Pul və 10.000 manat dəyərində qızıl-zinət əşyaları oğurlamaqda şübhəli bilinən Füzuli rayon sakini F.Nəbiyev müəyyən olunaraq saxlanılıb

07.10.2022

Binəqədi RPİ 5-ci Polis Bölməsi əməkdaşlarının keçirdikləri əməliyyat tədbiri nəticəsində A.Kunanbayev küçəsindəki mənzillərin birindən 10.000 manat, 15.000 ABŞ dolları və 10.000 manat dəyərində qızıl-zinət əşyaları oğurlamaqda şübhəli bilinən Füzuli rayon sakini F.Nəbiyev müəyyən olunaraq saxlanılıb. Araşdırma aparılır. 

28.000 manat dəyərində qızıl-zinət əşyalar oğurlamaqda şübhəli bilinən həmin mənzildə xadimə işləyən Salyan rayon sakini İ.Həsənova saxlanılıb

07.10.2022

Binəqədi RPİ-nin 4-cü Polis Şöbəsinə M.Ə.Rəsulzadə qəsəbəsindəki  mənzillərin birindən cari il avqust ayının 20-dən oktyabr ayının 6-dək olan müddətdə 28.000 manat dəyərində qızıl-zinət əşyaların oğurlanması barədə müraciət daxil olub. Polis əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən həmin mənzildə xadimə işləyən Salyan rayon sakini İ.Həsənova saxlanılıb. Araşdırma aparılır. 

Avtomobildən 31.500 manat oğurlamaqda şübhəli bilinən paytaxt sakini F.Həsənov müəyyən olunaraq saxlanılıb

07.10.2022

Yasamal RPİ 28-ci Polis Bölməsi əməkdaşlarının keçirdikləri əməliyyat tədbiri nəticəsində oktyabrın 3-nə keçən gecə Ş.Mehdiyev küçəsində “Hyundai” markalı bir avtomobildən 31.500 manat oğurlamaqda şübhəli bilinən paytaxt sakini F.Həsənov müəyyən olunaraq saxlanılıb. Araşdırma aparılır. 

Füzuli rauonunun Böyük Bəhmənli kənd sakini E.Səfərovdan qanunsuz saxladığı ov tüfəngi götürülüb

07.10.2022

Füzuli RPŞ əməkdaşlarının keçirdikləri əməliyyat tədbiri nəticəsində Böyük Bəhmənli kənd sakini E.Səfərovdan qanunsuz saxladığı “İJ-16” markalı ov tüfəngi götürülüb.

Gəncə şəhəri ərazisində yol-nəqliyyat hadisəsi

07.10.2022

Oktyabrın 7-də saat 20 radələrində Gəncə şəhəri ərazisində şəhər sakini Y.Salmanov idarə etdiyi “VAZ-21214” markalı avtomobillə yolu keçən həmyerlisi Nəhayət Bayramovanı vurub. Nəticədə xəstəxanaya yerləşdirilən piyada orada ölüb.Gəncə Şəhər Baş Polis İdarəsində araşdırma aparılır.

Gün ərzində ölkə ərazisində qeydə alınan 54 cinayətin açılması təmin olunub

06.10.2022

Oktyabrın  6-da ölkə ərazisində qeydə alınan 54, əvvəlki dövrlərdən bağlı qalan 8 cinayətin açılması daxili işlər orqanlarının əməkdaşları tərəfindən təmin olunub.   

Soyğunçuluq etməkdə şübhəli bilinən Bakı şəhər sakini R.Həsənova müəyyən olunaraq saxlanılıb

06.10.2022

Binəqədi RPİ-nin 43-cü Polis Bölməsinə müraciət edən Bakı şəhər sakini olan bir qadın oktyabrın 6-da günorta saatlarında Binəqədi qəsəbəsindəki yaşadığı evin həyətində naməlum şəxsin olmasını, daha sonra evə daxil olaraq bıçaqla onun üzərinə gəlməsini və kömək çağırmaq üçün çölə qaçdıqda həmin şəxsin evdə olan 400 manat pulu və mobil telefonu talayıb aparmasını bildirib.Polis əməkdaşlarının keçirdikləri əməliyyat tədbirləri nəticəsində soyğunçuluğu törətməkdə şübhəli bilinən Bakı şəhər sakini R.Həsənova müəyyən olunaraq saxlanılıb. Binəqədi Rayon Polis İdarəsində araşdırma aparılır. 

Soyğunçuluq yolu ilə talamaqda şübhəli bilinən Sumqayıt şəhər sakini M.Səlimzadə müəyyən olunaraq saxlanılıb

06.10.2022

Sumqayıt ŞPİ-nin 3-cü Polis Bölməsi  əməkdaşlarının keçirdikləri əməliyyat tədbiri nəticəsində oktyabrın 5-də 6-cı mikrorayon ərazisində 5 yaşlı qızın qızıl sırğasını soyğunçuluq yolu ilə talamaqda şübhəli bilinən şəhər sakini, əvvəllər oğurluğa görə məhkum olunmuş M.Səlimzadə müəyyən olunaraq saxlanılıb. Araşdırma aparılır.  

Soyğunçuluqda şübhəli bilinən Sumqayıt şəhər sakini A.Məmmədov müəyyən olunaraq saxlanılıb

06.10.2022

Yasamal RPİ 29-cu Polis Şöbəsi əməkdaşlarının keçirdikləri əməliyyat tədbiri nəticəsində sentyabrın 20-də Bakı şəhər sakini E.Əzizadənin 1000 manatını soyğunçuluq yolu ilə talamaqda şübhəli bilinən Sumqayıt şəhər sakini, əvvəllər məhkum olunmuş A.Məmmədov müəyyən olunaraq saxlanılıb. Araşdırma aparılır.  

Bank hesabından 725 manatını oğurlamaqda şübhəli bilinən Sumqayıt şəhər sakini O.Quliyev müəyyən olunaraq saxlanılıb

06.10.2022

Bakı Şəhər Baş Polis İdarəsinin Cinayət Axtarışı İdarəsi və Binəqədi RPİ 6-cı Polis Bölməsi əməkdaşlarının keçirdikləri əməliyyat tədbirləri nəticəsində avqustun 31-də Bakı şəhər sakini E.İmamquliyevin bank hesabından 725 manatını oğurlamaqda şübhəli bilinən Sumqayıt şəhər sakini O.Quliyev müəyyən olunaraq saxlanılıb. Araşdırma aparılır.