Vətəndaş Farid Abdullayev öz təşəkkür məktubunda barəsində edilən müraciətin Masallı Rayon Polis Şöbəsində obyektiv araşdırıldığını və araşdırmanın gedişindən məmnun qaldığını bildirir və minnətdarlığını ifadə edir.

Masallı rayon sakini Rac Kərimov müraciətinin müsbət həllini tapmasına və ona müvafiq köməkliyin göstərilməsinə görə DİN rəhbərliyinə öz təşəkkürünü bildirir.

Vətəndaş Ceyhun Səlimov təhsil müəssisələrində və digər kollektivlər qarşısında keçirilən antinarkotik və erkən nikahlara qarşı maarifləndirmə tədbirlərinə görə DİN rəhbərliyinə, bu məlumatların mediada işıqlandırılmasına görə isə Mətbuat Xidmətinin əməkdaşlarına öz təşəkkürünü bildirir.

Bakı şəhər sakini Vaqif Məmmədov Daxili İşlər Nazirliyinə təşəkkür məktubu yazıb. O, müraciətinə operativ baxıldığını, Xətai Rayon Polis İdarəsində araşdırma aparılaraq müvafiq tədbirlərin görüldüyünü və müraciətinin qısa müddətdə müsbət həll olunduğunu qeyd edərək Xətai Rayon Polis İdarəsinin əməkdaşlarına təşəkkürünü bildirir. 

Bakı şəhər sakini Elçin Zeynalov Daxili İşlər Nazirliyinə ünvanladığı teleqramında müraciətinə dərhal reaksiya verildiyinə və həyata keçirilən operativ tədbirlərə görə DİN rəhbərliyinə, o cümlədən Mehdiabad Polis Bölməsinin əməkdaşlarına təşəkkürünü bildirir. 

Vətəndaş Əziz Şahverdiyev DİN-in “Instagram” səhifəsinə təşəkkür mesajı yazıb. O, səhifə vasitəsilə ünvanladığı müraciəti üzrə obyektiv araşdırma aparılaraq müvafiq tədbirlərin görüldüyünü qeyd edir. 
Ə.Şahverdiyev müraciətinə diqqətlə yanaşılmasına, obyektivliyə və müraciətinin qısa müddətdə müsbət həll olunmasına görə Azərbaycan Polisinə təşəkkürünü bildirir. 

İstefada olan polis əməkdaşı Nəbi Nəsirov Daxili İşlər Nazirliyinə təşəkkür teleqramı göndərib. O, səhhətində yaranmış problemlə bağlı DİN-in A.Heydərov adına Respublika Hospitalında müalicə aldığını yazır. Orada həkimlərin bütün xəstələrə, o cümlədən  istefada olan polis əməkdaşlarına xüsusi  diqqət və qayğı ilə yanaşdığını qeyd edir. 
N.Nəsirov yaradılan bu şəraitə, humanist və qayğıkeşliklərinə görə DİN rəhbərliyinə və A.Heydərov adına Respublika Hospitalının əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Vətəndaş Famil Qurbanov DİN-in “Instagram” səhifəsinə təşəkkür mesajı yazıb. O, üzləşdiyi problemlə bağlı müraciətinə çevik reaksiya verilərək qısa müddətdə müsbət həll olunmasına görə polis əməkdaşlarına təşəkkürünü bildirir.

Bakı şəhər sakini Elvira Əhmədova məktubunda müraciətinə operativ baxılmasına və həyata keçirilən tədbirlərə görə Nizami RPİ 25-ci Polis Şöbəsinin əməkdaşlarına təşəkkürünü bildirir, çətin və məsuliyyətli xidmətlərində uğurlar arzulayır.