Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Şəki şəhər sakini R.İsmayılovun evindən narkotik vasitələr aşkar edilərək götürülmüşdür
18.03.2022
Şəki ŞRPŞ əməkdaşlarının əldə edilmiş məlumat əsasında şəhər sakini R.İsmayılovun evində keçirdikləri əməliyyat-axtarış tədbirləri nəticəsində oradan 47 qrama yaxın tiryək, heroin, metamfetamin, həyətindəki yardımçı təsərrüfatdan isə 470 qram marixuana aşkar edilərək götürülmüşdür.
Sabunçu rayonunda sanitar-karantin qaydalarına əməl etməyən şəxslərə qarşı reyd keçirilib, 36 nəfər cərimələnib
Son dövrlər koronavirus infeksiyasının yayılmasının qarşının alınması istiqamətində dövlətimiz tərəfindən aparılan mübarizə tədbirlərinin nəticəsi olaraq yoluxma sayında ciddi azalmalar müşahidə olunur. Buna baxmayaraq əldə olunan müsbət dinamikanın qorunub saxlanılması istiqamətində polis əməkdaşları tərəfindən qapalı məkanlar və ictimai nəqliyyatda tibbi maskadan istifadə etməyən şəxslərə qarşı nəzarət-profilaktik tədbirlər davam etdirilir. Növbəti belə tədbir Sabunçu Rayon Polis İdarəsinin Dövlət Yol Polisi Şöbəsinin əməkdaşları tərəfindən keçirilib. Tədbir zamanı ictimai nəqliyyatdan istifadə edən sərnişinlərlə izahedici söhbətlər aparılıb. Yol polisləri onları ictimai nəqliyyatda olan zaman maskalardan istifadə etməyin zəruriliyi barədə bir daha məlumatlandırıblar. Profilaktik tədbir zamanı tibbi maskadan istifadə etməyən şəxslər avtobuslardan düşürülüb, onlar barəsində inzibati tənbeh tədbirləri görülüb. Yoxlamalar nəticəsində taksi fəaliyyəti ilə məşğul olan buna baxmayaraq tibbi maskadan istifadə etməyən sürücü və sərnişinlər barədə də qanunauyğun tədbirlər görülüb. Tərbir zamanı sanitar-karantin qaydalarına əməl etməyən 36 şəxs barəsində inzibati protokol tərtib edilib. Qeyd edək ki, Sabunçu rayonu ərazisində sanitar-karantin qaydalarına əməl olunmasına nəzarətin təmin olunması məqsədi ilə profilaktik tədbirlər mütəmadi olaraq polis əməkdaşları tərəfindən həyata keçiriləcək.
Hökməli qəsəbəsində narkotik vasitələrin satışı ilə məşğul olan şəxslər saxlanılıblar
Abşeron Rayon Polis İdarəsinin Qobu Polis Bölməsinin əməkdaşlarının daxil olmuş əməliyyat məlumatı əsasında Hökməli qəsəbəsində həyata keçirdikləri tədbir nəticəsində narkotik vasitələrin qanunsuz dövriyyəsi ilə məşğul olan bir nəfər saxlanılıb. Onun üzərinə baxış keçirilən zaman narkotik vasitə olan marixuana aşkar olunub. Həmin şəxs ifadəsində narkotik vasitəni qeyd edilən qəsəbədə yaşayan Mehman adlı şəxsdən aldığını bildirib. Əməliyyat tədbirinin davamı olaraq Hökməlidə narkotiklərin satışı ilə məşğul olan əvvəllər məhkum olunmuş Mehman Səfərov da tutularaq Polis Bölməsinə gətirilib. Onun üzərinə və yaşadığı evə baxış zamanı külli miqdarda narkotik vasitə olan satış üçün qablaşdırılan marixuana aşkar edilib. Mehman Səfərov ifadəsində bir müddətdir ki, Hökməli qəsəbəsində narkotiklərin satışı ilə məşğul olduğunu etiraf edib.Qobu Polis Bölməsinin əməkdaşlarının Hökməlidə həyata keçirdikləri digər bir tədbir zamanı qeyd edilən qəsəbə ərazisində narkotiklərin satışı ilə məşğul olan daha bir nəfər Abşeron rayon sakini əvvəllər məhkum olunmuş Şahin Mədətov saxlanılıb. Onun üzərinə baxış zamanı külli miqdarda psixotrop maddə olan metamfetamin aşkar edilib.Qeyd edək ki, Şahin Mədətov narkotik maddələrin satışını Hökməli qəsəbəsində yerləşən qəbirstanlığın ərazisində həyata keçirib. Faktlarla bağlı Qobu Polis Bölməsində toplanan materiallar Abşeron Rayon Polis İdarəsinin İstintaq Şöbəsinə göndərilib. Saxlanılan şəxslərin ətrafında əməliyyat-istintaq tədbirləri davam etdirilir. Narkotiklərin satışını təşkil edən Mehman Səfərov və Şahin Mədətov barəsində məhkəmənin qərarı ilə həbs qətimkan tədbiri seçilib.
