Gün ərzində törədilmiş 55 cinayətin üstü “isti izlər”lə açılmışdır

21.04.2022

Respublikanın daxili işlər orqanları tərəfindən gün ərzində törədilmiş 55 cinayətin üstü “isti izlər”lə açılmışdır.

Mingəçevir şəhəri ərazisində yol-nəqliyyat hadisəsi

21.04.2022

Aprelin 21-də saat 8 radələrində Mingəçevir şəhəri ərazisində şəhər sakini İ.Zeynalov idarə etdiyi “Mercedes” markalı avtomobillə yolu keçən həmyerlisi Yaşar Mehdiyevi vurmuş və nəticədə piyada hadisə yerində ölmüşdür.Mingəçevir ŞPŞ-də araşdırma aparılır. 

Ağdaş şəhəri ərazisində yol-nəqliyyat hadisəsi

21.04.2022

Aprelin 21-də saat 11 radələrində Ağdaş şəhəri ərazisində Bulaqotağı kənd sakini Y.Məmmədov idarə etdiyi “Hyundai” markalı avtomobillə yolu keçən rayon sakini Həqiqət Kərimovanı vurmuşdur. Nəticədə xəsarət almış piyada xəstəxanaya aparılarkən yolda ölmüşdür.Ağdaş RPŞ-də araşdırma aparılır

Oğurluqda şübhəli bilinən Bakı şəhər sakini A.Kərimov müəyyən edilərək saxlanılmışdır

21.04.2022

Binəqədi RPİ 5-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində aprelin 18-də Dərnəgül qəsəbəsindəki  evlərin birindən 1600 manat və 3400 ABŞ dolları oğurlamaqda şübhəli bilinən Bakı şəhər sakini, əvvəllər məhkum olunmuş A.Kərimov müəyyən edilərək saxlanılmışdır. Araşdırma aparılır.  

Məscidin nəzir qutusundan 300 manatın oğurlamasında şübhəli bilinən Zaqatala rayonunun Qandax kənd sakini A.Osmanov müəyyən edilərək saxlanılmışdır

21.04.2022

Zaqatala Rayon Polis Şöbəsinə aprelin 13-dən 15-dək olan müddətdə Göyəm kəndi ərazisindəki məscidin nəzir qutusundan 300 manatın oğurlanması barədə müraciət daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Qandax kənd sakini, əvvəllər məhkum olunmuş A.Osmanov müəyyən edilərək saxlanılmışdır. Araşdırma aparılır. 

Gəncləri narkokuryerliyə cəlb etməyə çalışan narkotacirlərə qarşı genişmiqyaslı əməliyyatlar keçirilib

21.04.2022

Daxili İşlər Nazirliyi Baş Narkotiklərlə Mübarizə İdarəsinin əməkdaşları tərəfindən son 15 gün ərzində keçirilən əməliyyatlar zamanı narkotik maddələrin qanunsuz dövriyyəsi ilə məşğul olan daha 40 nəfər saxlanılıb. Həmin şəxslərdən ümumilikdə 60 kiloqramdan narkotik vasitə və psixotrop maddə, 2548 ədəd psixotrop tərkibli həb, 1 ədəd  tüfəng və 46 ədəd patron aşkar olunub.Daxil olmuş əməliyyat məlumatı əsasında Lənkəran şəhərində keçirilən əməliyyat zamanı Astara rayon sakini Babulla Rüstəmov saxlanılıb. Onun üzərindən,idarə etdiyi avtomobildən və yaşadığı evdən 16 kiloqram marixuana, 1 ədəd müvafiq sənədləri olmayan tüfəng və 25 ədəd patron aşkar edilib.Baş İdarə əməkdaşlarının Quba rayonunda keçirdikləri əməliyyat zamanı isə əvvəllər məhkum olunmuş Ənvər Rəhimov və tanışı Emil Abbasov saxlanılıblar. Bu şəxslərdən 6 kiloqram heroin tiryək, metamfetamin aşkar edilib.Paytaxtda, eləcə də, Abşeron və Bərdə rayonlarında həyata keçirilən əməliyyatlar zamanı  sosial şəbəkələr vasitəsi ilə narkotacirlər tərəfindən narkokuryerliyə cəlb edilən daha 19 nəfər saxlanılıb. Bu şəxslərdən 22 kiloqram narkotik maddə, elektron tərəzilər, ekstazi, metadon həbləri, narkotik vasitələrin onlayn satışı, həmçinin pul dövriyyəsini təşkil etmək üçün istifadə olunan plastik kartlar, 21 ədəd patron və patron darağı aşkar olunub.Baş İdarənin Cənub və Qərb Bölgələrində Regional Şöbələrinin əməkdaşlarının Gəncə, Lənkəran şəhərləri, həmçinin Bərdə, Astara, Salyan və Cəlilabad rayonlarında həyata keçirdikləri əməliyyatlar zamanı isə 18 nəfər saxlanılıb. Bu şəxslərdən  ikisi – Salyan rayonunda tutulan Ramiz Ağayev və Ziya Təhməzovdan 13 kiloqram tiryək, marixuana, 1750 ədəd psixotrop tərkibli həb, elektron tərəzi və plastik kartlar aşkar olunub. Qeyd edilən şəhər və rayonlarda tutulan digər 12 nəfərdən isə 3 kiloqram narkotik vasitə gtürülüb.Saxlanılan şəxslər ifadələrində narkotik maddələrin satışını təşkil etməklə yanaşı, niyyətlərinin sosial şəbəkələr və digər vasitələrlə daha çox gənci narkokuryerliyə cəlb etmək olduğunu bildiriblər.Faktlarla bağlı Cinayət Məcəlləsinin müvafiq maddələri ilə cinayət işləri başlanılıb narkotiklərin qanunsuz dövriyyəsində təqsirli bilindikləri üçün saxlanılan şəxslərin hər biri barəsində məhkəmələrin qərarı ilə həbs qətimkan tədbirləri seçilib.

