Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Xətai rayonu ərazisində Bakı şəhər sakini O.Rzayevi döyərək pul tələb etməkdə şübhəli bilinən şəxslər müəyyən edilərək saxlanılmışlar
19.03.2022
Xətai RPİ-nin 34-cü Polis Şöbəsinə martın 17-də rayon ərazisində 3 nəfərin Bakı şəhər sakini O.Rzayevi döyərək 2000 manat pul tələb etmələri barədə müraciət daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində hədə-qorxu ilə tələb etmədə şübhəli bilinən əvvəllər məhkum olunmuşlar - Mingəçevir şəhər sakinləri Ə.Nəsibov, S.Rəsulov və Bakı şəhər sakini F.Məmmədov müəyyən edilərək saxlanılmışlar. Xətai Rayon Polis İdarəsində araşdırma aparılır.
Narkotik vasitə ilə tutulmuş Cəbrayıl rayon sakini T.Hüseynovun Saatlı rayonunun Əlisoltanlı kəndindəki evlərin birindən pul və qızıl-zinət əşyaları oğurlaması da müəyyən edilmişdir
Narkotik vasitə ilə tutulmuş Cəbrayıl rayon sakini, əvvəllər məhkum olunmuş T.Hüseynovun ətrafında Baş Cinayət Axtarışı İdarəsi və Saatlı RPŞ-nin əməkdaşları tərəfindən aparılan əməliyyat tədbirləri ilə onun 2021-ci il noyabrın 22-də Saatlı rayonunun Əlisoltanlı kəndindəki evlərin birindən 14000 manat pul və 1100 manat dəyərində qızıl-zinət əşyaları oğurlaması da müəyyən edilmişdir.
Oğurluq etdiklərinə görə tutulmuş S.Əhmədovun və R.Səfərovun Ramana qəsəbəsində daha 19 evdən qaz sobalarını oğurlamaları da müəyyən olunmuşdur
Sabunçu RPİ-nin əməkdaşları tərəfindən oğurluq etdiklərinə görə tutulmuş S.Əhmədovun və R.Səfərovun ətraflarında aparılan əməliyyat tədbirləri ilə onların Ramana qəsəbəsində daha 19 evdən hər birinin qiyməti 280 manat olan qaz sobalarını oğurlamaları da müəyyən olunmuşdur.
Göygöl rayonunun Xəqani kəndi ərazisində 3 artezian quyusundan ümumilikdə 85 metr naqil oğurlamaqda şübhəli bilinən rayon sakini E.Rəsulov saxlanılmışdır
Göygöl Rayon Polis Şöbəsi əməkdaşlarının keçirdikləri əməliyyat tədbirləri nəticəsində Xəqani kəndi ərazisində Suvarma Sistemləri İdarəsinə məxsus 3 artezian quyusundan ümumilikdə 85 metr naqil oğurlamaqda şübhəli bilinən rayon sakini E.Rəsulov müəyyən edilərək saxlanılmışdır. Araşdırma aparılır.
Bakıda yol hərəkəti qaydalarını ardıcıl kobud şəkildə pozan və polislərin saxla əmrinə tabe olmayan sürücü inzibati qaydada həbs edilib
Paytaxtın Səbail rayonunda “Range-Rover” markalı avtomobilin sürücüsü yol hərəkəti qaydalarını pozaraq qarşıdan gələn nəqliyyat vasitələrinin yoluna çıxıb. Daha sonra sürücü yol polisinin saxla əmrinə tabe olmayaraq hərəkətini davam etdirib. Həmin sürücü Xətai rayonu “Neapol” dairəsi adlanan ərazidə də kobud qayda pozuntusuna yol verərək polisin saxla işarəsinə məhəl qoymayıb. Xətai Rayon Polis İdarəsinin 34-cü Polis Şöbəsinin əməkdaşları tərəfindən həmin sürücüsünün şəxsiyyəti müəyyənləşdirilib. Məlum olub ki, sürücü paytaxt sakini Orxan Əyyubovdur və o, saxlanılaraq Polis Şöbəsinə gətirilib. Sürücü barəsində toplanan materiallara hüquqi qiymət verilməsi üçün məhkəməyə göndərilib. O.Əyyubov məhkəmənin qərarı ilə 20 gün müddətinə inzibati qaydada həbs edilib.
