Sabirabad rayon sakinləri Rəhman Bağırov, Valeh Abuşov, Firidun Abuşov, Xudaverdi Kərimov DİN rəhbərliyinə ünvanlanan təşəkkür məktublarında ictimai asayişin və sabitliyin qorunmasındakı xidmətlərinə görə polisin fəaliyyətindən məmnunluğunu bildirir, həmçinin Sabirabad RPŞ-nin rəisi Namiq Camalovdan razılığını ifadə edirlər.

Bakı şəhər sakini Vüqar Bayramov DİN-ə ünvanladığı məktubunda səhhətində problem olduqda A.Heydərov adına DIN-in Respublika Hospitalına müraciət edən zaman ona göstərdikləri diqqət və qayğıya görə bütün tibbi personala minnətdarlığını bildirir.

Bakı şəhər sakini Azad Soltanov DİN rəhbərliyinə ünvanladığı təşəkkür məktubunda rəhbərlik etdiyi müəssisədə baş vermiş cinayətin tez bir zamanda açılmasına görə DİN rəhbərliyinə minnətdarlığını bildirir.

Bakı şəhər sakini Şöhrət Mirzəyeva DİN rəhbərliyinə ünvanladığı minnətdarlıq məktubunda ona dəymiş ziyanın ödətdirilməsində etdikləri köməkliyə görə DİN rəhbərliyinə təşəkkür edir.

Azərbaycan Dövlət Neft və Sənaye Universitetinin tələbəsi Ülvi Əhmədli DİN rəhbərliyinə ünvanladığı təşəkkür məktubunda ona məxsus pul qabının və sənədlərin tapılıb qaytarılmasında köməklik göstərən Səbail RPİ-nin PPXB-nin əməkdaşı, polis serjantı Cümşüd Əliyevə minnətdarlıq edir.

Cəlilabad rayon sakini Ruslan İsayev DİN rəhbərliyinə ünvanladığı təşəkkür məktubunda yollarda hərəkətin təhlükəsizliyi istiqamətində görülən işlərə və nümunəvi xidmətə görə Cəlilabad RPŞ-nin dövlət yol polisi bölməsinin əməkdaşlarına minnətdarlığını bildirir.

Bakı şəhər sakini Natiq Gözəlov öz təşəkkür məktubunda müraciətinin obyektiv araşdırılaraq müsbət həll olunmasına göstərilən köməkliyə görə DİN rəhbərliyinə və Səbail RPİ-nin şəxsi heyətinə minnətdarlığını bildirir.

Bakı şəhər sakini Ofelya Məmmədova həyat yoldaşı Bakir Məmmədovun səhhətində yaranan problemlərin müayinə və müalicəsində ona göstərdikləri köməyə və xoş münasibətə görə DİN rəhbərliyinə, həmçinin DİN-in A.Heydərov adına Respublika Hospitalının rəhbərliyinə və Reanimasiya şöbəsinin tibb personalına öz təşəkkürünü bildirir.

Sumqayıt şəhər sakini Lalə Rəhimova DİN-ə ünvanladığı məktubunda Azərbaycan Respublikası Daxili İşlər Nazirliyinin Daxili Qoşunlarının yaranmasının 27-ci ildönümü ilə əlaqədar DİN rəhbərliyini və daxili işlər orqanlarının kollektivini səmimi qəlbdən təbrik edərək, can sağlığı və uzun ömür arzulayıb.