Astara rayon sakini Pərvər Kazımova DİN rəhbərliyinə ünvanladığı təşəkkür məktubunda narkotik vasitələrin qanunsuz dövriyyəsinə qarşı aparılan qətiyyətli mübarizə tədbirlərinə və əldə olunan effektiv nəticələrə görə Astara RPŞ-nin əməkdaşlarına minnətdarlığını bildirir.

Yardımı rayon sakini Səfər Səlimov DİN rəhbərliyinə ünvanladığı təşəkkür məktubunda vətəndaş müraciətlərinə həssaslıqla yanaşılmasına görə Yardımlı RPŞ-nin rəhbərliyinə minnətdarlığını ifadə edir.

Lənkəran rayon sakini Rauf Abbasov öz təşəkkür məktubunda itmiş 3 baş iribuynuzlu heyvanının polis əməkdaşları tərəfindən tapılaraq ona təhvil verilməsinə görə Şəhər Rayon Polis Şöbəsinin əməkdaşlarına minnətdarlığını bildirir.

Bakı şəhər sakini Şirin Abbasov məktubunda üzləşdiyi yol-nəqliyyat hadisəsi ilə bağlı müraciətinə operativ reaksiya verildiyini, Nəsimi Rayon Polis İdarəsində obyektiv araşdırma aparılaraq müsbət həll olunduğunu, avtomobilinə dəymiş maddi ziyanın tam ödətdirilməsində köməklik göstərildiyini qeyd edir. O, müraciətinə həssas yanaşıldığına, yüksək diqqət və hörmətə, operativliyə görə DİN rəhbərliyinə və Nəsimi Rayon Polis İdarəsinin əməkdaşlarına minnətdarlığını bildirir.

Bakı şəhər sakini Aygün Tanrıverdiyeva DİN-in “Instagram” səhifəsinə mesaj yazaraq mənzilində baş vermiş oğurluq faktı ilə əlaqədar etdiyi müraciətə dərhal reaksiya verildiyinə və həyata keçirilən operativ tədbirlərə görə DİN rəhbərliyinə minnətdarlıq edir.

Saatlı rayon sakini Elsevər İbrahimli Daxili İşlər Nazirliyinə ünvanladığı məktubunda müraciətinin müsbət həll olunmasına görə DİN rəhbərliyinə və Saatlı RPŞ-nin əməkdaşlarına təşəkkürünü bildirir

Abşeron rayon sakini Aqil İbrahimov Daxili İşlər Nazirliyinə ünvanladığı məktubunda müraciətinin müsbət həll olunmasına görə Abşeron RPİ-nin əməkdaşlarına təşəkkürünü bildirir.

Şirvan şəhər sakini Bayram Quliyev Daxili İşlər Nazirliyinə ünvanladığı məktubunda xidməti vəzifə borclarını layiqincə yerinə yetirdiklərinə görə Şirvan ŞPŞ-nin rəhbərliyinə və əməkdaşlarına təşəkkürünü ifadə edir.

İmişli rayon sakini Məhəmməd Məmmədov Daxili İşlər Nazirliyinə ünvanlandığı məktubunda üzləşdiyi dələduzluq faktı ilə bağlı etdiyi müraciətin  obyektiv araşdırıldığına və ona qarşı bu əməli törədən şəxslərin saxlanılaraq məsuliyyətə cəlb olunmalarına görə DİN rəhbərliyinə minnətdarlığını bildirir.