Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Azyaşlı qızı qaçırmağa cəhd göstərməkdə şübhəli bilinən Zərdab rayonunun Körpükənd kənd sakini M.Məmmədov müəyyən olunaraq saxlanılıb
04.11.2022
Zərdab Rayon Polis Şöbəsinə noyabrın 3-də Körpükənd kəndi ərazisində bir nəfərin kənd sakini olan azyaşlı qızı qaçırmağa cəhd göstərməsi, qız səs-küy saldığından onu buraxıb hadisə yerini tərk etməsi barədə məlumat daxil olub. Polis əməkdaşlarının keçirdikləri əməliyyat-axtarış tədbirləri nəticəsində adam oğurluğuna cəhd etməkdə şübhəli bilinən Körpükənd kənd sakini, əvvəllər məhkum olunmuş M.Məmmədov müəyyən olunaraq saxlanılıb. Faktla bağlı Cinayət Məcəlləsinin 29,144-cü maddəsi (adam oğurluğuna cəhd) ilə cinayət işi başlanılıb. Zərdab Rayon Polis Şöbəsində araşdırma aparılır.
Oktyabrın 29-da C.Novruzovanın çantasından pul və mobil telefon oğurlamaqda şübhəli bilinən Sumqayıt şəhər sakini X.Nəcəfov saxlanılıb
Sumqayıt ŞPİ 4-cü Polis Bölməsi əməkdaşlarının keçirdikləri əməliyyat tədbiri nəticəsində oktyabrın 29-da C.Novruzovanın çantasından 300 manat və mobil telefon oğurlamaqda şübhəli bilinən şəhər sakini, əvvəllər məhkum olunmuş X.Nəcəfov saxlanılıb.Araşdırma aparılır.
Göyçay rayon sakinləri E.Mirzəliyev, T.Bayramov və Z.Həsənov saxlanılıblar
Göyçay Rayon Polis Şöbəsinə noyabrın 5-də saat 2 radələrində Cəyirli kəndi ərazisində yerləşən kafedə 3 nəfərə kəsilmiş-çapılmış xəsarətlər yetirilməsi barədə məlumat daxil olub. Polis əməkdaşları tərəfindən müvafiq tədbirlər həyata keçirilib. Araşdırmalarla həmin vaxt kafedə rayon sakinləri E.Mirzəliyevin, Kürdəmiş kənd sakini Z.Həsənovun və əvvəllər məhkum olunmuş T.Bayramovun münaqişə zəminində Kürdşaban kənd sakini P.Hüseynova bıçaqla çoxsaylı xəsarət yetirmələri, həmin vaxt onları aralaşdıran Kürdəmiş kənd sakini A.Yusifovun və Kürdşaban kənd sakini S.Rəhimovun kəsilmiş-çapılmış xəsarətlər almaları məlum olub. Polis əməkdaşlarının keçirdikləri əməliyyat-axtarış tədbirləri nəticəsində qəsdən sağlamlığa ağır zərər vurmada şübhəli bilinən E.Mirzəliyev, T.Bayramov və Z.Həsənov saxlanılıblar. Xəstəxanaya yerləşdirilən P.Hüseynovun vəziyyəti ağırdır. Digərlərinə isə ilkin tibbi yardım göstərildikdən sonra buraxılıblar.Göyçay Rayon Polis Şöbəsində araşdırma aparılır.
Narkotik vasitə ilə tutulan Yevlax şəhər sakini R.Əliyevin evindən 3 kiloqramdan artıq marixuana götürülüb
Yevlax Rayon Polis Şöbəsi əməkdaşları tərəfindən davam etdirilən tədbirlərlə narkotik vasitə ilə tutulan şəhər sakini R.Əliyevin yaşadığı evə baxış zamanı oradan 3 kiloqram 170 qram marixuana aşkar edilərək götürülüb.
