Ağdam rayonunun Qərvənd kəndinin ərazisində 1 hektar sahədə yabanı halda bitmiş çətənə kolları məhv edilmişdir

01.06.2022

Ağdam RPŞ-nin əməkdaşları tərəfindən işğaldan azad olunmuş Qərvənd kəndinin ərazisində 1 hektar sahədə yabanı halda bitmiş 1 ton 3 kiloqram çəkidə 1503 ədəd çətənə kolu aşkar edilərək məhv edilmişdir.

Binəqədi rayonunda narkotik maddələrin satışı ilə məşğul olan şəxslər saxlanılıblar

01.06.2022

Paytaxtın Binəqədi rayonunda narkotik vasitələrin qanunsuz dövriyyəsi ilə məşğul olan şəxs saxlanılıb. Binəqədi Rayon Polis İdarəsinin əməkdaşlarının həyata keçirdikləri tədbir zamanı paytaxt sakini Raul Şərifov tutulub. Onun üzərindən ümumilikdə 50 qrama yaxın heroin və metamfetamin aşkar olunub. Polis İdarəsində aparılan əlavə araşdırmalar zamanı Raul Şərifova narkotik vasitələri satan tanışı Bakı şəhər sakini Rəşad Ələkbərov da keçirilən əməliyyat zamanı saxlanılıb. Həmin şəxsin üzərindən və yaşadığı evdən 3 kiloqrama yaxın heroin və 500 qrama yaxın metamfetamin aşkar edilərək götürülüb. Rəşad Ələkbərov ifadəsində paytaxt ərazisində narkotik vasitələrin satışı ilə məşğul olduğunu etiraf edib. Saxlanılan şəxslər barəsində Binəqədi RPİ-nin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, istintaq tədbirləri davam etdirilir.

Gün ərzində törədilmiş 64 cinayətin üstü “isti izlər”lə açılmışdır

31.05.2022

Respublikanın daxili işlər orqanları tərəfindən gün ərzində törədilmiş 64 cinayətin üstü “isti izlər”lə açılmışdır.

Oğurluq etməkdə şübhəli bilinən paytaxt sakini X.İsayev müəyyən edilərək saxlanılmışdır

31.05.2022

Nəsimi RPİ-nin 19-cu Polis Şöbəsinə Bakı şəhər sakini Y.Əhmədovun bank hesabından 8500 manatın oğurlanması barədə müraciət daxil olmuşdur.  Polis əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən paytaxt sakini, əvvəllər oğurluq və narkotiklərlə əlaqəli cinayətlərə görə məhkum olunmuş X.İsayev müəyyən edilərək saxlanılmışdır. Araşdırma aparılır. 

Oğurluqda şübhəli bilinən Bakı şəhər sakini F.Əliyev saxlanılmış, digər bir nəfərin isə şəxsiyyəti müəyyən olunmuşdur

31.05.2022

Sabunçu RPİ 12-ci Polis Şöbəsi əməkdaşlarının keçirdikləri əməliyyat tədbiri nəticəsində mayın 26-da Balaxanı qəsəbəsindəki evlərin birindən 1100 manat pul və 4000 manat dəyərində qızıl-zinət əşyaları oğurlamaqda şübhəli bilinən Bakı şəhər sakini, əvvəllər məhkum olunmuş F.Əliyev saxlanılmış, digər bir nəfərin isə şəxsiyyəti müəyyən olunmuşdur. 

Nəqliyyat vasitəsini qaçırmaqda şübhəli bilinən Goranboy rayon sakini M.Yusifov və qardaşı avtomobillə birgə saxlanılmışlar

31.05.2022

DİN-in “102 Zəng Mərkəzi”nə mayın 30-na keçən gecə Binəqədi qəsəbəsi ərazisindəki avtomobil təmiri sexlərinin birindən Füzuli rayon sakini Ə.Allahverdiyevə məxsus “Daf” markalı avtomobilin qaçırılması barədə müraciət daxil olmuşdur.  Polis əməkdaşlarının keçirdikləri əməliyyat tədbirləri nəticəsində nəqliyyat vasitəsinin Goranboy rayon sakini M.Yusifov tərəfindən qaçırılması müəyyən olunmuşdur. Əməliyyat-axtarış tədbirləri ilə M.Yusibov və qardaşı Yevlax rayonu ərazisində avtomobillə birgə saxlanılmışlar.  Araşdırma aparılır. 

