Oğurluq etdiyinə görə tutulmuş T.Bədəlovun mağazaların birindən 1850 manat pul, 2 ədəd noutbuk və 2 ədəd mobil telefon oğurlaması da müəyyən olunmuşdur

31.03.2022

Binəqədi RPİ 5-ci PB-nin əməkdaşları tərəfindən oğurluq etdiyinə görə tutulmuş T.Bədəlovun ətrafında aparılmış tədbirlərlə onun rayon ərazisindəki mağazaların birindən 1850 manat pul, 2 ədəd noutbuk və 2 ədəd mobil telefon oğurlaması da müəyyən olunmuşdur.

Bakı şəhər sakini M.Xudaverdiyevə hədə-qorxu gəlib 100 manat pulunu almaqda şübhəli bilinən F.Bayramov müəyyən edilərək saxlanılmışdır

31.03.2022

Nizami RPİ-nin 24-cü Polis Şöbəsinə martın 11-də R.Rüstəmov küçəsində bir nəfərin Bakı şəhər sakini M.Xudaverdiyevə hədə-qorxu gəlib 100 manat pulunu alması barədə məlumat daxil olmuşdur. Polis  əməkdaşlarının keçirdikləri əməliyyat tədbiri nəticəsində hədə-qorxu ilə tələb etməkdə şübhəli bilinən paytaxt sakini F.Bayramov müəyyən edilərək saxlanılmışdır.

Oğurluq etdiyinə görə tutulmuş R.Abdullayevin törətdiyi digər cinayət əməlləri də müəyyən edilmişdir

31.03.2022

Suraxanı RPİ 31-ci PB-nin əməkdaşları tərəfindən oğurluq etdiyinə görə tutulmuş R.Abdullayevin ətrafında aparılan tədbirlərlə onun rayon ərazisində bir avtomobildən qızıl-zinət əşyaları və mobil telefon, 5 evdən isə pul, qızıl-zinət əşyaları və ərzaq məhsulları oğurlaması da müəyyən olunmuşdur.

Mingəçevir şəhər sakinləri F.Qasımovdan və İ.Həsənovdan narkotik vasitələr götürülmüşdür

31.03.2022

Mingəçevir ŞPŞ əməkdaşlarının keçirdikləri əməliyyat tədbiri nəticəsində şəhər sakini F.Qasımov saxlanılmışdır. Şəxsi axtarış zamanı ondan heroin aşkar edilmişdir. Davam etdirilən tədbirlərlə narkotik vasitəni ona satmaqda şübhəli bilinən həmyerlisi İ.Həsənov da müəyyən edilərək saxlanılmışdır. Ondan heroin və 13 qramdan artıq marixuana, habelə şəhər ərazisində gizlətdiyi 450 qramdan artıq marixuana aşkar edilərək götürülmüşdür.

Quba rayonunun Qırmızı qəsəbə sakini N.Şamailovdan və Orta Xuc kənd sakini  E.Qaraxanovdan narkotik vasitələr götürülmüşdür

31.03.2022

Quba RPŞ əməkdaşlarının keçirdikləri əməliyyat tədbiri nəticəsində Qırmızı qəsəbə sakini, əvvəllər məhkum olunmuş N.Şamailov saxlanılmışdır. Şəxsi axtarış zamanı ondan marixuana aşkar edilmişdir. Davam etdirilən tədbirlərlə narkotik vasitəni ona verməkdə şübhəli bilinən Orta Xuc kənd sakini, əvvəllər məhkum olunmuş  E.Qaraxanov da müəyyən edilərək saxlanılmışdır. Onun evinə baxış zamanı oradan 666 qrama yaxın marixuana və çətənə toxumları, 1 ədəd elektron tərəzi, həyətanı sahəsindən isə 4 ədəd çətənə kolu aşkar edilərək götürülmüşdür.

Nəqliyyat vasitəsi qaçırdığına görə tutulmuş İ.Mustafayevin Ucar rayon sakini Ü.Ağayevə məxsus avtomobili qaçırması da müəyyən olunmuşdur

31.03.2022

Göyçay RPŞ-nin əməkdaşları tərəfindən nəqliyyat vasitəsi qaçırdığına görə tutulmuş İ.Mustafayevin ətrafında aparılan tədbirlərlə onun Ucar rayon sakini Ü.Ağayevə məxsus “VAZ-2106” markalı avtomobili qaçırması da müəyyən olunmuşdur. 

Zərdab şəhər sakini A.İsrəfilovdan qanunsuz saxladığı ov tüfəngi götürülmüşdür

31.03.2022

Zərdab RPŞ əməkdaşlarının keçirdikləri əməliyyat tədbiri nəticəsində şəhər sakini A.İsrəfilovdan qanunsuz saxladığı “İJ” markalı ov tüfəngi götürülmüşdür.

Oğurluqda şübhəli bilinən M.Beybudov və E.Heydərov saxlanılmışlar

31.03.2022

Biləsuvar RPŞ əməkdaşlarının keçirdikləri əməliyyat-axtarış tədbirləri nəticəsində martın 30-da rayon ərazisindəki evlərin birindən 8400 manat oğurlamaqda şübhəli bilinən M.Beybudov və şəhər sakini E.Heydərov saxlanılmışlar. 

Astara rayonunun Təngərüd kəndin ərazisində yol-nəqliyyat hadisəsi

31.03.2022

Martın 31-də saat 1 radələrində Astara rayonunun Təngərüd kəndin ərazisində R.Əzimovun idarə etdiyi “QAZ-66” və R.Ramazanovun idarə etdiyi “Hyundai” markalı avtomobillər toqquşmuşdur. Nəticədə R.Ramazanovun sərnişini Raxım Bəşimov hadisə yerində ölmüş, hər iki sürücü xəstəxanaya yerləşdirilmişdir. Astara RPŞ-də  araşdırma aparılır.  

Gün ərzində törədilmiş 73 cinayətin üstü “isti izlər”lə açılmışdır

30.03.2022

Respublikanın daxili işlər orqanları tərəfindən gün ərzində törədilmiş 73 cinayətin üstü “isti izlər”lə açılmışdır.