Binəqədi rayonunun 9-cu mikrorayon ərazisindəki 13 binanın liftlərindən elektrik naqillərini və müxtəlif texniki avadanlıqlarını sökərək oğurlamaqda şübhəli bilinən S.Rzayev saxlanılmışdır

21.03.2022

Bakı Şəhər Baş Polis İdarəsinin Cinayət Axtarışı İdarəsi və Binəqədi RPİ-nin 7-ci Polis Bölməsi əməkdaşlarının birgə keçirdikləri əməliyyat tədbirləri nəticəsində müxtəlif vaxtlarda Binəqədi rayonunun 9-cu mikrorayon ərazisindəki 13 hündürmərtəbəli yaşayış binasının liftlərindən elektrik naqillərini və müxtəlif texniki avadanlıqlarını sökərək oğurlamaqda şübhəli bilinən Ağsafa rayon sakini, əvvəllər də oğurluğa görə məhkum olunmuş S.Rzayev saxlanılmışdır. Araşdırma aparılır. 

Beyləqan şəhər sakini N.Səfərovdan qanunsuz saxladığı ov tüfəngi götürülmüşdür

21.03.2022

Beyləqan RPŞ əməkdaşlarının keçirdikləri əməliyyat tədbirləri nəticəsində şəhər sakini, əvvəllər məhkum olunmuş N.Səfərovdan qanunsuz saxladığı “TOZ” markalı ov tüfəngi götürülmüşdür.

Əvvəllər məhkum olunmuş A.Əliyevin Beyləqan rayonunun Mil qəsəbəsindəki evindən silah-sursat aşkar edilərək götürülmüşdür

21.03.2022

Beyləqan RPŞ əməkdaşlarının əldə edilmiş məlumat əsasında əvvəllər məhkum olunmuş A.Əliyevin Mil qəsəbəsində yaşadığı evin həyətində keçirdikləri əməliyyat-axtarış tədbiri nəticəsində oradan qanunsuz saxladığı “ZK” markalı ov tüfəngi və 1 ədəd “UZRQM” tipli partlayıcı ilə birgə “F-1” markalı qumbara aşkar edilərək götürülmüşdür.Faktla əlaqədar Cinayət Məcəlləsinin 228.1-ci maddəsi ilə  cinayət işi başlanmışdır.

Qaradağ rayonunun Lökbatan qəsəbəsi ərazisində “MAN”, “Mercedes” və “Hyundai” markalı avtomobillər toqquşmuşdur

21.03.2022

Martın 21-də saat 10 radələrində Qaradağ rayonunun Lökbatan qəsəbəsi ərazisində Bakı şəhər sakini S.Şəfiyevin idarə etdiyi “MAN”, M.Almazovun idarə etdiyi “Mercedes” və E.Salahovun idarə etdiyi “Hyundai” markalı avtomobillər toqquşmuşdur. Nəticədə M.Almazov və sərnişini Mehdi Əsgərli hadisə yerində ölmüş, digər sərnişininə xəstəxanada ilkin tibbi yardım göstərildikdən sonra buraxılmışdır.Baş İstintaq və Təhqiqat İdarəsi tərəfindən araşdırma aparılır.

Xəzər rayonunun Türkan qəsəbəsi ərazisində “BMW” markalı avtomobil maneəyə çırpılmışdır

21.03.2022

Martın 21-də saat 23 radələrində Xəzər rayonunun Türkan qəsəbəsi ərazisində Amid Talıbov idarə etdiyi “BMW” markalı avtomobili maneəyə vurmuşdur. Nəticədə sürücü hadisə yerində ölmüş, 2 sərnişininə xəstəxanada ilkin tibbi yardım göstərildikdən sonra buraxılmışlar.Xəzər RPİ-də  araşdırma aparılır.

Nəsimi rayonu ərazisində “Toyota” markalı avtomobillə moped toqquşmuşdur

21.03.2022

Martın 21-də saat 20 radələrində Nəsimi rayonu ərazisində S.Rəhimlinin idarə etdiyi “Toyota” markalı avtomobillə Tovuz rayon sakini Emin Qasımovun idarə etdiyi moped toqquşmuş və nəticədə mopedçi hadisə yerində ölmüşdür.Nəsimi RPİ-də  araşdırma aparılır.

