Vətəndaş Nicat Məmmədov DİN-in “Instagram” səhifəsinə təşəkkür mesajı ünvanlayıb: 27.10.2025-ci il tarixində Nərimanov rayonu ərazisində baş vermiş yol-nəqliyyat hadisəsi zamanı mənim avtomobilimə maddi ziyan dəymişdi. Polisə müraciət etdikdən sonra polis mənə dəymiş ziyanı ödənməsində köməklik göstərdi. Bu səbəbdən DİN-in və Nərimanov RPİ-nin rəhbərliyinə təşəkkürümü bildirirəm”.

Vətəndaş Elməddin İsayev DİN-in “Instagram” səhifəsinə təşəkkür mesajı ünvanlayıb: “21.10.2025-ci il tarixində Nərimanov rayonu ərazisində yol-nəqliyyat hadisəsi törətmişdim və nə etməli olduğumu bilmirdim. Lakin hadisə yerinə polis əməkdaşı gəldikdən sonra mənə qanunu izah etdi və mən də hər şeyi başa düşdüm. Buna görə də DİN-in və Nərimanov RPİ-nin rəhbərliyinə dərin təşəkkürümü bildirirəm.

Vətəndaş Sevda Qurbanova DİN-in “Instagram” səhifəsinə təşəkkür mesajı ünvanlayıb: “Çantamı itirməyim barədə Pirallahı Rayon Polis İdarəsinə müraciət etdim. Sağ olsunlar, qısa müddət ərzində tapdılar, təhvil verdilər. Buna görə DİN-in rəhbərliyinə və Pirallahı Rayon Polis İdarəsinin bütün kollektivinə minnətdaram”.

Vətəndaş Hakim Aslanov Daxili İşlər Nazirliyinə ünvanladığı məktubunda müraciətinə həssas yanaşılmasına və göstərilən köməkliyə görə Suraxanı Rayon Polis İdarəsinin əməkdaşlarına minnətdarlığını bildirir.

Vətəndaş Tamilla Adıgözəlova DİN-in “Instagram” səhifəsinə yazdığı mesajında üzləşdiyi problemlə bağlı Xətai Rayon Polis İdarəsinin 37-ci Polis Şöbəsinə etdiyi müraciətinə operativ baxıldığını, obyektiv araşdırıldığını və qısa müddətdə müsbət həll olunduğunu bildirir. O, vətəndaş müraciətlərinə həssas yanaşılmasına görə DİN rəhbərliyinə, operativliyə və obyektivliyə görə Xətai RPİ-nin əməkdaşlarına təşəkkür edir.

Bakı şəhər sakini Rəqsanə Məmmədova məktubunda daxili işlər naziri tərəfindən keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verildiyini, Bakı Şəhər Baş Polis İdarəsində obyektiv araşdırma aparıldığını və qısa müddətdə müsbət həll olunduğunu qeyd edir.
R.Məmmədova vətəndaş müraciətlərinə həssas yanaşılmasına görə DİN rəhbərliyinə, həyata keçirilən tədbirlərə görə Bakı ŞBPİ-nin əməkdaşlarına minnətdarlığını ifadə edir.

Vətəndaşlar Xudaverdi Kərimov, Anar Mövsümov, Famil Kərimov və Ənvər Vəliyev məktublarında üzləşdikləri dələduzluqla bağlı müraciətləri üzrə Bakı Metropolitenində Polis İdarəsində obyektiv araşdırma aparıldığını, qısa müddətdə müsbət həll olunduğunu və dəymiş maddi ziyanın da ödətdirilməsində köməklik göstərildiyini bildirirlər.
Onlar vətəndaş müraciətlərinə həssas yanaşılmasına görə DİN rəhbərliyinə, həyata keçirilən tədbirlərə görə Bakı Metropolitenində Polis İdarəsinin əməkdaşlarına təşəkkür edirlər.

Vətəndaş Gülzar Abdullayeva məktubunda Sumqayıt Şəhər Polis İdarəsinə etdiyi müraciətinə operativ baxıldığını və qısa müddətdə müsbət həll olunduğunu bildirərək vətəndaş müraciətlərinə həssas yanaşılmasına görə DİN rəhbərliyinə, operativliyə və həyata keçirilmiş tədbirlərə görə Sumqayıt ŞPİ-nin əməkdaşlarına təşəkkür edir.

Vətəndaş Ceyhun Qaradağlı DİN-in “Instagram” səhifəsinə yazdığı mesajında Nərimanov rayonu ərazisində üzləşdiyi yol-nəqliyyat hadisəsi ilə bağlı Nərimanov Rayon Polis İdarəsində aparılan obyektiv araşdırmanın nəticəsindən razı olduğunu bildirərək obyektivliyə və göstərilən köməkliyə görə həmin idarənin əməkdaşlarına təşəkkürünü bildirir.