Oğurluqda şübhəli bilinən Bakı şəhər sakini Ə.Xanmirzəyev saxlanılıb

06.10.2022

Sabunçu RPİ 14-cü Polis Bölməsi əməkdaşlarının keçirdikləri əməliyyat tədbiri nəticəsində rayon ərazisində bir mağazadan 500 manat pul, 1300 manat dəyərində tərəzi, tütün məmulatları, telefon aksesuarları və 2 ədəd mobil telefon, bir həyətdən isə 200 manat dəyərində təmir-tikinti alətləri oğurlamaqda şübhəli bilinən Bakı şəhər sakini, əvvəllər məhkum olunmuş Ə.Xanmirzəyev saxlanılıb. Araşdırma aparılır.

Bakı şəhər sakini P.Müslümzadədən 954 qram marixuana aşkar olunaraq götürülüb

06.10.2022

Sumqayıt Şəhər Polis İdarəsi əməkdaşlarının keçirdikləri əməliyyat tədbiri nəticəsində saxlanılan Bakı şəhər sakini P.Müslümzadədən 954 qram marixuana aşkar olunaraq götürülüb.

Oğurluqda şübhəli bilinən Gədəbəy rayonunun Qumlu kənd sakini İ.Məmmədov saxlanılıb

06.10.2022

Baş Cinayət Axtarışı İdarəsi və Gədəbəy RPŞ əməkdaşlarının keçirdikləri əməliyyat-axtarış tədbirləri nəticəsində Qumlu kəndinin örüş sahəsindən F.Hüseynovnın 8 baş, A.Həsənovanın isə 1 baş qoyununu oğurlamaqda şübhəli bilinən Qumlu kənd sakini İ.Məmmədov saxlanılıb. Araşdırma aparılır.  

Oğurluqda şübhəli bilinən Gəncə şəhər sakini A.Babayev saxlanılıb

06.10.2022

Gəncə ŞBPİ 2-ci Polis Şöbəsi əməkdaşlarının keçirdikləri əməliyyat tədbiri nəticəsində Suvarma Sistemləri İdarəsinə məxsus subartezyan quyusunu enerji ilə təmin edən elektrik naqilini, həmçinin 2 həyətyanı sahədən su mühərriki və təmir-tikinti aləti oğurlamaqda şübhəli bilinən şəhər sakini A.Babayev saxlanılıb. Araşdırma aparılır. 

Ucar rayonunun Müsüslü kəndi ərazisində yol-nəqliyyat hadisəsi

06.10.2022

Oktyabrın 6-da saat 21 radələrində Ucar rayonunun Müsüslü kəndi ərazisində Bakı şəhər sakini İ.Həsənov idarə etdiyi “Land Rover”  markalı avtomobillə yolu keçən Bərdə rayon sakini Anar Baxşəliyevi vurub. Nəticədə xəsarət alan piyada xəstəxanaya aparılarkən yolda ölüb.Baş İstintaq və Təhqiqat İdarəsi tərəfindən araşdırma aparılır. 

Gün ərzində ölkə ərazisində qeydə alınan 62 cinayətin açılması təmin olunub

05.10.2022

Oktyabrın 5-də ölkə ərazisində qeydə alınan 62, əvvəlki dövrlərdən bağlı qalan 14 cinayətin açılması daxili işlər orqanlarının əməkdaşları tərəfindən təmin olunub.   

Goranboy rayonunun İrəvanlı kəndi ərazisində yol-nəqliyyat hadisəsi

05.10.2022

Oktyabrın 5-də saat 9 radələrində Goranboy rayonunun İrəvanlı kəndi ərazisində rayon sakini İ.Səfər idarə etdiyi “Mercedes” markalı avtomobili yolun kənarına aşırıb. Nəticədə sərnişini olan anası Səyyarə hadisə yerində ölüb, sürücü isə xəstəxanaya yerləşdirilib. Goranboy RPŞ-də araşdırma aparılır. 

Balakən rayonunun Hənifə kəndi ərazisində yol-nəqliyyat hadisəsi

05.10.2022

Oktyabrın 5-də saat 18 radələrində Balakən rayonunun Hənifə kəndi ərazisində kənd sakini İ.Məmmədov idarə etdiyi “VAZ-2107” markalı avtomobillə yolu keçən həmkəndlisi 4 yaşlı Mirvarini vurub və uşaq hadisə yerində ölüb.Balakən RPŞ-də araşdırma aparılır.

Bakı şəhər sakini X.Səmədliyə məxsus çantaya baxış zamanı oradan 258 qramdan artıq heroin və 499 qrama yaxın tiryək aşkar edilərək götürülüb

05.10.2022

Baş Dövlət Yol Polisi İdarəsinin əməkdaşları tərəfindən Abşeron rayonu ərazisində yol hərəkəti qaydalarını pozan motosiklet saxlanılıb.Polis əməkdaşları tərəfindən motosikletçi, Bakı şəhər sakini S.Səmədlinin sərnişini olan qardaşı X.Səmədliyə məxsus çantaya baxış zamanı oradan 258 qramdan artıq heroin və 499 qrama yaxın tiryək aşkar edilərək götürülüb.Faktla bağlı Abşeron RPİ-də araşdırma aparılır.

Oğurluq etdiyinə görə tutulan T.Tağıyevin törətdiyi digər cinayət əməlləri də müəyyən edilmişdir

05.10.2022

Səbail RPİ 39-cu PB-nin əməkdaşları tərəfindən oğurluq etdiyinə görə tutulan T.Tağıyevin ətrafında aparılan əməliyyat tədbirləri ilə onun A.Kazımılının çantasından 1417 manat dəyərində 2 ədəd mobil telefon, qızıl boyunbağı, içərisində sənədlər və bank kartları olan cüzdanını oğurlaması da müəyyən olunub.