Quba şəhər sakini Ömər Məmmədov DİN rəhbərliyinə ünvanladığı təşəkkür məktubunda ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Quba RPŞ-nin rəhbərliyinə və əməkdaşlarına minnətdarlığını bildirir.

Bakı şəhər sakini İsmayıl Axundzadə üzləşdiyi problem ilə əlaqədar etdiyi müraciətə həssaslıqla yanaşılaraq, qısa zaman kəsiyində oğurlandığı telefon tapılaraq özünə qaytarılmasında əməyi olan bütün əməkdaşlara və DİN rəhbərliyinə minnətdarlığını bildirir.

Bakı şəhər sakini Nigar Nəbiyeva müraciətinə operativ şəkildə baxıldığına, eyni zamanda xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştrakına görə Azərbaycan Polisinə təşəkkür edir.

Bakı şəhər sakini Nərminə Əhmədova Daxili İşlər Nazirliyinə ünvanladığı məktubunda polis əməkdaşları tərəfindən narkotiklərin qanunsuz dövriyyəsinə qarşı aparılan qətiyyətli mübarizəyə görə DİN rəhbərliyinə və Baş Narkotiklərlə Mübarizə İdarəsinin əməkdaşlarına təşəkkürünü bildirir, çətin və şərəfli işlərində uğurlar arzulayır.

Abşeron rayon sakini Nicat Babayev üzləşdiyi problem ilə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə DİN rəhbərliyinə və Abşeron Rayon Polis İdarəsinin əməkdaşlarına minnətdarlığını bildirir.

Goranboy rayon sakini Mirəziz Yusifov mal-qarasını saxlamaq üçün icra nümayəndəsi Rakifdən torpaq sahəsi almışdır. Barəsində etdiyi müraciətlə bağlı Xocalı Rayon Polis Şöbəsinin əməkdaşları tərəfindən aparılan istintaqdan, ona dəymiş ziyanın qısa zaman kəsiyində ödətdirilməsindən razılığını ifadə edir.

Bakı şəhər sakini Narınc Abdurahmanova etdiyi müraciətdə instaqram sosial şəbəkəsi vasitəsi ilə onlayn sifariş verdiyi ayaqqabının başqa marka olması, eyni zamanda ölçüsünün uyğun gəlməməsi barədə mağaza sahibinə məlumat versədə, sonradan zənglərinə cavab verilmədiyini aşkar etmişdir. Ayaqqabıya görə ödəniş etdiyi pulun geri qaytarılmasında DİN rəhbərliyinə və Nizami RPİ 25-ci Polis Bölməsinin əməkdaşlarına təşəkkürünü bildirir.

Cəlilabad rayon sakini Xudu Həsənov DİN rəhbərliyinə ünvanladığı təşəkkür məktubunda rayon ərazisində narkotik vasitələrin qanunsuz dövriyyəsinə qarşı aparılan qətiyyətli mübarizə tədbirlərinə görə minnətdarlığını bildirir.

Astara rayonunun Ərçivan qəsəbəsinin bir qrup sakini DİN rəhbərliyinə ünvanladığı təşəkkür məktubunda Lənkəran rayonlararası qeydiyyat-imtahan və texniki baxış şöbəsində müraciətinə həssaslıqla yanaşılmasına, vətəndaşlara qarşı sərgilənən yüksək mədəni davranışa görə minnətdarlığını ifadə edir.