Bakı şəhər sakini Azər Kərimov DİN-in “Instagram” səhifəsinə yazdığı mesajında Nərimanov rayonu ərazisində baş vermiş yol-nəqliyyat hadisəsi ilə bağlı araşdırma zamanı Nərimanov Rayon Polis İdarəsinin əməkdaşları tərəfindən ona diqqət və qayğı göstərildiyini, həmçinin hüquq və vəzifələrinin izah olunaraq müvafiq tədbirlərin həyata keçirildiyini qeyd edir. O, DİN rəhbərliyinə və Nərimanov Rayon Polis İdarəsinin əməkdaşlarına təşəkkürünü bildirir.

Bərdə rayon sakini Əlzamin Mamedov DİN-in “Facebook” səhifəsinə yazdığı mesajında rayon ərazisində asayişin etibarlı qorunmasına, cinayətkarlığa, o cümlədən narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə, həmçinin vətəndaş müraciətlərinə diqqət və həssaslıqla yanaşılmasına görə DİN rəhbərliyinə və Bərdə Rayon Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Gəncə şəhər sakini Zərniyar Quliyeva DİN-in “Instagram” səhifəsinə yazdığı mesajında müraciəti ilə əlaqədar Gəncə Şəhər Baş Polis İdarəsinin 4-cü Polis Bölməsində obyektiv araşdırma aparıldığını, müvafiq tədbirlər görülərək qısa müddətdə müraciətinin müsbət həll olunduğunu yazır. O, Azərbaycan polisinə, o cümlədən Gəncə ŞBPİ-nin 4-cü Polis Bölməsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Ceyhun Orucov DİN-in “Instagram” səhifəsinə yazdığı mesajında müraciətinə operativ reaksiya verildiyini və görülmüş tədbirlərlə qısa müddətdə müsbət həll olunduğunu qeyd edərək DİN rəhbərliyinə təşəkkürünü bildirir.

Bakı şəhər sakini Rəqsalə Sayılova oğlunun DİO-da xidmətə qəbul olunmasında, sosial şəbəkə izləyicisi Nigar Abdullabəyli isə üzləşdiyi dələduzluqla bağlı etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Nərimanov Rayon Polis İdarəsinin 16-cı Polis Şöbəsinin şəxsi heyətinə təşəkkür edirlər.

Bakı şəhər sakini Həqiqət Rzayeva etdiyi müraciətə operativ baxılaraq probleminin müsbət həllini tapmasında göstərilən köməkliyə görə Azərbaycan Polisinə təşəkkür edir.

Sosial şəbəkə izləyiciləri Leyla İbrahimli, Fidan Səmədova və Əli Məhərrəmov müraciətlərinə həssaslıqla yanaşılaraq qısa zaman kəsiyində həll olunmasında, eləcə də dəymiş ziyanın ödətdirilməsində göstərilən köməkliyə görə Bakı Şəhər Baş Polis İdarəsinin əməkdaşlarına təşəkkürlərini bildirirlər.

Salyan rayon sakini Vüqar Əlizadə Daxili İşlər Nazirliyinə ünvanladığı məktubunda Bakı Şəhər Baş Polis İdarəsində qəbul edildiyinə, ona göstərilən diqqət və qayğıya görə DİN rəhbərliyinə minnətdarlığını bildirir.

Ağdam rayon sakini Ziyafət Quliyeva məktubunda üzləşdiyi problemlə əlaqədar Qaradağ RPİ 10-cu Polis Şöbəsinə etdiyi müraciətə operativ baxıldığına, qısa müddətdə araşdırılaraq müvafiq tədbirlərin görüldüyünə və dəymiş maddi ziyanın ödətdirilməsində göstərilən köməkliyə görə DİN rəhbərliyinə və Azərbaycan polisinə təşəkkürünü bildirir.