Ümumi çəkisi 49 kiloqrama yaxın narkotik vasitə aşkar olunaraq götürülüb

14.04.2024

Polis əməkdaşlarının keçirdikləri əməliyyat tədbirləri ilə aprelin 13-də və 14-də ümumi çəkisi 49 kiloqrama yaxın narkotik vasitə aşkar olunaraq götürülüb.   Qanunsuz dövriyyədən çıxarılan narkotik vasitələr – 5 kiloqrama yaxın heroin, 39 kiloqrama yaxın marixuana və 5 kiloqrama yaxın metamfetamin olub.   Bu istiqamətdə qətiyyətli mübarizə tədbirləri davam etdirilir. 

Nəqliyyat vasitəsini qaçırmaqda şübhəli bilinən O.Dadaşov avtomobillə saxlanılıb

14.04.2024

Yasamal rayonu ərazisindən “Toyota” markalı avtomobilin qaçırılması barədə 29-cu Polis Şöbəsinə məlumat daxil olub. Polis əməkdaşlarının keçirdikləri tədbirlərlə nəqliyyat vasitəsini qaçırmaqda şübhəli bilinən, əvvəllər məhkum olunmuş O.Dadaşov avtomobillə saxlanılıb.Araşdırma aparılır. 

Soyğunçuluq yolu ilə talamaqda şübhəli bilinən R.Ağacanov müəyyən edilərək saxlanılıb

14.04.2024

Sabunçu RPİ 12-ci Polis Şöbəsi əməkdaşlarının keçirdikləri tədbirlərlə Sabunçu qəsəbəsi ərazisində bir qadının çantasından içərisində pulu və 3 ədəd bank kartı olan pulqabısını soyğunçuluq yolu ilə talamaqda şübhəli bilinən əvvəllər oğurluq və narkotiklərlə əlaqəli cinayətlərə görə məhkum olunmuş R.Ağacanov müəyyən edilərək saxlanılıb. Onun Nardaran qəsəbəsi ərazisində bir evin zirzəmisindən 4800 manat dəyərində otbiçən və elektrik naqili oğurlaması da məlum olub.Araşdırma aparılır.

Bank kartından 3000 manatını oğurlamaqda şübhəli bilinən A.Əliyev müəyyən olunaraq saxlanılıb

14.04.2024

Nəsimi RPİ 19-cu Polis Şöbəsi əməkdaşlarının keçirdikləri tədbirlərlə rayon ərazisində bir nəfərin bank kartından 3000 manatını oğurlamaqda şübhəli bilinən A.Əliyev müəyyən olunaraq saxlanılıb. Araşdırma aparılır.  

Gün ərzində ölkə ərazisində qeydə alınan 31 cinayətin açılması təmin olunub

13.04.2024

Aprelin 13 -də ölkə ərazisində qeydə alınan 31 cinayətin açılması polis əməkdaşları tərəfindən təmin olunub.   

Oğurluq əməlində şübhəli bilinən K.Həsənov müəyyən olunaraq saxlanılıb

13.04.2024

Nəsimi rayonu ərazisində “Changan” markalı avtomobildən içərisində 1500 manat, bank kartı və sənədlər olan pulqabının oğurlanması barədə polisə məlumat daxil olub.  Nəsimi RPİ 19-cu Polis Şöbəsi əməkdaşlarının keçirdikləri tədbirlərlə oğurluq əməlində şübhəli bilinən K.Həsənov müəyyən olunaraq saxlanılıb.  Araşdırma aparılır. 

Gün ərzində ölkə ərazisində qeydə alınan 45 cinayətin açılması təmin olunub

12.04.2024

Aprelin 12-də ölkə ərazisində qeydə alınan 41, əvvəlki dövrlərdən bağlı qalan 4 cinayətin açılması polis əməkdaşları tərəfindən təmin olunub.   

Xankəndi şəhəri ərazisindən odlu silah və vasitələri aşkar olunaraq götürülüb

12.04.2024

Polis əməkdaşlarının keçirdikləri tədbirlərlə aprelin 12-də Xankəndi şəhəri ərazisindən 9 ədəd müxtəlif markalı avtomat silahı, 3 tüfəng, 4 qumbara, 1 fişəng tapançası, 2 tüstüverici şaşka, 35 patron darağı, 880 ədəd müxtəlif çaplı patron, 1 süngü-bıçaq və digər sursatlar aşkar olunaraq götürülüb.  

Oğurluq etməkdə şübhəli bilinən Bakı şəhər sakini M.Məmmədov müəyyən olunaraq saxlanılıb

12.04.2024

Aprelin 11-də paytaxtın Səbail rayonu ərazisində yerləşən kafelərin birindən içərisində 530 manat, 2000 manat dəyərində üzük, bank kartı və sənədlər olan çantanın oğurlanması barədə rayon polis idarəsinin 39-cu Polis Bölməsinə məlumat daxil olub.Bölmə əməkdaşlarının keçirdikləri tədbirlərlə əməli törətməkdə şübhəli bilinən Bakı şəhər sakini, əvvəllər də oğurluq cinayəti ilə əlaqədar məhkum olunmuş M.Məmmədov müəyyən olunaraq saxlanılıb.Araşdırma aparılır.

Gün ərzində ölkə ərazisində qeydə alınan 39 cinayətin açılması təmin olunub

11.04.2024

Aprelin 11-də ölkə ərazisində qeydə alınan 39 cinayətin açılması polis əməkdaşları tərəfindən təmin olunub.