Soyğunçuluqda şübhəli bilinən Şəmkir şəhər sakinləri M.Qasımov və C.Məmmədov saxlanılmışlar

11.04.2022

Şəmkir RPŞ əməkdaşlarının keçirdikləri əməliyyat tədbiri nəticəsində Gəncə şəhər sakini F.Əliyevin mobil telefonunu soyğunçuluq yolu ilə talamaqda şübhəli bilinən Şəmkir şəhər sakinləri M.Qasımov və əvvəllər məhkum olunmuş C.Məmmədov saxlanılmışlar. Araşdırma aparılır. 

Kokain və digər növdən olan narkotik maddələrin satışı ilə məşğul olan daha 5 nəfər saxlanılıb

11.04.2022

Paytaxtın Nəsimi rayonunda narkotik vasitələrin qanunsuz dövriyyəsinə qarşı növbəti əməliyyatlar keçirilib. Nəsimi Rayon Polis İdarəsinin əməkdaşlarının həyata keçirdikləri tədbirlər zamanı narkotiklərin qanunsuz dövriyyəsi ilə məşğul olan daha 4 nəfər saxlanılıb. Onlardan ümumilikdə 2 kiloqram kokain, heroin, psixotrop maddə metamfetamin və elektron tərəzilər götürülüb. Əməliyyatlar zamanı saxlanılan Musa Abdullayevdən külli miqdarda yüksək təsiredici xassəyə malik kokain, 130 ədəd psixotrop tərkibli həb, Mahir Abdullayev, Əli Əliyev və Faiq Əliyevdən də müxtəlif xassəli narkotik vasitələr aşkar olunub. Araşdırma nəticəsində müəyyən edilib ki, saxlanılan şəxslər narkotik vasitələri sosial şəbəkələr vasitəsi ilə əldə ediblər. Onlar xarici ölkələrdə yaşayan narkotacirlərlə tanış olaraq həmin şəxslərin narkokuryerlik təklifi ilə razılaşıblar. Saxlanılan şəxslər narkotacirlərin yalan vədlərinə aldanaraq narkotik vasitələrin satışını həyata keçiriblər. Xətai rayonuda da narkotik vasitələrin satışı ilə məşğul olan şəxs saxlanılıb. Xətai Rayon Polis İdarəsinin əməkdaşlarının həyata keçirdikləri əməliyyat zamanı Əhmədli qəsəbəsində narkotiklərin satışı ilə məşğul olan Namiq Vəliyev tutulub. Onun üzərindən və yaşadığı evdən 11 kiloqrama yaxın marixuana aşkar olunub. Namiq Vəliyev narkotik tərkibli bitkiləri əkdiyini və satmaq məqsədi ilə qurutduğunu bildirib.Faktlarla bağlı saxlanılan şəxslər barəsində Cinayət İşi başlanılıb. Onlar barəsində məhkəmənin qərarı ilə həbs qətimkan tədbiri seçilib. Adları çəkilən şəxslərin daxil olduqları narkoşəbəkənin digər üzvlərinin saxlanılması istiqamətində əməliyyatlar davam etdirilir.

Gün ərzində törədilmiş 53 cinayətin üstü “isti izlər”lə açılmışdır

10.04.2022

Respublikanın daxili işlər orqanları tərəfindən gün ərzində törədilmiş 53 cinayətin üstü “isti izlər”lə açılmışdır.

