Bakı şəhər sakini Sevinc Cavadova öz təşəkkür məktubunda içində pul və sənədlərinin olduğu cüzdanını itirməsi ilə bağlı müraciətinə çevik reaksiya verilməsinə və cüzdanının içərisindəki pul və sənədlərlə birlikdə tapılaraq ona təhvil verilməsinə görə Nərimanov Rayon Polis İdarəsinin əməkdaşlarına öz minnətdarlığını bildirir. 

Bakı şəhər sakinləri Əziz Rüstəmov və Tofiq Kərimov öz təşəkkür məktublarında xidməti fəaliyyətlərinin öhdəsindən layiqincə gəldiklərinə görə polis əməkdaşlarına minnətdarlıqlarını ifadə edirlər.

Lənkəran şəhər sakini Aidə Cəfərova sosial şəbəkə üzərindən ünvanladığı məktubunda müraciətinə Lənkəran Şəhər Rayon Polis Şöbəsində çevik reaksiya verilməsinə və şöbə rəhbərliyi tərəfindən qəbul edilməsinə görə məmnunluğunu ifadə edir. 

Astara rayon sakinləri Şaiq Hidayətov və Sabir Məmmədov DİN rəhbərliyinə ünvanladıqları məktubda rayon ərazisində narkotik vasitələrin qanunsuz dövriyyəsinə qarşı aparılan qətiyyətli və effektiv mübarizə tədbirlərinə, əldə olunan müsbət nəticələrə, eyni zamanda antinarkotik təbliğatı çərçivəsində keçirilən maarifləndirici görüşlərə görə Astara Rayon Polis Şöbəsinin rəhbərliyinə öz təşəkkürlərini bildirirlər.

Quba rayon sakini Pünhan Nəzərov onlayn yolla  dələduzluğa məruz qalması ilə bağlı etdiyi müraciətinə həssaslıqla yanaşılmasına və ona dəymiş ziyanın tam ödətdirilməsinə görə DİN rəhbərliyinə və Quba  RPŞ-nin əməkdaşlarına minnətdarlığını bildirir.

Quba rayon sakini Ramil Məmmədov dələduzluğa məruz qalması ilə bağlı etdiyi müraciətinə həssaslıqla yanaşılmasına və ona dəymiş ziyanın tam ödətdirilməsinə görə DİN rəhbərliyinə və Quba  RPŞ-nin əməkdaşlarına minnətdarlığını bildirir.

Quba rayon sakini Vətən müharibəsi iştirakçısı olan Taryel Ağasiyev rayon ərazisində olarkən halının ağırlaşması ilə bağlı polis əməkdaşları tərəfindən  ona yardım edilərək xəstəxanaya aparılmasına görə Quba RPŞ-nin əməkdaşlarına minnətdarlığını bildirir.

Bakı şəhər sakini Bəhruz Şirəliyev Quba rayonuna istirahətə gəldiyi zaman avtomobilində nasazlıq olması səbəbindən yolda qaldığında ona göstərilən köməkliyə görə Quba RPŞ-nin əməkdaşlarına minnətdarlığını bildirir.

Sosial şəbəkə istifadəçisi Sara Mehdiyeva DİN-in “Instagram” səhifəsinə təşəkkür mesajı göndərib. O, dələduzluqla bağlı müraciətinə operativ baxılmasına və dəymiş maddi ziyanın ödətdirilməsində göstərilən köməkliyə görə Abşeron Rayon Polis İdarəsinin əməkdaşlarına təşəkkürünü bildirir.