Gədəbəy rayonunun Slavyanka kənd sakini olan bir qrup şəxs tərəfindən Daxili İşlər Nazirliyinə ünvanlanan məktubda rayon ərazisində ictimai asayişin etibarlı qorunmasına görə DİN rəhbərliyinə və Gədəbəy Rayon Polis Şöbəsinin əməkdaşlarına təşəkkür ifadə olunur, çətin və şərəfli xidmətlərində uğurlar arzulanır. 

Sumqayıt şəhər sakini Taleh Məmmədov məktubunda asayişin etibarlı qorunmasına və cinayətkarlığa qarşı aparılan qətiyyətli mübarizə tədbirlərinə görə DİN rəhbərliyinə, eləcə də xidməti vəzifələrini layiqincə yerinə yetirən Sumqayıt ŞPİ 2-ci Polis Bölməsinin əməkdaşlarına minnətdarlığını bildirir, çətin və şərəfli xidmətlərində uğurlar arzulayır. 

Bakı şəhər sakini, şəhid atası Şirxan Daşdəmirov Baş Dövlət Yol Polisi İdarəsinin Müayinə Mərkəzinin əməkdaşları tərəfindən şəhid ailə üzvləri, qazi, müharibə iştirakçılarının avtomobillərinin növbəsiz və rahatlıqla texniki baxışdan keçirildiyini qeyd edərək DİN rəhbərliyinə təşəkkürünü bildirir.

Bakı şəhər sakini Əhməd Yunisli avtomobilinin təkrar qeydiyyata alınması ilə bağlı etdiyi müraciət ilə əlaqədar Bakı Şəhər Baş Polis İdarəsinə dəvət olunduğunu, yüksək hörmətlə qarşılandığını və müvafiq araşdırmalara başlanıldığını qeyd edərək DİN rəhbərliyinə minnətdarlığını bildirir.

Bakı şəhər sakini Əfsanə Əsgərova ictimai asayişin və təhlükəsizliyin təmin olunmasında, narkotiklərin qanunsuz dövriyyəsinə qarşı qətiyyətli mübarizədə xidməti vəzifə borclarını layiqincə yerinə yetirdiklərinə görə Azərbaycan Polisinə təşəkkürünü bildirir.

Bakı şəhər sakini, şəhid atası Şirxan Daşdəmirov Baş Dövlət Yol Polisi İdarəsinin Müayinə Mərkəzinin əməkdaşları tərəfindən şəhid ailə üzvləri, qazi, müharibə iştirakçılarının avtomobillərinin növbəsiz və rahatlıqla texniki baxışdan keçirildiyini qeyd edərək DİN rəhbərliyinə təşəkkürünü bildirir.

Bakı şəhər sakini Elçin İbrahimov DİN-in “Instagram” səhifəsinə təşəkkür mesajı yazıb. O, müraciətinə operativ baxılaraq qısa müddətdə müsbət həll edildiyinə görə DİN rəhbərliyinə və Baş Pasport, Qeydiyyat və Miqrasiya İdarəsinin əməkdaşlarına minnətdarlığını bildirir.

Salyan rayon sakini Gülyaz Hüseynova Daxili İşlər Nazirliyinin “Instagram” səhifəsinə təşəkkür mesajı yazaraq üzləşdiyi problem ilə bağlı etdiyi müraciətinin müsbət həll olunmasına görə DİN rəhbərliyinə minnətdarlığını bildirir.

Yevlax rayon sakini Mustafa Mustafayev DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə yetirdiklərinə görə Mingəçevir ŞPŞ-nin əməkdaşlarına minnətdarlığını bildirir.