Sumqayıt şəhəri ərazisində manevr qaydasını pozduğuna görə saxlanılan avtomobildən qara sellofan paketdə marixuana aşkar olunaraq götürülüb

14.07.2023

Nərimanov rayonu ərazisində yerləşən ofislərin birindən oğurluq əməlini törətməkdə şübhəli bilinən bir yeniyetmə müəyyən olunaraq saxlanılıb

14.07.2023

İyulun 13-də Nərimanov rayonu ərazisində yerləşən ofislərin birindən 20674 manat pulun qeyri-aşkar şəraitdə oğurlanması barədə polisə məlumat daxil olub.Nərimanov RPİ 18-ci Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən bir yeniyetmə müəyyən olunaraq saxlanılıb. Araşdırma aparılır. 

Suraxanı rayonu ərazisində iki evdən məişət əşyaları oğurlamaqda şübhəli bilinən Bakı şəhər sakini saxlanılıb

14.07.2023

Suraxanı RPİ 31-ci Polis Bölməsi əməkdaşlarının keçirdikləri əməliyyat tədbiri nəticəsində rayon ərazisində iki evdən ümumilikdə 3100 manat dəyərində məişət əşyaları oğurlamaqda şübhəli bilinən Bakı şəhər sakini, əvvəllər məhkum olunmuş M.Məmmədov saxlanılıb. Araşdırma aparılır.

Sabirabad Rayon Bulaqlı kəndi ərazisində yerləşən restoranların birindən pul oğurlamaqda şübhəli bilinən kənd sakini saxlanılıb

14.07.2023

Sabirabad Rayon Polis Şöbəsi əməkdaşlarının keçirdikləri əməliyyat tədbiri nəticəsində iyulun 14-nə keçən gecə Bulaqlı kəndi ərazisində yerləşən restoranların birindən 950 manat pul oğurlamaqda şübhəli bilinən kənd sakini Ə.Zeynalov saxlanılıb. Araşdırma aparılır. 

Qusar Rayon ərazisindəki mağazaların birindən pul oğurlamaqda şübhəli bilinən Qusar rayon sakini saxlanılıb

14.07.2023

Qusar Rayon Polis Şöbəsi əməkdaşlarının keçirdikləri əməliyyat tədbiri nəticəsində iyulun 14-də şəhər ərazisindəki mağazaların birindən 1000 manat pul oğurlamaqda şübhəli bilinən rayon sakini, əvvəllər məhkum olunmuş Q.Qaçayev saxlanılıb. Araşdırma aparılır.

Qəbələ rayonunun Nohurqışlaq kəndi ərazisində ölümlə nəticələnən yol-nəqliyyat hadisəsi baş vermişdir

14.07.2023

İyulun 15-də saat 1 radələrində Qəbələ rayonunun Nohurqışlaq kəndi ərazisində kənd sakini A.Abdurrəhmanovun idarə etdiyi “VAZ-21013” və İsmayıllı rayon sakini A.Nəsrullayevin idarə etdiyi “VAZ-2106” markalı avtomobillər toqquşub. Nəticədə hər iki sürücü hadisə yerində ölüb.Baş İstintaq və Təhqiqat İdarəsində araşdırma aparılır.

Biləsuvar rayonunun Zəhmətabad kəndi ərazisində ölümlə nəticələnən yol-nəqliyyat hadisəsi baş vermişdir

14.07.2023

Gün ərzində ölkə ərazisində qeydə alınan 71 cinayətin açılması təmin olunub

13.07.2023

İyulun 13-də ölkə ərazisində qeydə alınan 71, əvvəlki dövrlərdən bağlı qalan 11 cinayətin açılması daxili işlər orqanlarının əməkdaşları tərəfindən təmin olunub.

Türkan qəsəbə sakini Ə.İsmayıllıya xəsarət yetirməkdə şübhəli bilinən Bakı şəhər sakini Z.Dadaşov müəyyən edilərək saxlanılıb

13.07.2023

İyulun 13-də saat 22 radələrində Xəzər rayonunun Türkan qəsəbəsi ərazisindən qəsəbə sakini Ə.İsmayıllının kəsilmiş-deşilmiş xəsarətlə xəstəxanaya gətirilməsi barədə polisə məlumat daxil olub.Xəzər RPİ 1-ci Polis Şöbəsi əməkdaşlarının keçirdikləri əməliyyat tədbiri nəticəsində qəsdən sağlamlığa ağır zərər vurmada şübhəli bilinən Bakı şəhər sakini Z.Dadaşov müəyyən edilərək saxlanılıb. Xəzər Rayon Polis İdarəsində araşdırma aparılır.

Paytaxt sakini E.Mikayılova bıçaqla xəsarət yetirməkdə şübhəli bilinən E.Həsənov müəyyən edilərək saxlanılıb

13.07.2023

İyulun 13-də saat 19 radələrində Xətai rayonu ərazisində paytaxt sakini E.Mikayılovun bıçaq xəsarəti alması barədə məlumat daxil olub.Xətai RPİ 35-ci Polis Bölməsi əməkdaşlarının keçirdikləri əməliyyat tədbiri nəticəsində qəsdən sağlamlığa ağır zərər vurmada şübhəli bilinən Bakı şəhər sakini, əvvəllər məhkum olunmuş E.Həsənov müəyyən edilərək saxlanılıb.Xətai Rayon Polis İdarəsində araşdırma aparılır.