Qəbələ rayonunun Böyük Pirəlli kənd sakini M.Məsimovdan, Əmirvan kənd sakinləri B.Məsimovdan və T.Nəsrullayevdən qanunsuz saxladıqları 3 ədəd ov tüfəngi götürülüb

18.10.2022

Qəbələ Rayon Polis Şöbəsi əməkdaşlarının keçirdikləri əməliyyat tədbiri nəticəsində Böyük Pirəlli kənd sakini M.Məsimovdan, Əmirvan kənd sakinləri B.Məsimovdan və T.Nəsrullayevdən qanunsuz saxladıqları 3 ədəd ov tüfəngi götürülüb, E.Cəbrayıov isə “TOZ” markalı ov tüfəngini könüllü olaraq RPŞ-yə təhvil verib.

Beyləqan rayonunun Əhmədli kənd sakini M.Orucovdan qanunsuz saxladığı ov tüfəngi götürülüb

18.10.2022

Beyləqan Rayon Polis Şöbəsi əməkdaşlarının keçirdikləri əməliyyat tədbiri nəticəsində Əhmədli kənd sakini, əvvəllər məhkum olunmuş M.Orucovdan qanunsuz saxladığı “İJ” markalı ov tüfəngi götürülüb.

Ələt qəsəbəsi ərazisində yol-nəqliyyat hadisəsi

18.10.2022

Oktyabrın 18-də saat 22 radələrində Qaradağ rayonunun Ələt qəsəbəsi ərazisində Goranboy rayon sakini R.Vəliyev idarə etdiyi “VAZ-21074” markalı avtomobili yolun kənarındakı beton maneəyə vurub. Nəticədə sərnişinlərindən oğlu İmamqulu hadisə yerində ölüb, gəlini isə xəstəxanaya yerləşdirilib.Baş İstintaq və Təhqiqat İdarəsi tərəfindən araşdırma aparılır. 

Hacıqabul rayonunun Abdulabad kəndi ərazisində yol-nəqliyyat hadisəsi

18.10.2022

Oktyabrın 18-də saat 20 radələrində Hacıqabul rayonunun Abdulabad kəndi ərazisində rayon sakini Əlizamin Ağayev idarə etdiyi “VAZ-21060” markalı avtomobili kanala aşırıb. Nəticədə sürücü hadisə yerində ölüb, sərnişini olan oğlu isə xəstəxanaya yerləşdirilib.Hacıqabul Rayon Polis Şöbəsində araşdırma aparılır. 

Cəlilabad rayonunun Təzəkənd kəndi ərazisində yol-nəqliyyat hadisəsi

18.10.2022

Oktyabrın 18-də saat 14 radələrində Cəlilabad rayonunun Təzəkənd kəndi ərazisində rayon sakinləri Murad Salayev idarə etdiyi “VAZ-21074” və H.Salazadə idarə etdiyi “VAZ-2106” markalı avtomobilləri aşırıblar. Nəticədə M.Salayev hadisə yerində ölüb, digər sürücü və 2 sərnişin xəstəxanaya yerləşdiriliblər.Cəlilabad Rayon Polis Şöbəsində araşdırma aparılır. 

Astara rayonunun Ərçivan qəsəbəsi ərazisində yol-nəqliyyat hadisəsi

18.10.2022

Oktyabrın 18-də saat 12 radələrində Astara rayonunun Ərçivan qəsəbəsi ərazisində qəsəbə sakini R.Hüseynov idarə etdiyi “Mercedes” markalı mikroavtobusla yolu keçən həmyerliləri Məlahət Əfsəlovanı və azyaşlı nəvəsi Gülağanı vurub. Nəticədə uşaq hadisə yerində ölüb, M.Əfsəlova isə xəstəxanaya yerləşdirilib.Astara Rayon Polis Şöbəsində araşdırma aparılır. 

Gün ərzində ölkə ərazisində qeydə alınan 51 cinayətin açılması təmin olunub

17.10.2022

Oktyabrın  17-də ölkə ərazisində qeydə alınan 51, əvvəlki dövrlərdən bağlı qalan 8 cinayətin açılması daxili işlər orqanlarının əməkdaşları tərəfindən təmin olunub.

Goranboy rayonunun Veyisli qəsəbəsi ərazisində “Daewoo” və “Mercedes” markalı avtomobillər toqquşub

17.10.2022

Oktyabrın 17-də saat 10 radələrində Goranboy rayonunun Veyisli qəsəbəsi ərazisində rayon sakinləri Mais Bağırovun idarə etdiyi “Daewoo” və C.Əhmədovun idarə etdiyi “Mercedes” markalı avtomobillər toqquşub. Nəticədə M.Bağırov hadisə yerində ölüb, digər sürücü və 4 sərnişin xəstəxanaya yerləşdiriliblər. Goranboy Rayon Polis Şöbəsində araşdırma aparılır.

Hacıqabul rayonunda avtomobili narkotik vasitənin təsiri altında idarə edən Beyləqan rayon sakini H.Bəhmənzadə və sərnişini Q.Məhərrəmov saxlanılıblar

17.10.2022

Baş Dövlət Yol Polisi İdarəsi və Hacıqabul Rayon Polis Şöbəsi əməkdaşlarının birgə keçirdikləri əməliyyat tədbiri nəticəsində Beyləqan rayon sakini H.Bəhmənzadənin idarə etdiyi “Hyundai” markalı avtomobilə baxış zamanı sərnişini, Cəlilabad rayon sakini Q.Məhərrəmova məxsus 250 qram marixuana və 6 qrama yaxın heroin aşkar olunaraq götürülüb. Q.Məhərrəmov və H.Bəhmənzadə saxlanılıblar. Polis əməkdaşları tərəfindən sürücünün avtomobili narkotik vasitənin təsiri altında idarə etməsi müəyyən olunub və barəsində İnzibati Xətalar Məcəlləsinin 333.1-ci maddəsi ilə inzibati protokol tərtib olunub.  

Dələduzluq və oğurluq etməkdə şübhəli bilinən Bakı şəhər sakini C.Əliyev saxlanılıb

17.10.2022

Binəqədi RPİ 43-cü Polis Bölməsi əməkdaşlarının keçirdikləri əməliyyat tədbiri nəticəsində Bakı şəhər sakini L.Ağayevaya qarşı dələduzluq etməkdə, Binəqədi qəsəbəsi ərazisindəki mağazaların birində orada işləyən T.Abbasovanın cüzdanından pul və qəsəbə ərazisindəki neft quyularının birindən 910 manat dəyərində elektrik mühərrikini oğurlamaqda şübhəli bilinən Bakı şəhər sakini, əvvəllər məhkum olunmuş C.Əliyev saxlanılıb. Araşdırma aparılır.