Gün ərzində törədilmiş 71 cinayətin üstü “isti izlər”lə açılmışdır

20.04.2022

Respublikanın daxili işlər orqanları tərəfindən gün ərzində törədilmiş 71 cinayətin üstü “isti izlər”lə açılmışdır.

Quldurluq etməkdə şübhəli bilinən Bakı şəhər sakinləri N.Hüseynli, A.Abbasov, Sabirabad rayon sakinləri A.Şirinov, C.Qasımov, Şəki rayon sakini F.Hüseynli müəyyən edilərək saxlanılmışlar

20.04.2022

Səbail Rayon Polis İdarəsinə aprelin 19-da saat 20 radələrində metronun “İçəri şəhər” stansiyasının yaxınlığında bir qrup gəncin Bakı şəhər sakinləri E.Bağırovu  və V.Xanlarovu döymələri və E.Bağırovun mobil telefonunu almaları barədə məlumat daxil olmuşdur.Polis əməkdaşlarının keçirdikləri əməliyyat tədbirləri nəticəsində quldurluğu törətməkdə şübhəli bilinən Bakı şəhər sakinləri N.Hüseynli, A.Abbasov, Sabirabad rayon sakinləri A.Şirinov, C.Qasımov, Şəki rayon sakini F.Hüseynli müəyyən edilərək saxlanılmışlar. Səbail Rayon Polis İdarəsində araşdırma aparılır. 

Xaçmaz rayonunun Xudat şəhəri ərazisində yol-nəqliyyat hadisəsi

20.04.2022

Aprelin 20-də saat 15 radələrində Xaçmaz rayonunun Xudat şəhəri ərazisində Arzu kənd sakini E.Axverdiyev idarə etdiyi “İsuzu markalı avtomobillə yolu keçən şəhər sakini Dilşad Əhmədovanı vurmuş və nəticədə piyada hadisə yerində ölmüşdür.Baş İstintaq və Təhqiqat İdarəsi tərəfindən araşdırma aparılır.

Oğurluqda şübhəli bilinən Bakı şəhər sakini Ə.Əsgərli, Biləsuvar rayon sakinləri  T.Əzizov və M.Məmmədov saxlanılmışlar

20.04.2022

Xəzər RPİ 1-ci Polis Şöbəsi əməkdaşlarının keçirdikləri əməliyyat tədbirləri nəticəsində rayon ərazisində bir avtomobildən 1580 manat pul, 8 evdən pul, qızıl-zinət, məişət əşyaları və təmir-tikinti alətləri oğurlamaqda şübhəli bilinən Bakı şəhər sakini, əvvəllər məhkum olunmuş Ə.Əsgərli, Biləsuvar rayon sakinləri,  əvvəllər məhkum olunmuşlar  T.Əzizov və M.Məmmədov saxlanılmışlar. Araşdırma aparılır.