Bakı şəhər sakini Abbas Əhədov DİN-in “Facebook” səhifəsinə təşəkkür mesajı yazıb. O, DİN-in “Facebook” səhifəsi vasitəsilə ünvanladığı müraciətinə operativ baxıldığına və obyektiv araşdırmalara başlanıldığına görə DİN-in rəhbərliyinə və Azərbaycan polisinə təşəkkürünü bildirir.

Bakı şəhər sakini Gülüstan Əliyeva Daxili İşlər Nazirliyinə ünvanladığı teleqramda bank hesabından kibercinayətkarlıqla pul vəsaitinin oğurlanması barədə müraciətinin obyektiv araşdırılmasına və tam təmin edilərək pul vəsaitinin özünə qaytarılmasına görə DİN-in rəhbərliyinə və Azərbaycan polisinə minnətdarlığını bildirir.

Vətəndaş Xəyyam Qaragözov DİN-in “Instagram” səhifəsinə təşəkkür mesajı ünvanlayıb: “Ərizə ilə Xətai Rayon Polis İdarəsinin 37-ci Polis Şöbəsinə müraciət etmişdim. Müraciətimə dərhal reaksiya verilib, mənə köməklik olundu. Buna görə DİN-in və Xətai RPİ-nin rəhbərliyinə minnətdarlığımı bildirirəm. Yaşasın, Azərbaycan polisi!”.

Vətəndaş Bəhruz Şükürlü DİN-in “Instagram” səhifəsinə təşəkkür mesajı ünvanlayıb: “Paytaxtın Nərimanov rayonu ərazisində avtomobilim qəzaya uğramışdı. Bununla bağlı “102” Xidməti-Zəng Mərkəzinə zəng etdim. Nərimanov Rayon Polis İdarəsinin Dövlət Yol Polisi Şöbəsinin əməkdaşları hadisəni qeydə aldı. Sənədləşdirmədən razı qaldım. Nərimanov RPİ-nin DYPŞ-yə təşəkkürümü bildirirəm”.

Vətəndaş Şahin Nəsibov DİN-ə ünvanladığı məktubda itən əşyasının tez bir zamanda tapılaraq ona təhvil verdikləri üçün Abşeron Rayon Polis İdarəsinin əməkdaşlarına təşəkkürünü bildirir. 

Sosial şəbəkə istifadəçiləri Nicat Niftəliyev və Namiq Paşayev DİN-in “Instagram” səhifəsinə yazdıqları mesajlarında baş vermiş yol-nəqliyyat hadisələri ilə əlaqədar müraciətilərinə çevik reaksiya verilərək müsbət həll olunmasında göstərilən köməkliyə görə Nərimanov Rayon Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi İslam Bağırov DİN-in “Instagram” səhifəsinə yazdığı mesajında müraciətinə baxılaraq müsbət həll olunmasında göstərilən köməkliyə görə Xətai Rayon Polis İdarəsinin əməkdaşlarına minnəttarlığını bildirir.

Sosial şəbəkə istifadəçisi Məlahət Qocayeva DİN-in “Instagram” səhifəsinə yazdığı mesajında baş vermiş yol-nəqliyyat hadisəsi ilə əlaqədar müraciətininə çevik reaksiya verilərək müsbət həll olunmasında göstərilən köməkliyə görə Xətai Rayon Polis İdarəsinin əməkdaşlarına təşəkkürünü bildirir.

Sumqayıt şəhər sakini Cavid Şıxəliyev məktubunda daxili işlər naziri tərəfindən keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verilərək qısa müddətdə müsbət həll olunmasında göstərilən köməkliyə görə DİN rəhbərliyinə minnətdarlığını ifadə edir.