Ağcabədi rayon sakini Məhəmməd Səfərov DİN-ə təşəkkür məktubu ünvanlayıb. O, RPŞ-yə etdiyi müraciətinə həssaslıqla yanaşıldığını və ədalətli baxıldığını bildirir. M.Səfərov şəhid ailəsi və veteran nəvəsi olaraq Daxili İşlər Nazirliyinin rəhbərliyinə və Rayon Polis Şöbəsinin şəxsi heyətinə minnətdarlıq edir.

Bakı şəhər sakini Lətif Mehdiyev oğlu Allahverən Mehdiyevin daxili işlər orqanlarında xidmətə yenidən qəbul olunmasına görə DİN rəhbərliyinə minnətdarlığını bildirir.

Bakı şəhərinin Savalan qəsəbəsində yaşayan Emin Mirzəliyev DİN-ə ünvanlandığı məktubunda ötən ilin noyabrında fermasında baş vermiş oğurluq hadisəsi barədə müraciətinə Sabunçu Rayon Polis İdarəsində operativ baxıldığını bildirir.

E.Mirzəliyev vətəndaşların müraciətlərinə diqqətlə yanaşılmasına, belə operativliyə, həmçinin ona dəymiş maddi ziyanın ödətdirilməsinə görə Sabunçu Rayon Polis İdarəsinin əməkdaşlarına təşəkkürünü bildirir.

Füzuli rayon sakini Kərim Rəhimli öz təşəkkür məktubunda Bakı şəhər Baş Polis İdarəsində müraciətinə obyektiv baxılaraq müsbət həll olunmasına göstərilən köməkliyə görə DİN rəhbərliyinə minnətdarlığını bildirir.

Astara rayonunda yaşayan G.Vəliyeva ailə münaqişəsi müraciəti ilə bağlı Rayon Polis Şöbəsinə dəvət olunduğuna, hüquqlarının izah olunduğuna və obyektiv baxılaraq probleminin həll olunduğuna görə DİN rəhbərliyinə təşəkkürünü bildirir.

Bakı şəhər sakini Tükəzban Əliyeva DİN-ə ünvanladığı məktubunda üzləşdiyi problemlə əlaqədar etdiyi müraciətə operativ reaksiya verilərək həll olunmasında göstərdikləri köməkliyə görə Sabunçu RPİ DYPŞ-nin əməkdaşlarına minnətdarlığını bildirir.

Bakı şəhər sakini Hürnisə Kərimova DİN rəhbərliyinə ünvanladığı təşəkkür məktubunda yazır: “Hüquqlarımın pozulması ilə bağlı Sabunçu Rayon Polis İdarəsinə müraciət etdim. Şikayətimlə bağlı məni idarənin rəisi Eldar İlyasov qəbul etdi və problemimlə əlaqədar lazımi köməklik göstərildi”. O, vətəndaşlara göstərilən diqqət və qayğının polis-vətəndaş münasibətlərinin günü-gündən daha da yaxşılaşmasına zəmin yaratdığını qeyd edir.

Bakı şəhər sakini Mətanət Əbilova DİN rəhbərliyinə ünvanladığı təşəkkür məktubunda baş vermiş oğurluq hadisəsinin üstünün tez bir zamanda açılaraq ona dəyən ziyanın ödənilməsində göstərdikləri köməyə görə Xətai RPİ 37-ci PŞ-nin əməkdaşlarına minnətdarlığını bildirir. O, Azərbaycan Polisinin xidməti fəaliyyətini yüksək dəyərləndirir və müvəffəqiyyətlər diləyir.

Mingəçevir şəhər sakini Abduləli Cəfərov DİN rəhbərliyinə ünvanladığı təşəkkür məktubunda müraciətinə operativ və obyektiv şəkildə baxılaraq ona dəyən ziyanın ödənilməsində göstərdikləri köməyə görə Baş Narkotiklərlə Mübarizə İdarəsinin əməkdaşlarına minnətdarlığını bildirir.