Suraxanı rayonunda narkotik vasitələrin təsiri altında avtomobil idarə edən, həmçinin polisə müqavimət göstərən sürücü və sərnişin saxlanılıb

28.03.2022

Suraxanı Rayon Polis İdarəsinin Dövlət Yol Polisi Şöbəsinin əməkdaşlarının həyata keçirdikləri növbəti profilaktik tədbir zamanı narkotik vasitələrin təsiri altında avtomobil idarə edən sürücü və sərnişin müəyyən edilib. Hövsan qəsəbəsində Abşeron rayon sakini Şəmistan Mirişlinin idarə etdiyi “Chevrolet” maraklı avtomobil manevr qaydalarını pozduğu üçün ona “saxla” işarəsi verilib. Amma sürücü polislərə tabesizlik gösdərərək hərəkətini davam etdirib. Yol polisləri tərəfindən görülən tədbir nəticəsində sürücü saxlanılıb. Daha sonra sürücü və onun yanında olan sərnişin İmişli rayon sakini Elnur Novruzlu polis əməkdaşlarına müqavimət göstərərərk hadisə yerindən yayınmağa çalışıblar. Hər iki şəxs saxlanılaraq Polis Şöbəsinə gətirilib. İlkin sorğu zamanı sürücü və sərnişin narkotik vasitə qəbul etdiklərini bildiriblər. Təyin olunan ekspertizanın nəticəsində Şəmistan Mirişli və Elnur Novruzlunun narkotik vasitənin təsiri altında olduqları məlum olub. Araşdırma zamanı həmçinin Şəmistan Mirişlinin nəqliyyat vasitəsini sürücülük hüququ olmadan idarə etdiyi müəyyən edilib. Sürücü və sərnişin barəsində İnzibati Xətalar Məcəlləsinin müvafiq maddəsi ilə protokol tərtib olunub. Onların törətdiyi qanun pozuntusuna hüquqi qiymət verilməsi üçün toplanmış material məhkəməyə göndərilib. 

Salyan rayonunun Pambıqkənd kəndi ərazisində yol-nəqliyyat hadisəsi

28.03.2022

Martın 28-də saat 1 radələrində Salyan rayonunun Pambıqkənd kəndi ərazisində Şirvan şəhər sakini B.Bağırov idarə etdiyi “Mercedes” markalı avtomobillə yolu keçən 25-30 yaşlı kişini vurmuşdur. Nəticədə həmin şəxs hadisə yerində ölmüşdür.Baş İstintaq və Təhqiqat İdarəsi tərəfindən araşdırma aparılır.

Bakıda “Makarov” markalı tapança satmaq istəyən şəxs saxlanılıb 

28.03.2022

Nərimanov Rayon Polis İdarəsinin əməkdaşlarının daxil olmuş əməliyyat məlumatı əsasında həyata keçirdikləri növbəti tədbir nəticəsində qanunsuz olaraq əldə etdiyi odlu silah-sursatı satmaq istəyən şəxs saxlanılıb. İdarəyə paytaxt sakini əvvəllər məhkum edilmiş Tərlan Səfərovda silah olması və satmaq istəməsi barədə əməliyyat məlumatı daxil olub. Həmin şəxs əməliyyat nəticəsində tutularaq Polis İdarəsinə gətirilib. Onun üzərinə baxış keçirilərkən 1 ədəd “Makarov” markalı atəş üçün yararlı tapança, həmin silaha məxsus daraq və 8 ədəd patron aşkar edilərək götürülüb. Tərlan Səfərov barəsində məhkəmənin qərarı ilə həbs qətimkan tədbiri seçilib, istintaq tədbirləri davam edirilir.

Gün ərzində törədilmiş 47 cinayətin üstü “isti izlər”lə açılmışdır

27.03.2022

Respublikanın daxili işlər orqanları tərəfindən gün ərzində törədilmiş 47 cinayətin üstü “isti izlər”lə açılmışdır.  