Ağstafa rayonunun Dağkəsəmən kənd sakini X.Böyükkişiyevdən marixuana götürülüb
Ağstafa Rayon Polis Şöbəsi əməkdaşlarının keçirdikləri əməliyyat tədbiri nəticəsində Dağkəsəmən kənd sakini, əvvəllər məhkum olunmuş X.Böyükkişiyev saxlanılıb. Şəxsi axtarış zamanı ondan 410 qram marixuana aşkar edilərək götürülüb.
Zaqatala rayon sakini Elxan Xəlilovun öldürməkdə şübhəli bilinən Q.Burqandinov tutularaq istintaqa təhvil verilib
Zaqatala Rayon Polis Şöbəsinə noyabrın 4-də saat 16 radələrində Fındıqlı kəndi ərazisində rayon sakini Elxan Xəlilovun öldürülməsi barədə məlumat daxil olub.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla kənd sakini Q.Burqandinovun münaqişə zəminində spirtli içki şüşəsi ilə E.Xəlilovun baş nahiyəsinə xəsarət yetirərək qəsdən öldürməsinə əsaslı şübhələr müəyyən edilib.Polis əməkdaşlarının keçirdikləri əməliyyat-axtarış tədbirləri nəticəsində Q.Burqandinov şübhəli şəxs qismində tutularaq istintaqa təhvil verilib.Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Balakən rayon sakini R.Əhmədilovdan tapança və onun ləvazimatları götürülüb
Balakən Rayon Polis Şöbəsi əməkdaşlarının keçirdikləri əməliyyat tədbiri nəticəsində Meşəşambul kənd sakini əvvəllər məhkum olunmuş R.Əhmədilovdan nömrəsi silinmiş yivli tapança, 1 ədəd patron darağı və 1 ədəd patron götürülüb.
Qax rayonunun Xələftala kənd sakin Albina Papiaşvilini qətlə yetirməkdə şübhəli bilnən qardaşı tutularaq istintaqa təhvil verilib
Qax Rayon Polis Şöbəsinə noyabrın 4-də saat 19 radələrində Xələftala kənd sakin Albina Papiaşvilinin üzərində xəsarətlər olan meyitinin şəhər ərazisində yaşadığı evdə tapılması barədə məlumat daxil olub. Rayonun polis və prokurorluq orqanları əməkdaşlarının peşəkarlıqla həyata keçirdikləri istintaq-əməliyyat tədbirləri ilə qardaşı J.Papiaşvilinin bıçaqla çoxsaylı xəsarətlər yetirərək A.Papiaşvilini öldürüb hadisə yerindən qaçmasına əsaslı şübhələr müəyyən edilib.Polis əməkdaşlarının keçirdikləri əməliyyat-axtarış tədbirləri nəticəsində J.Papiaşvili şübhəli şəxs qismində tutularaq istintaqa təhvil verilib.Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
İşğaldan azad olunmuş ərazilərdə silah-sursat tapılıb
Xocavənd Rayon Polis Şöbəsinin əməkdaşları tərəfindən işğaldan azad olunmuş ərazilərdə 1 ədəd “RPQ” markalı qumbaraatan, 2 ədəd “AKM” markalı avtomat silah, 3 ədəd “F-1”, 1 ədəd “RQD-5” qumbarası, 10 ədəd “PQ-9” atım barıtı, 9900 ədəd patron və 16 ədəd avtomat patron darağı tapılıb.
Xaçmaz rayonunun Qadaşoba kəndi ərazisində yol-nəqliyyat hadisəsi
Noyabrın 4-də saat 12 radələrində Xaçmaz rayonunun Qadaşoba kəndi ərazisində Hacıisaoba kənd sakini Nadir Seyidov idarə etdiyi “VAZ-2106” markalı avtomobili yol ayırıcısına vurub və nəticədə sürücü hadisə yerində ölüb.Xaçmaz Rayon Polis Şöbəsində araşdırma aparılır.