Abşeron rayonunun Atyalı qəsəbəsi ərazisində “Khazar” markalı avtomobillə piyada vurulmuşdur

21.03.2022

Martın 21-də saat 20 radələrində Abşeron rayonunun Atyalı qəsəbəsi ərazisində N.Sultanlı idarə etdiyi “Khazar” markalı avtomobillə yolu keçən Rəna Qəhrəmanovanı vurmuşdur. Nəticədə R.Qəhrəmanova xəstəxanaya aparılarkən yolda ölmüşdür.Baş İstintaq və Təhqiqat İdarəsi tərəfindən araşdırma aparılır. 

Abşeron və Yasamal rayonlarında qadın sürücülərə qarşı quıdurluq edən şəxs saxlanılıb

21.03.2022

Daxili İşlər Nazirliyinin  “102” Xidməti Zəng Mərkəzinə martın 17-də Xırdalan şəhəri ərazisində Masazır qəsəbə sakini olan qadının idarə etdiyi “Toyota” markalı avtomobilə oturmuş bir nəfərin onu boğaraq mobil telefonunu almağa cəhd göstərməsi, lakin müqavimətlə rastlaşdığından hadisə yerini tərk etməsi barədə müraciət daxil olub. Dərhal Abşeron Rayon Polis İdarəsinin əməkdaşları tərəfindən müvafiq tədbirlər həyata keçirilib. Polis əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən Xırdalan şəhər sakini, əvvəllər də quldurluğa və narkotiklərlə əlaqəli cinayətə görə məhkum olunmuş Ramil Quliyev müəyyən edilərək saxlanııb. Ətrafında aparılan tədbirlərlə onun martın 11-də Yasamal rayonu ərazisində Sumqayıt şəhər sakini olan digər bir qadının idarə etdiyi “Hyundai” markalı avtomobilə oturub bıçaqla hədələyərək quldurluq yolu ilə avtomobilini ələ keçirməsi də müəyyən olunub. Polis əməkdaşları tərəfindən həmin avtomobil martın 12-də M.Xiyabani küçəsində qapısı əzilmiş və yan güzgüsü sınmış vəziyyətdə tapılıb.Abşeron Rayon Polis İdarəsinin əməkdaşlarının həyata keçirdikləri daha bir əməliyyat-axtarış tədbiri nəticəsində rayon ərazisində yerləşən qəsəbələrdən evlərdən silsilə oğurluqlar edən şəxs saxlanılıb. Əməliyyat zamanı əvvəllər məhkum olumuş Abşeron rayon sakini Əhməd Sevdimov tutularaq istintaqa təqdim edilib. Bu şəxs ifadəsində etdiyi oğurluqları etiraf edib. Əhməd Sevdimov evlərdən əsasən qızıl-zinət və məişət əşyaları oğurlayıb.Qeyd edilən faktlarla bağlı Abşeron Rayon Polis İdarəsində istintaq tədbirləri davam etdirilir. Saxlanılanların əməllərindən zərərçəkən başqa vətəndaşlar varsa, bu barədə ərazi üzrə polis orqanına, habelə DİN-in “102” Zəng Mərkəzinə və Nazirliyin sosial şəbəkələrdəki rəsmi səhifələrinə məlumat verə bilərlər.

Gün ərzində törədilmiş 39 cinayətin üstü “isti izlər”lə açılmışdır

20.03.2022

Respublikanın daxili işlər orqanları tərəfindən gün ərzində törədilmiş 39 cinayətin üstü “isti izlər”lə açılmışdır.  

Ağcabədi rayonunun Hindarx qəsəbəsi ərazisində yol-nəqliyyat hadisəsi

20.03.2022

Martın 20-də saat 18 radələrində Ağcabədi rayonunun Hindarx qəsəbəsi ərazisində rayon sakini Loğman Məmmədovun idarə etdiyi “BMW” markalı avtomobillə Hüsülü kənd sakini C.Allahverdiyevin idarə etdiyi “T-28” markalı traktor toqquşmuşdur. Nəticədə L.Məmmədov və sərnişini - Hindarx qəsəbə sakini Sadiq Quliyev aldıqları xəsarətlərdən hadisə yerində ölmüş, digər sərnişini isə xəstəxanaya yerləşdirilmişdir.Ağcabədi RPŞ tərəfindən araşdırma aparılır.