“Qanun” nəşriyyatının direktoru Şahbaz Xuduoğlu şikayət ərizəsi ilə Nəsimi Rayon Polis İdarəsinə etdiyi müaraciətdən sonra bir neçə şəxs tərəfindən mənimsənilən 4500 manatın qısa müddət ərzində qaytarıldığına görə DİN rəhbərliyinə və RPİ-nin İstintaq şöbəsinin əməkdaşlarına təşəkkürünü bildirir.

Polis veteranı Əkbər İsayev veteranlara göstərdiyi köməkliyə, diqqət və qayğıya görə Bərdə Rayon Polis Şöbəsinin rəisi, polis polkovniki Muradəli Babayevə təşəkkürünü bildirir.

Bakı şəhər sakini Emil Kazımov avtomobilinin qaçırılması ilə bağlı etdiyi müraciətə Bakı Şəhər Baş Polis İdarəsində verilən çevik reaksiyaya və üzləşdiyi problemin həllinə görə minnətdarlığını ifadə edir.

Neftçala rayon sakini Hüseyn Cavadov ölkəmizdəki sabitliyin qorunmasında gecəli-gündüzlü fədakar xidmət aparan həmkarlarımızdan razılığını ifadə edir.

Bir qrup Ağcabədi rayon sakini cinayətkarlığa və narkomaniyaya qarşı mübarizədə, eləcə də yollarda təhlükəsizliyin təmin ediləməsində göstərdiyi xidmətə görə Ağcabədi Rayon Polis Şöbəsinin rəhbərliyinə və əməkdaşlarına öz minnətdarlığını bildirir.

Bakı şəhər sakini Zamiq Hüseynov general-polkovnik Vilayət Eyvazovun Azərbaycan Respublikası Daxili İşlər naziri vəzifəsinə təyin edilməsi münasibətilə təbrik ifadə edir, şərəfli və məsuliyyətli xidmətdə uğurlar arzulayır.

Bakı şəhər sakini Nuranə Hüseynova, Neftçala rayon Kürqarabucaq kənd sakini Ramil Nəsirov və Naxçıvan Muxtar Respublikasının Naxçıvan şəhər sakini Rəqsanə Nəsirova Binəqədi rayonunda qeydiyyata düşmək üçün Rayon Polis İdarəsinə mürəciət etdikləri zaman səmimi qəbul olunduqlarına və onlara göstərilən köməkliyə görə DİN rəhbərliyinə minnətdarlıq bildirirlər.

Bakı şəhər sakini Oktay Əliverdiyev DİN rəhbərliyinə ünvanladığı təşəkkür məktubunda DİO-da xidmət edən oğlunun mükafatlandırılmasına görə minnətdarlığını bildirir.

Bakı şəhər sakini Pərvanə Quliyeva DİN rəhbərliyinə ünvanladığı minnətdarlıq məktubunda 6-cı Polis Bölməsinin rəhbərliyinə və əməkdaşlarına təşəkkürünü bildirir.