Xırdalan şəhər sakini olan bir nəfərin bank kartından pulunu oğurlamaqda şübhəli bilinən E.İsmayılov müəyyən olunaraq saxlanılıb

22.11.2023

Abşeron Rayon Polis İdarəsi əməkdaşlarının daxil olan məlumat əsasında keçirdikləri tədbirlərlə Xırdalan şəhər sakini olan bir nəfərin bank kartından hesabındakı pulunu oğurlamaqda şübhəli bilinən Bakı şəhər sakini, əvvəllər məhkum olunmuş E.İsmayılov müəyyən olunaraq saxlanılıb. Araşdırma aparılır. 

Sabirabad rayon sakini S.Zeynalovun yaşadığı Ulacalı kəndindəki evdən marixuana aşkar olunaraq götürülüb

22.11.2023

Sabirabad Rayon Polis Şöbəsi əməkdaşlarının keçirdikləri tədbirlərlə S.Zeynalovun yaşadığı Ulacalı kəndindəki evə baxış zamanı oradan 750 qrama yaxın marixuana aşkar olunaraq götürülüb.  

Gün ərzində ölkə ərazisində qeydə alınan 37 cinayətin açılması təmin olunub

21.11.2023

Noyabrın 21-də ölkə ərazisində qeydə alınan 37, əvvəlki dövrlərdən bağlı qalan 24 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları tərəfindən qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir

21.11.2023

Noyabrın 21-də polis əməkdaşları paytaxt və respublikanın ayrı-ayrı rayonlarında 3  ədəd avtomat, 1 tapança, 3 qumbara,  7 patron darağı,  227 ədəd müxtəlif çaplı patron və 23 ədəd müxtəlif markalı ov tüfəngi təhvil götürüblər.Keçirilən əməliyyat tədbirləri ilə qanunsuz saxlanılan 12 ov tüfəngi aşkar edilərək götürülüb.

Ağdaş rayonunun Qəribli kəndi ərazisindən keçən dəmir yolundan 9 ədəd rels altlıqlarını oğurlamaqda şübhəli bilinən T.Bərxudarov saxlanılıb

21.11.2023

Dəmir Yolu Nəqliyyatında Polis İdarəsi əməkdaşlarının keçirdikləri tədbirlərlə Ağdaş rayonunun Qəribli kəndi ərazisindən keçən dəmir yolundan 9 ədəd rels altlıqlarını oğurlamaqda şübhəli bilinən Yevlax rayon sakini, əvvəllər məhkum olunmuş T.Bərxudarov saxlanılıb. Araşdırma aparılır. 

Metronun “28 May” stansiyasında bir nəfərin cibindən mobil telefonunu oğurlamaqda şübhəli bilinən Sumqayıt şəhər sakini S.Almuradov saxlanılıb

21.11.2023

Noyabrın 20-də metronun “28 May” stansiyasında bir nəfərin cibindən mobil telefonunun oğurlanması barədə Metropolitendə Polis İdarəsinə məlumat daxil olub. Polis əməkdaşlarının keçirdikləri tədbirlərlə oğurluq əməlində şübhəli bilinən Sumqayıt şəhər sakini, əvvəllər oğurluq və narkotiklərlə əlaqəli cinayətlərə görə məhkum olunmuş S.Almuradov müəyyən olunaraq saxlanılıb. Araşdırma aparılır.

Suraxanı rayonunun Binə qəsəbəsində bir evdən pul və məişət əşyaları, digər evdən isə təmir alətləri və naqil oğurlamaqda şübhəli bilinən D.Məmmədov saxlanılıb

21.11.2023

Suraxanı RPİ 30-cu Polis Şöbəsi əməkdaşlarının keçirdikləri tədbirlərlə Binə qəsəbəsində bir evdən 1700 manat pul və 3300 manat dəyərində məişət əşyaları, digər evdən isə 1400 manat dəyərində təmir alətləri və naqil oğurlamaqda şübhəli bilinən Bakı şəhər sakini, əvvəllər narkotiklərlə əlaqəli cinayətə görə məhkum olunmuş D.Məmmədov saxlanılıb. Araşdırma aparılır. 

Şabran şəhər sakini E.Rüstəmovdan marixuana aşkar olunaraq götürülüb

21.11.2023

Şabran Rayon Polis Şöbəsi əməkdaşlarının keçirdikləri tədbirlərlə saxlanılan şəhər sakini, əvvəllər məhkum olunmuş E.Rüstəmovdan 8 qramdan çox, işlədiyi sexə baxış zamanı isə 315 qram marixuana aşkar olunaraq götürülüb.

Sabirabad rayonunun Nərimankənd kənd sakini Ü.Cəfərovdan marixuana götürülüb

21.11.2023

Sabirabad Rayon Polis Şöbəsi əməkdaşlarının keçirdikləri tədbirlərlə saxlanılan Nərimankənd kənd sakini, əvvəllər məhkum olunmuş Ü.Cəfərovdan 8 qramdan çox, yaşadığı evə baxış zamanı isə 385 qram marixuana aşkar olunaraq götürülüb. 

Gün ərzində ölkə ərazisində qeydə alınan 48 cinayətin açılması təmin olunub

20.11.2023

Noyabrın 20-də ölkə ərazisində qeydə alınan 48, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.