Biləcəri qəsəbəsində yaşayan N.Əlimuradova qarşı quldurluq əməlini törətməkdə şübhəli bilinən şəxslər saxlanılmışlar

10.04.2022

DİN-in “102 - Zəng Mərkəzi”nə aprelin 10-da saat 2 radələrində Biləcəri qəsəbəsində yaşayan N.Əlimuradovun yaşadığı evə girən 2 nəfərin onun əllərini iplə bağlayıb 260 manat pulunu və ərzaq mallarını talamaları barədə məlumat daxil olmuşdur. Binəqədi RPİ 6-cı Polis Bölməsi əməkdaşlarının keçirdikləri əməliyyat-axtarış tədbirləri nəticəsində quldurluq əməlini törətməkdə şübhəli bilinən, əvvəllər oğurluğa görə məhkum olunmuşlar - Kürdəmir rayon sakini İ.Məmmədov və Yevlax rayon sakini T.Vəliyev müəyyən edilərək saxlanılmışlar.Binəqədi Rayon Polis İdarəsində araşdırma aparılır.

Tovuz rayonunun Əsrik Cırdaxan kəndi ərazisində “Mercedes” markalı avtomobillə kənd sakini R.Xəlilova vurulmuşdur

10.04.2022

Aprelin 10-da saat 9 radələrində Tovuz rayonunun Əsrik Cırdaxan kəndi ərazisində kənd sakini A.Quliyev idarə etdiyi “Mercedes” markalı avtomobillə yolu keçən həmkəndlisi Rüxsarə Xəlilovanı vurmuşdur. Nəticədə xəsarət almış piyada xəstəxanaya aparılarkən yolda ölmüşdür.Tovuz RPŞ-də araşdırma aparılır.

Binəqədi qəsəbəsi ərazisində 22 evdən su sayğaclarını oğurlamaqda şübhəli bilinən Bakı şəhər sakini Ş.Mollayı saxlanılmışdır

10.04.2022

Binəqədi RPİ 43-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində ayrı-ayrı vaxtlarda Binəqədi qəsəbəsi ərazisində 22 evdən su sayğaclarını oğurlamaqda şübhəli bilinən Bakı şəhər sakini, əvvəllər oğurluq və narkotiklərlə əlaqəli cinayətlərə görə məhkum olunmuş Ş.Mollayı saxlanılmışdır. Araşdırma aparılır. 

Gün ərzində törədilmiş 73 cinayətin üstü “isti izlər”lə açılmışdır

09.04.2022

Respublikanın daxili işlər orqanları tərəfindən gün ərzində törədilmiş 73 cinayətin üstü “isti izlər”lə açılmışdır.

Xəzər rayonunun Binə qəsəbəsi ərazisindən “VAZ-2107” markalı avtomobili qaçırmaqda şübhəli bilinən F.Bayramov saxlanılmışdır

09.04.2022

Xəzər RPİ-nin 3-cü Polis Şöbəsinə Binə qəsəbəsi ərazisindən qəsəbə sakini F.Hüseynova məxsus “VAZ-2107” markalı avtomobilin qaçırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində avtomobil qəsəbə ərazisində maqnitofonu, səs gücləndiriciləri və pərdələri oğurlanmış vəziyyətdə tapılmışdır. Nəqliyyat vasitəsini qaçırmaqda şübhəli bilinən qəsəbə sakini, əvvəllər məhkum olunmuş F.Bayramov müəyyən olunaraq saxlanılmışdır.  Araşdırma aparılır. 

Gün ərzində törədilmiş 71 cinayətin üstü “isti izlər”lə açılmışdır

08.04.2022

Respublikanın daxili işlər orqanları tərəfindən gün ərzində törədilmiş 71 cinayətin üstü “isti izlər”lə açılmışdır.

Koronavirus xəstəsi ictimai yerdə aşkar edilərək saxlanılıb

08.04.2022

Metropolitendə Polis Şöbəsinin əməkdaşları tərəfindən aprelin 8-də ev şəraitində müalicə təyin olunmasına baxmayaraq, yaşayış yerini tərk edən aktiv koronavirus xəstəsi olan Masallı rayon sakini R.Muradov ictimai yerdə aşkar edilərək saxlanılıb. Polis əməkdaşları onunla izahedici söhbətlər aparıb, tibbi prosedurları gözləməklə evinə qaytarıb, bu barədə müvafiq səhiyyə qurumu məlumatlandırılıb.