Gün ərzində törədilmiş 61 cinayətin üstü “isti izlər”lə açılmışdır
17.03.2022
Respublikanın daxili işlər orqanları tərəfindən gün ərzində törədilmiş 61 cinayətin üstü “isti izlər”lə açılmışdır.
Quldurluq etməkdə şübhəli bilinən Xaçmaz rayonunun Müşkür kənd sakini F.Cəfərov müəyyən edilərək saxlanılmışdır
Xaçmaz Rayon Polis Şöbəsinə martın 11-də Çaxçaxlı kəndi ərazisində bir nəfərin əcnəbi vətəndaşı bıçaqla hədələyib pul tələb etməsi, quldurluq yolu ilə cibində 820 manatı olan gödəkcəsini alması barədə müraciət daxil olmuşdur. Polis əməkdaşlarının keçirdikləri əməliyyat tədbirləri nəticəsində quldurluğu törətməkdə şübhəli bilinən Müşkür kənd sakini F.Cəfərov müəyyən edilərək saxlanılmışdır.Araşdırma aparılır.
Maştağa qəsəbə sakini A.Hüseynovdan lüləsi və qundağı kəsilmiş ov tüfəngi götürülmüşdür
Sabunçu RPİ 14-cü PB əməkdaşlarının keçirdikləri əməliyyat tədbirləri nəticəsində Maştağa qəsəbə sakini, əvvəllər məhkum olunmuş A.Hüseynovdan lüləsi və qundağı kəsilmiş “İJ” markalı ov tüfəngi götürülmüşdür.
N.Nərimanov prospektindəki məişət tullantıları qutusundan nömrəsi silinmiş avtomat silahı və 4 ədəd 7,62 çaplı patron tapılmışdır
Daxil olmuş məlumat əsasında Yasamal RPİ 27-ci Polis Bölməsinin əməkdaşları tərəfindən N.Nərimanov prospektindəki məişət tullantıları qutusundan nömrəsi silinmiş “AK-74” markalı avtomat silahı və 4 ədəd 7,62 çaplı patron tapılmışdır.
Oğurluq etməkdə şübhəli bilinən Qusar rayon sakinləri R.Kərimov, Z.Rüstəmov və oğlu R. Rüstəmov saxlanılmışlar
Yasamal RPİ-nin 28-ci Polis Bölməsinə rayon ərazisindəki sexlərin birindən 18600 manat dəyərində şirniyyat bişirən soba, lazer printer və 2 ədəd samovarın oğurlanması barədə müraciət daxil olmuşdur. Polis əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən Qusar rayon sakinləri, əvvəllər məhkum olunmuş R.Kərimov, Z.Rüstəmov və oğlu R. Rüstəmov saxlanılmışlar.Araşdırma aparılır.
Oğurluq etməkdə şübhəli bilinən Şirvan şəhər sakinləri R.Məmmədov, E.Bayramov və A.Zeynalov müəyyən edilərək saxlanılmışlar
Şirvan Şəhər Polis Şöbəsinə martın 16-da şəhər ərazisindəki zavodun anbarından 24000 manat dəyərində təzyiqli hava aparatının əl tapançası, 10 ədəd yük avtomobilinin yanacaq filtiri, 20 metr mis naqil, avtomobil açar dəsti, 2 ədəd metal əritmə spiralı, 220 kiloqram mis hissənin oğurlanması barədə müraciət daxil olmuşdur. Polis əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən şəhər sakinləri R.Məmmədov, E.Bayramov və A.Zeynalov müəyyən edilərək saxlanılmışlar. Araşdırma aparılır.
Avtomobildən 740 manat pul və maqnitofon oğurlamaqda şübhəli bilinən Bakı şəhər sakini Ə.Kazımov saxlanılmışdır
Sabunçu RPİ 13-cü PB əməkdaşlarının keçirdikləri əməliyyat tədbirləri nəticəsində martın 15-nə keçən gecə Bakıxanov qəsəbəsi ərazisində “Niva” markalı bir avtomobildən 740 manat pul və maqnitofon oğurlamaqda şübhəli bilinən Bakı şəhər sakini, əvvəllər məhkum olunmuş Ə.Kazımov saxlanılmışdır. Araşdırma aparılır.
