Nizami rayon ərazisindəki köşklərin birindən pul və tütün məmulatını oğurlamaqda şübhəli bilinən Laçın rayon sakini saxlanılıb

24.03.2023

Nizami RPİ-nin 23-cü Polis Bölməsinə rayon ərazisindəki köşklərin birindən pul və 3500 manat dəyərində tütün məmulatının oğurlanması barədə məlumat daxil olub.Polis əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Laçın rayon sakini Y.İbrahimov saxlanılıb. Araşdırma aparılır.

Sumqayıt şəhər ərazisində qadının mobil telefonlarını oğurlamaqda şübhəli bilinən Sumqayıt sakini saxlanılıb

24.03.2023

Sumqayıt ŞPİ 4-cü Polis Bölməsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində müxtəlif vaxtlarda şəhər ərazisində 3 qadının mobil telefonlarını oğurlamaqda şübhəli bilinən Sumqayıt sakini, əvvəllər məhkum olunmuş R.Nəcəfov saxlanılıb. Araşdırma aparılır.

Babək Rayon Yarımca kəndindəki evlərin birindən qızıl-zinət əşyaları oğurlamaqda şübhəli bilinən kənd sakinləri saxlanılıblar

24.03.2023

Babək Rayon Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində martın 23-nə keçən gecə Yarımca kəndindəki evlərin birindən 5000 manat dəyərində qızıl-zinət əşyaları oğurlamaqda şübhəli bilinən kənd sakinləri M.Qasımov, Ü.Hüseynov və S.Məmmədov saxlanılıblar. Araşdırma aparılır.

İmişli Rayon Ağaməmmədli kəndi ərazisində suvarma qurğusundan naqili oğurlamaqda şübhəli bilinən rayon sakinləri saxlanılıblar

24.03.2023

İmişli Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Ağaməmmədli kəndi ərazisində əkin sahəsində suvarma qurğusundan 360 metr naqili oğurlamaqda şübhəli bilinən rayon sakinləri E.İsgəndərov, İ.Abayev və M.Rəhimov saxlanılıblar. Araşdırma aparılır.

Bərdə Rayon Kələntərli kənd sakini, İ.Orucovdan marixuana aşkar edilərək götürülüb

24.03.2023

Bərdə Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan Kələntərli kənd sakini, əvvəllər məhkum olunmuş İ.Orucovdan 1 kiloqram 110 qram marixuana götürülüb.  Araşdırma aparılır.

Gün ərzində ölkə ərazisində qeydə alınan 25 cinayətin açılması təmin olunub

23.03.2023

Martın 23-də ölkə ərazisində qeydə alınan 25, əvvəlki dövrlərdən bağlı qalan 7 cinayətin açılması daxili işlər orqanlarının əməkdaşları tərəfindən təmin olunub.   

Paytaxtın Nizami rayonu ərazisində yol-nəqliyyat hadisəsi

23.03.2023

Martın 23-də saat 4 radələrində paytaxtın Nizami rayonu ərazisində İ.Məmmədov idarə etdiyi “Mercedes” markalı avtomobillə yolu keçən Ağdam rayon sakini Şəfiqə Cəfərovanı vurub. Piyada xəstəxanaya aparılarkən yolda ölüb.Nizami RPİ tərəfindən araşdırma aparılır. 

Şamaxı rayonunun Quşçu kəndi ərazisində yol-nəqliyyat hadisəsi

23.03.2023

Martın 23-də saat 9 radələrində Şamaxı rayonunun Quşçu kəndi ərazisində kənd sakini E.Nəbiyev idarə etdiyi “Mercedes” markalı avtomobili dərəyə aşırıb. Sürücü və sərnişini Ağsu şəhər sakini Arif Əliyev xəstəxanaya yerləşdiriliblər. A.Əliyev orada ölüb.Şamaxı RPŞ tərəfindən araşdırma aparılır.

Avtomobildə sərnişin olan M.Səmidovun Cinayət Məcəlləsinin 177-ci (oğurluq) maddəsi ilə axtarışda olması müəyyən edilib

23.03.2023

Baş Dövlət Yol Polisi İdarəsinin əməkdaşları tərəfindən nəzarət qaydasında saxlanılan “Toyota” markalı avtomobildə sərnişin olan M.Səmidovun Cinayət Məcəlləsinin 177-ci (oğurluq) maddəsi ilə axtarışda olması müəyyən edilib. M.Səmidov saxlanılaraq Sabirabad Rayon Polis Şöbəsinə təhvil verilib. Araşdırmalarla onun fevralın 20-də rayon ərazisindəki evlərin birindən 100 manat, 10750 ABŞ dolları və 12050 manat dəyərində qızıl-zinət əşyaları oğurlaması da müəyyən edilib. 

Oğurluqda şübhəli bilinən paytaxt sakini G.Talıbova müəyyən edilərək saxlanılıb

23.03.2023

Bakı Şəhər Baş Polis İdarəsinin Cinayət Axtarışı İdarəsi və Nərimanov RPİ 18-ci Polis Şöbəsi əməkdaşlarının birgə keçirdikləri əməliyyat-axtarış tədbirləri nəticəsində martın 21-də saat 20 radələrində Nərimanov rayonu ərazisində yerləşən ticarət mərkəzlərindən birində içərisində 500 manat pul, 1000 manat dəyərində mobil telefon və bank kartları olan çantanı oğurlamaqda şübhəli bilinən paytaxt sakini G.Talıbova müəyyən edilərək saxlanılıb.