Nəqliyyat vasitəsini qaçırmaqda şübhəli bilinən Cəbrayıl rayon sakini  Eldəniz Balakişiyev avtomobillə birgə saxlanılmışdır

31.05.2022

DİN-in “102 – Zəng Mərkəzi”nə müraciət edən Bakı şəhər sakini S.Hüseynov  mayın 27-də Suraxanı rayonunun Əmircan qəsəbəsi ərazisindən “Hyundai” markalı avtomobilinin qaçırılmasını bildirmişdir.Polis əməkdaşları tərəfindən müvafiq tədbirlər həyata keçirilmişdir. Əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Cəbrayıl rayon sakini  Eldəniz Balakişiyev avtomobillə birgə saxlanılmışdır. Araşdırma aparılır.

Su mühərrikləri oğurlamaqda şübhəli bilinən Salyan şəhər sakini Ş.Mehdiyev saxlanılmışdır

31.05.2022

Salyan RPŞ əməkdaşlarının keçirdikləri əməliyyat tədbirləri nəticəsində Salyan Dövlət Bayraq Meydanının ərazisindən 3 ədəd, həmçinin müxtəlif vaxtlarda 3 vətəndaşın həyətindən su mühərriklərini oğurlamaqda şübhəli bilinən şəhər sakini, əvvəllər məhkum olunmuş Ş.Mehdiyev saxlanılmışdır. Araşdırma aparılır.

Sabunçu rayonunda may ayında keçirilən əməliyyatlar zamanı narkotiklərin qanunsuz dövriyyəsi ilə məşğul olan və silsilə oğurluqlar edən 117 nəfər saxlanılıb 

31.05.2022

Sabunçu Rayon Polis İdarəsinin əməkdaşları tərəfindən son 1 ayda keçirilən əməliyyatlar zamanı narkotiklərin qanunsuz dövriyyəsi ilə məşğul olan ümumilikdə 98 nəfər saxlanılıb. Aşkar edilən bütün faktlarla əlaqədar İdarənin İstintaq Şöbəsində cinayət işləri başlanılıb. Saxlanılan şəxslərdən 64-ü barəsində məhkəmə tərəfindən həbs, 34-ü haqqında isə polisin nəzarəti altına vermə və digər növdən olan qətimkan tədbirləri seçilib. Onlardan ümumilikdə 27 kiloqram narkotik vasitə və psixotrop maddə aşkar edilib. Qeyd edilən dövr ərzində Sabunçu Rayon Polis İdarəsinin əməkdaşlarının keçirdikləri əməliyyatlar zamanı Bakıxanov, Maştağa, Balaxanı, Zabrat və digər ərazilərdə yerləşən evlərdən, mağazalardan, ödəmə terminallarından silsilə oğurluqlar edən əlavə 19 nəfər saxlanılıb. Bu şəxslərin həmin ərazilərdə yerləşən 50-ə yaxın evdən, eləcə də obyektdən pul, qızıl-zinət və məişət əşyaları oğurladıqları müəyyən edilib. Qeyd edilən faktların hər biri ilə bağlı Sabunçu Rayon Polis İdarəsində araşdırmalar davam etdirilir.

Gün ərzində törədilmiş 32 cinayətin üstü “isti izlər”lə açılmışdır

30.05.2022

Respublikanın daxili işlər orqanları tərəfindən gün ərzində törədilmiş 32 cinayətin üstü “isti izlər”lə açılmışdır.