Məişət əşyaları oğurlamaqda şübhəli bilinən Sumqayıt şəhər sakini B.Nəsirov müəyyən edilərək saxlanılıb

13.07.2023

Sumqayıt ŞPİ 2-ci Polis Bölməsi əməkdaşlarının keçirdikləri əməliyyat tədbiri nəticəsində şəhər ərazisində həyətyanı sahələrin birindən məişət əşyaları oğurlamaqda şübhəli bilinən şəhər sakini, əvvəllər məhkum olunmuş B.Nəsirov müəyyən edilərək saxlanılıb. Araşdırma aparılır.

Enerji generatorunu oğurlamağa cəhd göstərən Sumqayıt şəhər sakini R.Rzayev müəyyən edilərək saxlanılıb

13.07.2023

Sumqayıt ŞPİ 5-ci Polis Bölməsi əməkdaşlarının keçirdikləri əməliyyat tədbiri nəticəsində iyulun 12-də şəhər ərazisindəki qəbristanlıqların birindən oradakı enerji generatorunu oğurlamağa cəhd göstərən şəhər sakini, əvvəllər məhkum olunmuş R.Rzayev müəyyən edilərək saxlanılıb. Araşdırma aparılır.

Oğurluqda şübhəli bilinən Sumqayıt şəhər sakini R.Qafarov saxlanılıb

13.07.2023

Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində rayon ərazisində bir zirzəmidən, bir yarımtikilidən, 3 həyətyanı sahədən məişət əşyaları, təmir-tikinti alətləri və darvaza oğurlamaqda şübhəli bilinən Sumqayıt şəhər sakini, əvvəllər məhkum olunmuş R.Qafarov saxlanılıb.  Araşdırma aparılır.

Mobil telefon oğurlamaqda şübhəli bilinən Göygöl rayon sakini G.Alıyeva müəyyən olunaraq saxlanılıb

13.07.2023

Gəncə ŞBPİ 1-ci Polis Şöbəsi əməkdaşlarının keçirdikləri əməliyyat tədbiri nəticəsində şəhər ərazisindəki mağazaların birində satıcının mobil telefonunu oğurlamaqda şübhəli bilinən Göygöl rayon sakini G.Alıyeva müəyyən olunaraq saxlanılıb.

Oğurluqda  şübhəli bilinən Gəncə şəhər sakini B.Şəmsi saxlanılıb

13.07.2023

Gəncə ŞBPİ 1-ci Polis Şöbəsi əməkdaşlarının keçirdikləri əməliyyat tədbiri nəticəsində iyulun 12-də saat 21 radələrində şəhər ərazisindəki evlərin birindən pul, 1600 manat dəyərində geyim və məişət əşyası oğurlamaqda  şübhəli bilinən şəhər sakini, əvvəllər məhkum olunmuş B.Şəmsi saxlanılıb. Araşdırmalarla onun daha bir avtomobildən pul və bank kartları oğurlaması da müəyyən olunub.

Culfa şəhər sakini E.Rzayevdən qanunsuz saxladığı “İJ” markalı ov tüfəngi götürülüb

13.07.2023

Culfa Rayon Polis Şöbəsi əməkdaşlarının keçirdikləri əməliyyat tədbiri nəticəsində şəhər sakini E.Rzayevdən qanunsuz saxladığı “İJ” markalı ov tüfəngi götürülüb. Araşdırma aparılır. 

Yardımçı təsərrüfatın dam hissəsini yandırmaqda şübhəli bilinən Şamaxı rayonunun Birinci Çaylı kənd sakini Z.Tapdıqov müəyyən olunaraq saxlanılıb

13.07.2023

Şamaxı Rayon Polis Şöbəsi əməkdaşlarının keçirdikləri əməliyyat tədbiri nəticəsində iyunun 17-də Birinci Çaylı kəndindəki fermaların birində yardımçı təsərrüfatın dam hissəsini yandırmaqda şübhəli bilinən kənd sakini Z.Tapdıqov müəyyən olunaraq saxlanılıb. Araşdırmalarla onun kənd ərazisindəki otlaq sahədən 12 baş inəyi oğurlamağa cəhd göstərməsi də müəyyən olunub.

Kürdəmir rayon sakini S.Şəmiyevin idarə etdiyi avtomobilə baxış zamanı oradan 3 kiloqram 125 qram tiryək və 5 kiloqram 120 qram marixuana aşkar olunaraq götürülüb

13.07.2023

Cəbrayıl Rayon Polis Şöbəsi əməkdaşlarının keçirdikləri əməliyyat tədbiri nəticəsində Kürdəmir rayon sakinləri, əvvəllər məhkum olunmuşlar R.Məmmədov və S.Şəmiyev saxlanılıblar. S.Şəmiyevin idarə etdiyi “VAZ-2106” markalı avtomobilə baxış zamanı oradan 3 kiloqram 125 qram tiryək və 5 kiloqram 120 qram marixuana aşkar olunaraq götürülüb. Araşdırma aparılır. 

Siyəzən şəhər ərazisində N.Hacıyevin işlədiyi avtoyuma məntəqəsindən metamfetamin aşkar olunaraq götürülüb

13.07.2023

Siyəzən Rayon Polis Şöbəsi əməkdaşlarının keçirdikləri əməliyyat tədbiri nəticəsində şəhər ərazisində əvvəllər məhkum olunmuş N.Hacıyevin işlədiyi avtoyuma məntəqəsindən metamfetamin aşkar olunaraq götürülüb. Araşdırma aparılır. 

Yabanı halda bitmiş 1 ton 730 kiloqram çəkidə 2428 ədəd çətənə kolu aşkar olunaraq məhv edilib

13.07.2023

Zaqatala Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Aşağı Tala kəndinin ərazisində 3 hektar sahədən yabanı halda bitmiş 1 ton 730 kiloqram çəkidə 2428 ədəd çətənə kolu aşkar olunaraq məhv edilib.