Soyğunçuluq etməkdə şübhəli bilinən Sabunçu qəsəbə sakini O.Hüseynov saxlanılmışdır

27.03.2022

Sabunçu RPİ-nin 12-ci Polis Şöbəsinə martın 26-da saat 23 radələrində Sabunçu qəsəbəsində yaşayan A.Abdullayevin cibindən mobil telefonunun açıq talama yolu ilə aparılması barədə müraciət daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən Sabunçu qəsəbə sakini, əvvəllər məhkum olunmuş O.Hüseynov saxlanılmışdır. Şəxsi axtarış zamanı ondan heroin götürülmüşdür.Ətrafında aparılan tədbirlərlə onun martın 24-də daha bir qəsəbə sakininin cibindən mobil telefonunu açıq talama yolu ilə aparması da müəyyən olunmuşdur. 

Ağdaş rayonunun Maşad kəndi ərazisində yol-nəqliyyat hadisəsi

27.03.2022

Martın 27-də saat 17 radələrində Ağdaş rayonunun Maşad kəndi ərazisində şəhər sakini E.Məmmədov idarə etdiyi “VAZ-21074” markalı avtomobillə yolu keçən şəhər sakini Nüsrət Əliyevi vurmuş və nəticədə piyada hadisə yerində ölmüşdür.Baş İstintaq və Təhqiqat İdarəsi tərəfindən araşdırma aparılır.

Oğurluqda şübhəli bilinən paytaxt sakini E.Səmədov saxlanılmışdır

27.03.2022

Nərimanov RPİ 16-cı PB əməkdaşlarının keçirdikləri əməliyyat-axtarış tədbirləri nəticəsində martın 26-da Bakı şəhər sakini F.Seyidliyevin içərisində 480 manat pul və sənəd olan cüzdanını oğurlamaqda şübhəli bilinən paytaxt sakini E.Səmədov saxlanılmışdır.

Nəqliyyat vasitəsini qaçırmaqda şübhəli bilinənlər Göyçay şəhər sakini İ.Mustafayev və Hacıqabul rayon sakini M.Həşimov saxlanılmışlar

27.03.2022

Göyçay Rayon Polis Şöbəsinə martın 25-də saat 7 radələrində şəhər ərazisindən Məlikkənd kənd sakini Q.Məmmədova məxsus “VAZ-2106” markalı avtomobilin qaçırılması barədə müraciət daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində avtomobil martın 26-da Göyçay şəhəri ərazisində tapılmışdır.Nəqliyyat vasitəsini qaçırmaqda şübhəli bilinənlər - şəhər sakini, əvvəllər məhkum olunmuş İ.Mustafayev və Hacıqabul rayon sakini M.Həşimov saxlanılmışlar.Araşdırma aparılır.

Ucar rayon sakinləri N.Əhmədov və bacısından 1 kiloqram 850 qram heroin, 1 kiloqram 880 qram marixuana və 140 qramdan artıq metamfetamin aşkar edilərək götürülmüşdür

27.03.2022

Ağstafa RPŞ əməkdaşlarının keçirdikləri əməliyyat tədbiri nəticəsində Göyçay rayon sakini K.Şükürovun idarə etdiyi “VAZ-2109” markalı avtomobil saxlanılmışdır. Avtomobilə baxış zamanı sərnişinləri Ucar rayon sakinləri, əvvəllər məhkum olunmuş N.Əhmədov və bacısından 1 kiloqram 850 qram heroin, 1 kiloqram 880 qram marixuana və 140 qramdan artıq metamfetamin aşkar edilərək götürülmüşdür.

Hacıqabul rayonunun Malıbəyli kənd sakini P.Çərkəzovdan 116 qrama yaxın heroin və 7 qrama yaxın metamfetamin aşkar edilərək götürülmüşdür

27.03.2022

Hacıqabul RPŞ əməkdaşlarının keçirdikləri əməliyyat tədbiri nəticəsində Malıbəyli kənd sakini, əvvəllər məhkum olunmuş P.Çərkəzovdan 116 qrama yaxın heroin və 7 qrama yaxın metamfetamin aşkar edilərək götürülmüşdür.