Gün ərzində törədilmiş 71 cinayətin üstü “isti izlər”lə açılmışdır

13.04.2022

Respublikanın daxili işlər orqanları tərəfindən gün ərzində törədilmiş 71 cinayətin üstü “isti izlər”lə açılmışdır.

Quldurluq etməkdə şübhəli bilinən Bakı şəhər sakini T.Əliyev müəyyən edilərək saxlanılmışdır

13.04.2022

Binəqədi RPİ-nin 7-ci Polis Bölməsinə aprelin 13-də saat 7 radələrində M.Ə.Rəsulzadə qəsəbəsində Bakı şəhər sakini N.Abdullayevin idarə etdiyi “Daewoo” markalı avtomobildə olan sərnişininin onu bıçaqla hədələyib 40 manat pulunu talaması barədə müraciət daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən Bakı şəhər sakini, əvvəllər məhkum olunmuş T.Əliyev müəyyən edilərək saxlanılmışdır. Binəqədi Rayon Polis İdarəsində araşdırma aparılır. 

Hədə-qorxu ilə tələb etmə ilə pul almaqda şübhəli bilinən “Cənub.az” internet saytının redaktoru Zahir Əmənov saxlanılmışdır

13.04.2022

Masallı Rayon Polis Şöbəsinə ərizə ilə müraciət edən rayon İcra Hakimiyyətinin Sığdaş kənd ərazi dairəsi üzrə nümayəndəsi İ.Əliyev aprelin 13-də “Cənub.az” internet saytının redaktoru Zahir Əmənovun onun övladının səs yazısını sosial şəbəkələrdə yayacağı ilə hədələyib 1500 manat pul almasını bildirmişdir.Polis əməkdaşlarının keçirdikləri əməliyyat-axtarış tədbirləri nəticəsində hədə-qorxu ilə tələb etmədə şübhəli bilinən Z.Əmənov saxlanılmışdır. Faktla əlaqədar Cinayət Məcəlləsinin 182-ci maddəsi (hədə-qorxu ilə tələb etmə) ilə cinayət işi başlanılmışdır.Masallı Rayon Polis Şöbəsində araşdırma aparılır.

Nəqliyyat vasitəsini qaçırmaqda şübhəli bilinən Bakı şəhər sakinləri Ü.Abbasov və S.Qasımov avtomobillə birlikdə saxlanılmışlar

13.04.2022

Xəzər RPİ-nin 1-ci Polis Şöbəsinə aprelin 12-də Qala qəsəbə sakini M.İmaməddinovun “Mercedes” markalı avtomobilinin qəsəbə  ərazisindən qaçırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Bakı şəhər sakinləri Ü.Abbasov və S.Qasımov avtomobillə birlikdə saxlanılmışlar. Xəzər RPİ-də araşdırma aparılır. 

Nərimanov rayonunun Z.Bünyadov prospektində yol-nəqliyyat hadisəsi

13.04.2022

Aprelin 13-də saat 22 radələrində Nərimanov rayonunun Z.Bünyadov prospektində Ağstafa rayon sakini Şahin Hacıməmmədov idarə etdiyi “Toyota” markalı avtomobili yolun kənarındakı dirəyə vurmuşdur. Nəticədə sürücü və bir sərnişini xəstəxanaya yerləşdirilmiş, sürücü orada ölmüşdür. Nərimanov RPİ-də araşdırma aparılır

Gəncə şəhəri ərazisində yol-n'qliyyat hadisəsi

13.04.2022

Aprelin 13-də saat 10 radələrində Gəncə şəhəri ərazisində şəhər sakini R.Kərimov idarə etdiyi “VAZ-2174” markalı avtomobillə yolu keçən Samux rayon sakini Vüsal Əhmədovu vurmuşdur. Nəticədə xəsarətlə xəstəxanaya yerləşdirilmiş piyada orada ölmüşdür.Gəncə ŞBPİ-nin 2-ci Polis Şöbəsində araşdırma aparılır.

Oğurluq etməkdə şübhəli bilinən Bakı şəhər sakini Tərlan Bədəlov müəyyən edilərək saxlanılmışdır

13.04.2022

Yasamal RPİ-nin 28-ci Polis Bölməsinə aprelin 12-də M.Seyidov küçəsində yerləşən gözəllik salonlarının birində paytaxt sakini olan qadının içərisində 1000 manatı və 200 ABŞ dolları olan pulqabısının oğurlanması barədə müraciət daxil olmuşdur.   Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini, əvvəllər də eyni əmələ görə məhkum olunmuş Tərlan Bədəlov müəyyən edilərək saxlanılmışdır. Araşdırma aparılır. 

Oğurluqda şübhəli bilinən Bakı şəhər sakini Vüqar Tapdıqzadə müəyyən edilərək saxlanılmışdır

13.04.2022

Xətai RPİ 37-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində aprelin 12-nə keçən gecə İ.Məmmədov küçəsindəki evlərin birindən 10.000 manat dəyərində 2 ədəd televizor, kompyuter, planşet, kinoteatr və internet avadanlığı oğurlamaqda şübhəli bilinən Bakı şəhər sakini, əvvəllər də eyni əmələ görə məhkum olunmuş Vüqar Tapdıqzadə müəyyən edilərək saxlanılmışdır.   Araşdırma aparılır. 

Oğurluqda şübhəli bilinən Lənkəran rayonunun Yuxarı Nüvədi kənd sakini T.Seyfullayev saxlanılmışdır

13.04.2022

Lənkəran ŞRPŞ əməkdaşlarının keçirdikləri əməliyyat-axtarış tədbirləri nəticəsində rayon ərazisindəki evlərin birindən 2000 manat dəyərində qızıl-zinət əşyaları oğurlamaqda şübhəli bilinən Yuxarı Nüvədi kənd sakini T.Seyfullayev saxlanılmışdır. Araşdırma aparılır. 

Ağcabədi şəhər sakini C.Nəcəfovdan ona məxsus 275 qrama yaxın heroin, 31 qramdan artıq metamfetamin və elektron tərəzi aşkar edilərək götürülmüşdür.

13.04.2022

Ağcabədi RPŞ əməkdaşlarının keçirdikləri əməliyyat tədbiri nəticəsində şəhər sakini C.Nəcəfovun sərnişini olduğu “VAZ-2107” markalı avtomobil saxlanılmışdır. Avtomobilə baxış zamanı oradan ona məxsus  275 qrama yaxın heroin, 31 qramdan artıq metamfetamin və elektron tərəzi aşkar edilərək götürülmüşdür.