Evlərdən oğurladıqları məişət əşyalarını onlayn alış-veriş saytlarında satan şəxslər saxlanılıblar
Paytaxtın Nizami rayonu Keşlə qəsəbəsində yerləşən evlərdən birindən oğurluq edilib. Zərərçəkən Nizami Rayon Polis İdarəsinin 23-cü Polis Bölməsinə müraciət edərək evdən televizor və digər məişət əşyalarının oğurlandığını bildirib. Eyni məzmunlu şikayətlərlə müraciət edən həmin qəsəbədə yaşayan daha 2 sakinin ərizəsi Polis Bölməsində qeydə alınıb. Onlar da evlərindən məişət əşyalarının oğurlandığını bildiriblər. Aparılan araşdırmalar, eləcə də hadisə yerlərinə baxış keçirilən zaman oğurluqların eyni şəxslər tərəfindən törədildiyi müəyyən edilib.Nizami Rayon Polis İdarəsinin 23-cü Polis Bölməsinin əməkdaşlarının həyata keçirdikləri təxirəsalınmaz əməliyyat-axtarış tədbiri nəticəsində hadisələri törətməkdə şübhəli bilinən əvvəllər məhkum olunmuş Qurban Məhərrəmov və Zaur Əliyev saxlanılıblar. Onlar izahatlarında etdikləri oğurluqları etiraf ediblər. Araşdırmalar zamanı dəstə üzvlərinin Sabunçu rayonunda daha 3 evdən oğurluq etdikləri müəyyən edilib.Qeyd edək ki, Qurban Məhərrəmov və Zaur Əliyev evlədən oğurladıqları televizorları tanışları Müşfiq Həmidovun köməkliyi ilə onlayn alış-veriş saytlarına yerləşdiriblər. Orada həmin əşyaları sataraq əldə etdikləri pulu aralarında bölüblər. Müşfiq Həmidov da polislər tərəfindən saxlanılaraq məsuliyyətə cəlb edilib. Faktlarla bağlı 23-cü Polis Bölməsində toplanan materiallar Nizami Rayon Polis İdarəsinə göndərilib, istintaq tədbirləri davam etdirilir. Saxlanılanların əməllərindən zərərçəkən başqa vətəndaşlar varsa, bu barədə ərazi üzrə polis orqanına, habelə DİN-in “102” Zəng Mərkəzinə və Nazirliyin sosial şəbəkələrdəki rəsmi səhifələrinə məlumat verə bilərlər.
Gün ərzində törədilmiş 69 cinayətin üstü “isti izlər”lə açılmışdır
18.03.2022
Respublikanın daxili işlər orqanları tərəfindən gün ərzində törədilmiş 69 cinayətin üstü “isti izlər”lə açılmışdır.
2017-ci il yanvar ayının 28-də Ağsu şəhər sakini Ayşən Qəhrəmanovanın öldürülməsi ilə əlaqədar üç nəfər şübhəli şəxs qismində saxlanılmışlar
Daxili İşlər Nazirliyi və Baş Prokurorluq tərəfindən əvvəlki illərdə törədilərək bağlı qalmış cinayətlərin açılması istiqamətində tədbirlər davam etdirilir. Polis və prokurorluq orqanları əməkdaşlarının keçirdikləri kompleks istintaq hərəkətləri və əməliyyat-axtarış tədbirləri nəticəsində 2017-ci il yanvar ayının 28-də Ağsu şəhər sakini Ayşən Qəhrəmanovanın naməlum şəxs tərəfindən öldürülməsi ilə əlaqədar Ağsu şəhər sakinləri Bilal Vəliyev, Asif Manafov və atası Arif şübhəli şəxs qismində saxlanılmışlar. İstintaqla müəyyən edilmişdir ki, Asif Manafov münaqişə zəminində A.Qəhrəmanovanı şəhər ərazisindəki qəbristanlıqda bıçaqla öldürmüş, sonradan atası Arif və B.Vəliyevin köməyi ilə meyiti Kürdəmir rayonunun Kəngərli kəndi ərazisində basdırmışlar. Qeyd olunan əraziyə baxış zamanı A.Qəhrəmanovanın cəsədinin qalıqları və geyim əşyaları aşkar edilərək götürülmüşdür.
Qadın sürücülərə qarşı quldurluğu törətməkdə şübhəli bilinən Xırdalan şəhər sakini R.Quliyev müəyyən edilərək saxlanılmışdır
DİN-in “102 Zəng Mərkəzi”nə martın 17-də Xırdalan şəhəri ərazisində Masazır qəsəbə sakini olan qadının idarə etdiyi “Toyota” markalı avtomobilə oturmuş bir nəfərin onu boğaraq mobil telefonunu almağa cəhd göstərməsi, lakin müqavimətlə rastlaşdığından hadisə yerini tərk etməsi barədə müraciət daxil olmuşdur. Dərhal Abşeron Rayon Polis İdarəsinin əməkdaşları tərəfindən müvafiq tədbirlər həyata keçirilmişdir. Polis əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən Xırdalan şəhər sakini, əvvəllər də quldurluğa və narkotiklərlə əlaqəli cinayətə görə məhkum olunmuş R.Quliyev müəyyən edilərək saxlanılmışdır. Ətrafında aparılan tədbirlərlə onun martın 11-də Yasamal rayonu ərazisində Sumqayıt şəhər sakini olan digər bir qadının idarə etdiyi “Hyundai” markalı avtomobilə oturub bıçaqla hədələyərək quldurluq yolu ilə avtomobilini ələ keçirməsi də müəyyən olunmuşdur.Polis əməkdaşları tərəfindən həmin avtomobil martın 12-də M.Xiyabani küçəsində qapısı əzilmiş və yan güzgüsü sınmış vəziyyətdə tapılmışdır.Araşdırma aparılır.
