Vətəndaş Zeynal Qurbanov müraciətinə dərhal reaksiya verilməsinə və probleminin qısa müddətdə müsbət həllini tapmasında göstərilən köməkliyə görə Naxçıvan MR DİN-in Babək Rayon Polis İdarəsinin rəhbərliyinə minnətdarlığını bildirir.

Bir qrup Oğuz rayon sakini ünvanladıqları kollektiv təşəkkür məktubunda müraciətlərinə operativ baxılaraq qısa müddətdə həllini tapmasına, göstərilən diqqət və qayğıya görə Oğuz RPŞ-nin rəhbərliyinə təşəkkür edir.

Bakı şəhər sakini Səbiyə Bağırova oğurlanmış mobil telefonunun tapılaraq ona geri qaytarılmasına görə Salyan Rayon Polis Şöbəsinin əməkdaşlarına təşəkkürünü bildirir.

Bakı şəhər sakini Fikrət Yusubov pulunun ələ keçirilməsi barədə müraciətinə dərhal reaksiya verilərək ona dəyən maddi ziyanın ödətdirilməsində göstərdikləri köməkliyə görə Baş Mütəşəkkil Cinayətkarlıqla Mübarizə İdarəsinin kollektivinə təşəkkürünü bildirir.

Vətəndaş Anar Baxışov xidməti vəzifələrini və peşə fəaliyyətlərini layiqincə yerinə yetirdiklərinə görə Nərimanov Rayon Polis İdarəsinin 16-cı Polis Bölməsinin əməkdaşlarına minnətdarlıq edir.

Sosial şəbəkə istifadəçisi Şərafət Babayeva müraciətinə dərhal reaksiya verilməsinə və göstərilən köməkliyə görə Nərimanov Rayon Polis İdarəsinin rəhbərliyinə minnətdarlığını bildirir.

Sumqayıt şəhər sakini Sahib Mustafazadə baş vermiş yol-nəqliyyat hadisəsilə bağlı obyektiv araşdırma aparılmasına və göstərilən köməkliyə görə BBPİ DYPİ-nin rəhbərliyinə təşəkkürünü bildirir.

Bakı şəhər sakinləri - Türkay Quliyev, Yuliya İsayeva, Seymur Ağalı və Rəşad Hacıyev Daxili İşlər Nazirliyinə ünvanladıqları məktublarında paytaxt ərazisində üzləşdikləri yol-nəqliyyat hadisələri ilə əlaqədar Bakı Şəhər Dövlət Yol Polisi İdarəsinin əməkdaşları tərəfindən peşəkar, operativ və obyektiv araşdırma aparıldığını qeyd edərək məmnunluqlarının təmin edilməsinə görə DİN-in və Bakı Şəhər Dövlət Yol Polisi İdarəsinin rəhbərliyinə, eləcə də əməkdaşlarına minnətdarlıqlarını bildirirlər.

Vətəndaş Aytən Kişiyeva DİN-in “Instagram” səhifəsinə ünvanladığı mesajında pul vəsaitinin oğurlanması ilə bağlı müraciətinə operativ baxıldığını, Səbail Rayon Polis İdarəsinin 41-ci Polis Bölməsi tərəfindən qısa müddətdə araşdırma aparılaraq müvafiq tədbirlərin görüldüyünü və müraciətinin müsbət həll olunduğunu qeyd edir. 
A.Kişiyeva müraciətinə həssaslıqla yanaşılmasına və keçirilən operativ tədbirlərə görə DİN-in rəhbərliyinə və Səbail Rayon Polis İdarəsinin 41-ci Polis Bölməsinin əməkdaşlarına təşəkkürünü bildirir.