Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Sabunçu rayonunun Zabrat qəsəbəsində yol-nəqliyyat hadisəsi
14.12.2022
Dekabrın 14-də saat 7 radələrində Sabunçu rayonunun Zabrat qəsəbəsində M.Cəlilov idarə etdiyi “Daewoo” markalı avtobusla yolu keçən S.Şəfiyevanı vurub. Nəticədə xəsarətlə xəstəxanaya yerləşdirilən piyada orada ölüb. Sabunçu Rayon Polis İdarəsində araşdırma aparılır.
Oğurluqda şübhəli bilinən Bakı şəhər sakini E.Əşrəfov müəyyən olunaraq saxlanılıb
Binəqədi RPİ 43-cü Polis Bölməsi əməkdaşlarının Binəqədi qəsəbəsindəki həyətlərin birinin saxlanc yerindən 4500 manat dəyərində məişət əşyalarının qeyri-aşkar şəraitdə oğurlanması barədə daxil olan məlumatla əlaqədar keçirdikləri əməliyyat tədbiri nəticəsində oğurluq əməlində şübhəli bilinən Bakı şəhər sakini, əvvəllər də eyni əmələ görə məhkum olunmuş E.Əşrəfov müəyyən olunaraq saxlanılıb.Araşdırmalarla onun “Binəqədi Oil” şirkətinə məxsus yarımstansiyalardan 945 manat dəyərində elektron sayğac, elektrik avadanlıqları, mühafizə hasarından 1114 manat dəyərində 113 metr dəmir boru, bir həyətyanı sahədən isə 1200 manat dəyərində kombi oğurlaması da müəyyən olunub.
Oğurluq əməlində şübhəli bilinən Şəmkir rayon sakini İ.Abbasov müəyyən olunaraq saxlanılıb
Nəsimi rayonu ərazisindəki ofislərin birində Bakı şəhər sakini olan qadının əl çantasından 500 manat pul və 1400 manat dəyərində qızıl əşyasının qeyri-aşkar şəraitdə oğurlanması barədə polisə məlumat daxil olub. Nəsimi RPİ 21-ci Polis Bölməsi əməkdaşlarının keçirdikləri əməliyyat tədbirləri nəticəsində oğurluq əməlində şübhəli bilinən Şəmkir rayon sakini İ.Abbasov müəyyən olunaraq saxlanılıb.Araşdırma aparılır.
Sumqayıt şəhər sakini E.Abdullayev və Abşeron rayon sakini R.Qasımov şəhid şəkli olan lövhənin qeyri-aşkar şəraitdə sökülərək oğurlanmasında şübhəli bilinərək saxlanılıblar
Noyabrın 29-na keçən gecə Sumqayıt şəhəri 1-ci mikrorayondakı binaların birində şəhid şəkli olan lövhənin qeyri-aşkar şəraitdə sökülərək oğurlanması barədə polisə məlumat daxil olub. Sumqayıt ŞPİ 4-cü Polis Bölməsi əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən şəhər sakini, əvvəllər də oğurluq və narkotiklərlə əlaqəli cinayətlərə görə məhkum olunmuş E.Abdullayev və Abşeron rayon sakini R.Qasımov müəyyən olunaraq saxlanılıblar. Araşdırma aparılır.
Oğurluqda şübhəli bilinən Yevlax rayon sakinləri olan R.Bəkirov və M.Bukavadze saxlanılıb
Goranboy Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki mağazaların birindən 80 manat pul, 366 manat dəyərində danışıq kartları və alışqanlar oğurlamaqda şübhəli bilinən Yevlax rayon sakinləri olan R.Bəkirov və M.Bukavadze saxlanılıb. Araşdırmalarla R.Bəkirovun digər bir mağazadan pul və 923 manat dəyərində tütün məmulatı oğurlaması da müəyyən olunub.
Nəqliyyat vasitəsini qaçırmaqda şübhəli bilinən Goranboy rayon sakini E.İsmayılov saxlanılıb
Kəlbəcər rayonu ərazisində inşaat şirkətinə məxsus “HOWO” markalı yük avtomobilinin qaçırılması barədə polisə məlumat daxil olub. Kəlbəcər Rayon Polis Şöbəsi əməkdaşlarının keçirdikləri əməliyyat-axtarış tədbiri nəticəsində nəqliyyat vasitəsini qaçırmaqda şübhəli bilinən orada sürücü işləyən Goranboy rayon sakini E.İsmayılov saxlanılıb. Avtomobil şirkətə təhvil verilib. Araşdırma aparılır.
Bərdə şəhəri ərazisində yol-nəqliyyat hadisəsi
Dekabrın 14-də saat 11 radələrində Bərdə şəhəri ərazisində R.Hadıyev idarə etdiyi “KİA” markalı avtomobillə yolu keçən II qrup əlil S.Şahbazovu vurub. Nəticədə xəstəxanaya yerləşdirilən piyada orada ölüb.Araşdırma aparılır.
Qusar şəhəri ərazisində yol-nəqliyyat hadisəsi
Dekabrın 14-də saat 17 radələrində Qusar şəhəri ərazisində E.Həkimov idarə etdiyi “VAZ-21074” markalı avtomobillə yolu keçən N.Vəlibəyovu vurub və nəticədə piyada hadisə yerində ölüb.Qusar Rayon Polis Şöbəsində araşdırma aparılır.
Xızı şəhəri ərazisində yol-nəqliyyat hadisəsi
Dekabrın 14-də saat 18 radələrində Xızı şəhəri ərazisində S.Babayev idarə etdiyi “Mitsubishi” markalı avtomobillə yolun kənarında velosiped sürən Ə.Əliyevi vurub və nəticədə velosipedçi hadisə yerində ölüb.Baş İstintaq və Təhqiqat İdarəsi tərəfindən araşdırma aparılır.
Gün ərzində ölkə ərazisində qeydə alınan 32 cinayətin açılması təmin olunub
13.12.2022
Dekabrın 13-də ölkə ərazisində qeydə alınan 32, əvvəlki dövrlərdən bağlı qalan 31 cinayətin açılması daxili işlər orqanlarının əməkdaşları tərəfindən təmin olunub.
