Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Quldurluq yolu ilə talamaqda şübhəli bilinən Bakı şəhər sakini E.Şıxəliyev saxlanılıb
17.01.2024
Xətai RPİ 35-ci Polis Bölməsi əməkdaşlarının keçirdikləri tədbirlərlə yanvarın 16-da rayon ərazisində bir yeniyetmənin mobil telefonunu quldurluq yolu ilə talamaqda şübhəli bilinən Bakı şəhər sakini, əvvəllər oğurluq və xuliqanlığa görə məhkum olunmuş E.Şıxəliyev saxlanılıb. Ondan heroin aşkar olunaraq götürülüb.Xətai Rayon Polis İdarəsində araşdırma aparılır.
Nəqliyyat vasitəsini qaçırmaqda şübhəli bilinən Ümid qəsəbə sakini S.Qurbanov müəyyən olunaraq saxlanılıb
Yanvarın 16-da saat 23 radələrində Sahil qəsəbəsi ərazisindən “Opel” markalı avtomobilin qaçırılması barədə polisə məlumat daxil olub. Qaradağ RPİ 38-ci Polis Bölməsi əməkdaşlarının keçirdikləri əməliyyat-axtarış tədbirləri ilə avtomobil qəsəbə ərazisində tapılıb. Nəqliyyat vasitəsini qaçırmaqda şübhəli bilinən Ümid qəsəbə sakini S.Qurbanov müəyyən olunaraq saxlanılıb. Qaradağ Rayon Polis İdarəsində araşdırma aparılır.
Avtomobil qaçırmaqda şübhəli bilinən Yevlax rayon sakini E.Abuşov saxlanlılıb
Nərimanov RPİ 18-ci Polis Bölməsi əməkdaşlarının keçirdikləri əməliyyat tədbirləri ilə yanvarın 16-da Yevlax rayonu ərazisindən “VAZ-2107” markalı avtomobil qaçırmaqda şübhəli bilinən rayon sakini E.Abuşov saxlanlılıb. Araşdırma aparılır.
1400 manat dəyərində məhsul oğurlamaqda şübhəli bilinən Xaçmaz rayon sakini H.Yusibov müəyyən olunaraq saxlanılıb
Qaradağ RPİ 10-cu Polis Şöbəsi əməkdaşlarının keçirdikləri tədbirlərlə Lökbatan qəsəbəsi ərazisində yerləşən bazarda 2 mağazadan ümumilikdə 1400 manat dəyərində məhsul oğurlamaqda şübhəli bilinən Xaçmaz rayon sakini, əvvəllər də oğurluğa görə məhkum olunmuş H.Yusibov müəyyən olunaraq saxlanılıb. Araşdırma aparılır.
Oğurluqda şübhəli bilinən Ağstafa rayon sakini A.Əyyubov saxlanılıb
Sabunçu RPİ 13-cü Polis Şöbəsi əməkdaşlarının keçirdikləri tədbirlərlə Bakıxanov qəsəbəsi ərazisində bir evin həyətindən 1900 manat dəyərində məişət əşyaları oğurlamaqda şübhəli bilinən Ağstafa rayon sakini, əvvəllər narkotiklərlə əlaqəli cinayətə görə məhkum olunmuş A.Əyyubov saxlanılıb. Araşdırma aparılır.
Oğurluqda şübhəli bilinən Sumqayıt şəhər sakini olan qadın müəyyən olunaraq saxlanılıb
Sumqayıt ŞPİ 1-ci Polis Bölməsi əməkdaşlarının keçirdikləri tədbirlərlə 10-cu mikrorayon ərazisində yerləşən qızıl mağazalarının birindən 420 manat dəyərində qızıl üzük oğurlamaqda şübhəli bilinən şəhər sakini olan qadın müəyyən olunaraq saxlanılıb. Araşdırma aparılır.
Gün ərzində ölkə ərazisində qeydə alınan 85 cinayətin açılması təmin olunub
16.01.2024
Yanvarın 16-da ölkə ərazisində qeydə alınan 77, əvvəlki dövrlərdən bağlı qalan 8 cinayətin açılması daxili işlər orqanlarının əməkdaşları tərəfindən təmin olunub.
Sabunçuda əməliyyat zamanı silahlı şəxslər saxlanılıblar
Vətəndaşlarda qanunsuz olaraq saxlanılan odlu silah-sursatın əməliyyat yolu ilə aşkar edilməsi istiqamətində polis əməkdaşları tərəfindən tədbirlər davam etdirilir. Sabunçu Rayon Polis İdarəsinin 15-ci Polis Bölməsinin əməkdaşları tərəfindən daxil olmuş əməliyyat məlumatı əsasında həyata keçirilən tədbir zamanı əvvəllər məhkum olunmuş 1973-cü il təvəllüdlü Rauf Yusifov üzərində qanunsuz olaraq odlu silah gəzdirdiyi üçün saxlanılıb. Ondan 1 ədəd “Makarov” markalı tapança, 16 ədəd patron və 1 ədəd patron darağı aşkar edilib. Sabunçu RPİ-nin əməkdaşları tərəfindən Maştağa qəsəbəsində keçirilən tədbir zamanı isə əvvəllər məhkum olunmuş 1979-cu il təvəllüdlü Ramin Alxasov saxlanılıb. Onun yaşadığı evin həyətinə baxış zamanı 1 ədəd “Kalaşnikov” markalı avtomat silah və 15 ədəd patron aşkar olunub. R.Yusifov və R.Alxasov silahları bir müddət əvvəl əldə etdiklərini və polisə könüllü təhvil vermək əvəzinə özlərində saxladıqlarını bildiriblər. Araşdırmalar davam etdirilir.Həmçinin İdarə əməkdaşları tərəfindən aparılan profilaktik tədbir zamanı Sabunçu rayon sakini olan daha bir nəfər özündə saxladığı müvafiq sənədləri olmayan ov tüfəngini polisə təhvil verib.
Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir
Yanvarın 16-da polis əməkdaşları paytaxt və respublikanın ayrı-ayrı rayonlarında 1 ədəd avtomat silahı, 2 qumbara, 11 ədəd müxtəlif markalı tüfəng və 35 ədəd müxtəlif çaplı patron təhvil götürüblər.
DİO əməkdaşları tərəfində odlu silah və vasitələri aşkar edilərək götürülüb
Yanvarın 16-da polis əməkdaşlarının keçirdikləri əməliyyat tədbirləri ilə qanunsuz saxlanılan 4 ədəd avtomat silahı, 1 ədəd tapança, 6 ədəd müxtəlif markalı tüfəng, 4 ədəd patron darağı və 101 ədəd müxtəlif çaplı patron aşkar edilərək götürülüb.
