Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Salyan rayon sakini H.Mikayılovdan marixuana, Bakı şəhər sakini E.Ağayevdən isə 1 kiloqram 510 qram heroin aşkar edilərək götürülmüşdür
07.06.2022
Yasamal RPİ 27-ci Polis Bölməsi əməkdaşlarının keçirdikləri əməliyyat tədbiri nəticəsində saxlanılan Salyan rayon sakini H.Mikayılovdan marixuana, Bakı şəhər sakini, əvvəllər məhkum olunmuş E.Ağayevdən isə 1 kiloqram 510 qram heroin aşkar edilərək götürülmüşdür.
Kultivasiya yolu ilə yetişdirilmiş çətənə kolları aşkar edilərək götürülmüşdür
İsmayıllı RPŞ əməkdaşlarının keçirdikləri əməliyyat-axtarış tədbiri nəticəsində Ruşan kəndi ərazisində Şirvan şəhər sakinləri A.Cəbiyevin və A.Ərəbovun kultivasiya yolu ilə yetişdirdikləri 984 ədəd çətənə kolu aşkar edilərək götürülmüşdür.Suraxanı RPİ 30-cu Polis Şöbəsi əməkdaşlarının keçirdikləri əməliyyat-axtarış tədbiri nəticəsində Hövsan qəsəbə sakini E.Məmmədovun həyətindən kultivasiya yolu ilə yetişdirilmiş 299 ədəd çətənə kolu aşkar edilərək götürülmüşdür.
Özünü dənizə atmış Yevlax rayon sakini, şizofreniya xəstəliyindən əziyyət çəkən N.Əliyev sudan çıxarılmışdır
İyunun 7-də saat 17 radələrində Səbail rayonu ərazisindəki Dənizkənarı Milli parkda bir nəfər özünü dənizə atmışdır. Ərazidə xidmət aparan polis əməkdaşlarının çevikliyi sayəsində həmin şəxs sudan çıxarılmışdır. Polis əməkdaşları tərəfindən onun Yevlax rayon sakini, şizofreniya xəstəliyindən əziyyət çəkən N.Əliyev olması müəyyən edilmişdir. Araşdırma aparılır.
Füzuli rayonunun Böyük Bəhmənli kəndində yol-nəqliyyat hadisəsi
İyunun 7-də saat 4 radələrində Füzuli rayonunun Böyük Bəhmənli kəndində yolun kənarında dayanmış Aşağı Yağlıvənd kənd sakini T.Ağammədov müəyyən edilməmiş avtomobillə vurulmuş və nəticədə o, hadisə yerində ölmüşdür.Füzuli Rayon Polis Şöbəsində araşdırma aparılır.
Yol-nəqliyyat hadisəsi zamanı xəsarət almış Naxçıvan şəhər sakini N.Məmmədova yerləşdirildiyi xəstəxanada ölmüşdür
İyunun 6-da saat 17 radələrində Naxçıvan şəhərində şəhər sakini G.Şirinova idarə etdiyi “Hyundai” markalı avtomobillə yolu keçən həmyerlisi N.Məmmədovanı vurmuşdur. Nəticədə xəsarətlə xəstəxanaya yerləşdirilmiş piyada orada ölmüşdür.Naxçıvan Şəhər Polis Şöbəsində araşdırma aparılır.
Füzuli rayonunun Böyük Bəhmənli kəndində müəyyən edilməmiş avtomobillə rayon sakini T.Ağammədov vurulmuşdur
Naxçıvan şəhərində “Hyundai” markalı avtomobillə şəhər sakini N.Məmmədova vurulmuşdur
Gün ərzində törədilmiş 40 cinayətin üstü “isti izlər”lə açılmışdır
06.06.2022
Respublikanın daxili işlər orqanları tərəfindən gün ərzində törədilmiş 40 cinayətin üstü “isti izlər”lə açılmışdır.
Yetkinlik yaşına çatmayanlara tütün məmulatı satılması aşkar edilib
Polis orqanları tərəfindən yetkinlik yaşına çatmayanlara alkoqollu içkilərin və tütün məmulatlarının satışının qarşısının alınması istiqamətində mütəmadi olaraq tədbirlər keçirilir. Daxili İşlər Nazirliyinin Baş İctimai Təhlükəsizlik İdarəsi və Abşeron Rayon Polis İdarəsi əməkdaşlarının rayon ərazisində keçirdikləri tədbirlər nəticəsində 3 mağazada satıcıların yetkinlik yaşına çatmayanlara tütün məmulatları satması aşkar edilib. Həmin satıcılar barəsində İnzibati Xətalar Məcəlləsinin 455.2-ci maddəsinə əsasən (Etil (yeyinti) spirti, alkoqollu və energetik içkilərin və ya tütün məmulatlarının yetkinlik yaşına çatmayanlara satılmasına görə) inzibati tənbeh tədbiri tətbiq olunub. Bu istiqamətdə tədbirlər davam etdirilir.
Suraxanı rayonunun Suraxanı qəsəbəsi ərazisindən “Mercedes” markalı avtomobili qaçırmaqda şübhəli bilinən şəxs avtomobillə birgə saxlanılmışdır
Suraxanı RPİ-nin 31-ci Polis Bölməsinə iyunun 5-də Suraxanı qəsəbəsi ərazisindən qəsəbə sakini Q.Mənsimova məxsus “Mercedes” markalı avtomobilin qaçırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən oğlu R.Mənsimov avtomobillə birgə saxlanılmışdır.Suraxanı Rayon Polis İdarəsində araşdırma aparılır.
