Astara rayon sakini Fairə Məmmədova öz təşəkkür məktubunda ictimai asayişin qorunub saxlanıldığını, vətəndaşların təhlükəsizlyinin etibarlı şəkildə təmin olunduğunu, cinayətkarlığa qarşı qətiyyətli mübarizə tədbirlərinin aparıldığını bildirir. Buna görə Astara Rayon Polis Şöbəsinin rəhbərliyinə minnətdarlığını ifadə edir.

Bakı şəhər sakini Sürəyya Məmmədova öz təşəkkür məktubunda övladının 14000 manat pulunun dələduzluq yolu ilə ələ keçirilməsi barədə müraciətinin Yasamal RPİ-də araşdırıldığını, dəymiş maddi ziyanın ödənilməsinin təmin olunduğunu bildirir və minnətdarlığını ifadə edir.

Saatlı rayon sakini, şəhid qardaşı Məhərrəm Məhərrəmov Daxili İşlər Nazirliyinin “Instagram” səhifəsinə təşəkkür mesajı yazaraq bir neçə şəhid valideynləri ilə birlikdə RPŞ-yə etdikləri müraciətə obyektiv baxıldığı üçün DİN rəhbərliyinə minnətdarlığını bildirir. 

İmişli rayon sakini Sədaqət Əliyeva DİN-ə ünvanladığı təşəkkür məktubunda Saatlı rayonunda keçirilən vətəndaş qəbulu zamanı etdiyi müraciətinin müsbət həll olunmasına görə DİN rəhbərliyinə minnətdarlığını bildirir.

Sabirabad rayon sakini Bəxtiyar Əhədov Saatlı rayonunda keçirilən vətəndaş qəbulu zamanı etdiyi müraciətinə həssaslıqla yanaşılmasına və göstərilən köməkliklərə görə DİN rəhbərliyinə təşəkkürünü bildirir.

Saatlı rayon sakini Təbriz Qasımov DİN-ə ünvanladığı təşəkkür məktubunda üzləşdiyi problem ilə bağlı etdiyi müraciətinin müsbət həll olunmasına görə başda DİN rəhbərliyi olmaqla, Saatlı RPŞ-nin rəhbərliyinə və əməkdaşlarına minnətdarlığını bildirir.

Sosial şəbəkə istifadəçisi Tamara Əliyeva DİN-in “Instagram” səhifəsinə təşəkkür mesajı yazıb. O, müraciəti üzrə Nərimanov RPİ 16-cı Polis Şöbəsinin əməkdaşları tərəfindən keçirilən operativ tədbirlərə görə həmin şöbənin əməkdaşlarına təşəkkür edir. 

Sosial şəbəkə istifadəçisi Mirismayıl Xələfli DİN-in “Instagram” səhifəsinə təşəkkür mesajı yazıb. O, müraciətinə operativ baxılmasına və göstərilən diqqətli yanaşmaya görə Baş Dövlət Yol Polisi İdarəsi əməkdaşlarına təşəkkürünü bildirir.

Saatlı rayon sakini Aqil Əvəzov daxili işlər naziri tərəfindən Saatlı rayonunda keçirilən vətəndaş qəbulunda iştirak etdiyini yazır. O, vətəndaş qəbulu zamanı etdiyi müraciəti üzrə müvafiq göstəriş verilərək müsbət həll olunmasına göstərilən köməkliyə görə DİN rəhbərliyinə təşəkkürünü bildirir.