Gün ərzində ölkə ərazisində qeydə alınan 45 cinayətin açılması təmin olunub

24.11.2023

Noyabrın 24-də ölkə ərazisində qeydə alınan 45, əvvəlki dövrlərdən bağlı qalan 14 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları tərəfindən qanunsuz saxlanılan odlu silahların könüllü təhvil verilməsi ilə bağlı profilaktiki tədbirlər davam etdirilir

24.11.2023

Noyabrın 24-də polis əməkdaşları paytaxt və respublikanın ayrı-ayrı rayonlarında 1  ədəd avtomat, 1 tapança, 1 ədəd qumbara, 1 patron darağı, 9 ədəd patron və 12 ədəd müxtəlif markalı ov tüfəngi təhvil götürüblər.Keçirilən əməliyyat tədbirləri ilə qanunsuz saxlanılan 1 tapança, 1 patron darağı, 5 ədəd patron və 3 ov tüfəngi aşkar edilərək götürülüb.

Lənkəran şəhər sakini olan bir nəfərin pulunu soyğunçuluq yolu ilə talamaqda şübhəli bilinən E.Baxışzadə saxlanılıb

24.11.2023

Lənkəran Şəhər Rayon Polis Şöbəsi əməkdaşlarının keçirdikləri tədbirlərlə noyabrın 23-də şəhər sakini olan bir nəfərin 210 manat pulunu soyğunçuluq yolu ilə talamaqda şübhəli bilinən E.Baxışzadə müəyyən olunaraq saxlanılıb. Lənkəran ŞRPŞ-də araşdırma aparılır. 

Yevlax şəhər sakini E.Hüseynovdan marixuana götürülüb

24.11.2023

Yevlax Rayon Polis Şöbəsi əməkdaşlarının keçirdikləri tədbirlərlə saxlanılan şəhər sakini E.Hüseynovdan 480 qram marixuana aşkar olunaraq götürülüb. 

Noyabrın 13-də bir nəfərə qarşı dələduzluq etməkdə şübhəli bilinən Bakı şəhər sakini A.Nəcəfi saxlanılıb

24.11.2023

Səbail RPİ 9-cu Polis Bölməsi əməkdaşlarının keçirdikləri tədbirlərlə noyabrın 13-də bir nəfərə qarşı dələduzluq etməkdə şübhəli bilinən Bakı şəhər sakini, əvvəllər oğurluq və dələduzluğa görə məhkum olunmuş A.Nəcəfi saxlanılıb. Araşdırmalarla onun noyabrın 23-də Bakı şəhər sakini olan digər bir nəfərin bank kartından hesabındakı 330 manat pulunu oğurlaması da müəyyən olunub.

Gün ərzində ölkə ərazisində qeydə alınan 54 cinayətin açılması təmin olunub

23.11.2023

Noyabrın 23-də ölkə ərazisində qeydə alınan 54, əvvəlki dövrlərdən bağlı qalan 4 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları tərəfindən qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir

23.11.2023

Noyabrın 23-də polis əməkdaşları paytaxt və respublikanın ayrı-ayrı rayonlarında 1  ədəd avtomat, 1 tapança, 5 ədəd qumbara,  2 ədəd qumbara alışdırıcısı,  11 patron darağı,  627 ədəd müxtəlif çaplı patron və 15 ədəd müxtəlif markalı ov tüfəngi təhvil götürüblər.Keçirilən əməliyyat tədbirləri ilə qanunsuz saxlanılan 4 ov tüfəngi və 24  ədəd müxtəlif çaplı patron aşkar edilərək götürülüb.

Yetkinlik yaşına çatmayanlara tütün məmulatı satılması aşkar edilib 

23.11.2023

Polis orqanları tərəfindən yetkinlik yaşına çatmayanlara alkoqollu içkilərin və tütün məmulatlarının satışının qarşısının alınması istiqamətində mütəmadi olaraq tədbirlər keçirilir.   Daxili İşlər Nazirliyinin Baş İctimai Təhlükəsizlik İdarəsi və Binəqədi Rayon Polis İdarəsi əməkdaşlarının noyabrın 23-də keçirdikləri tədbirlər nəticəsində rayon ərazisində 6 mağazada satıcıların yetkinlik yaşına çatmayanlara tütün məmulatları satması aşkar edilib.   Həmin satıcılar barəsində İnzibati Xətalar Məcəlləsinin 455.2-ci maddəsinə əsasən (Etil (yeyinti) spirti, alkoqollu və energetik içkilərin və ya tütün məmulatlarının yetkinlik yaşına çatmayanlara satılmasına görə) inzibati tənbeh tədbiri tətbiq olunub.  Bu istiqamətdə tədbirlər davam etdirilir.   

Xırdalan şəhərində ata və oğluna kəsici-deşici alətlə xəsarət yetirməkdə şübhəli bilinən Xırdalan şəhər sakini R.Zamanov saxlanılıb

23.11.2023

Noyabrın 23-də gecə saatlarında Xırdalan şəhərində ata və oğluna kəsici-deşici alətlə xəsarət yetirilməsi barədə polisə məlumat daxil olub.  Abşeron Rayon Polis İdarəsi əməkdaşlarının keçirdikləri tədbirlərlə bu əməli törətməkdə şübhəli bilinən Xırdalan şəhər sakini R.Zamanov saxlanılıb. Araşdırma aparılır. 

Binəqədi rayonunun Biləcəri qəsəbəsində bir evdən pul və qızıl-zinət əşyaları oğurlamaqda şübhəli bilinən yeniyetmə saxlanılıb

23.11.2023

Binəqədi RPİ 6-cı Polis Bölməsi əməkdaşlarının keçirdikləri tədbirlərlə noyabrın 10-da Biləcəri qəsəbəsində bir evdən pul və 2000 manat dəyərində qızıl-zinət əşyaları oğurlamaqda şübhəli bilinən Tovuz rayon sakini olan yeniyetmə saxlanılıb. Araşdırma aparılır.