamaqda şübhəli bilinən Bakı şəhər sakini M.Qasımov və Qazax rayon sakini, əvvəllər oğurluğa görə məhkum olunmuş A.Yolçuyev saxlanılıblar. Araşdırma aparılır. 

Qəbələ rayonunun Nic qəsəbəsi ərazisində 3 baş inək oğurlamaqda şübhəli bilinən A.Həsənəliyev saxlanılıb

16.11.2023

Qəbələ Rayon Polis Şöbəsi əməkdaşlarının keçirdikləri tədbirlərlə noyabrın 14-də Nic qəsəbəsi ərazisində 3 baş inək oğurlamaqda şübhəli bilinən qəsəbə sakini, əvvəllər oğurluğa görə məhkum olunmuş Arif Həsənəliyev saxlanılıb. Araşdırma aparılır.

Bakıda saxta dollar satan dəstə üzvləri saxlanılıblar

16.11.2023

Paytaxtın Binə qəsəbəsində yaşayan bir nəfər Xəzər Rayon Polis İdarəsinin 3-cü Polis Şöbəsinə müraciət edərək noyabrın 10-u qəsəbə ərazisində yerləşən mağazasında naməlum şəxsin alış-veriş edərkən ona 21 ədəd 100 dollarlıq saxta əskinas verdiyini bildirib. Şöbə əməkdaşlarının həyata keçirdikləri əməliyyat tədbirləri nəticəsində hadisəni törətməkdə şübhəli bilinən əvvəllər məhkum olunmuşlar -  1981-ci il təvəllüdlü  Gülnarə Eynullayeva, 1990-cı il təvəllüdlü Samir Fətullayev və 1999-cu il təvəllüdlü Əli Həmidov saxlanılıblar. Axtarış zamanı S.Fətullayevdən əlavə olaraq 14 ədəd 100 dollarlıq saxta əskinas götürülüb.Faktla bağlı araşdırmalar və əməliyyat-istintaq tədbirləri davam etdirilir 

Qanunsuz miqrasiyaya qarşı  keçirilən tədbirlər zamanı müxtəlif ölkələrin vətəndaşı olan 12 nəfər saxlanılıb

16.11.2023

Bakı şəhərində müxtəlif ünvanlarda Azərbaycan Respublikasında olma və ya yaşama hüququ verən sənədləri olmayan əncəbilərə qarşı Daxili İşlər Nazirliyi və Dövlət Miqrasiya Xidməti əməkdaşları tərəfindən birgə tədbirlər keçirilib. Tədbirlərlə müxtəlif Asiya ölkələrinin vətəndaşı olan ümumilikdə 12 nəfər qeyd edilən qanun pozuntusuna yol verdikləri üçün saxlanılıblar. Onlar barəsində İnzibati Xətalar Məcəlləsinin müvafiq maddəsinə əsasən məsuliyyət tədbirləri görülüb.Araşdırma zamanı həmin əcnəbilərin öz həmvətənləri tərəfindən pul müqabilində guya ölkəmizdən tranzit kimi istifadə olunmaqla qeyri-leqal yollarla Avropa ölkələrinə keçidinin təmin ediləcəyi vədi ilə dələduzluğa məruz qalmaları müəyyən edilib. Qanunsuz miqrasiyanın təşkilinə dair aşkar edilən hallarla bağlı araşdırmalar davam etdirilir.

Gün ərzində ölkə ərazisində qeydə alınan 71 cinayətin açılması təmin olunub

15.11.2023

Noyabrın 15-də ölkə ərazisində qeydə alınan 71, əvvəlki dövrlərdən bağlı qalan 12 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları tərəfindən qanunsuz saxlanılan odlu silahların könüllü təhvil verilməsi ilə bağlı profilaktiki tədbirlər davam etdirilir

15.11.2023

Noyabrın 15-də respublikanın ayrı-ayrı rayonlarında 5  ədəd müxtəlif markalı ov tüfəngi polisə təhvil verilib. Keçirilən əməliyyat tədbirləri ilə 8 ov tüfəngi isə aşkar edilərək götürülüb.