İşğaldan azad olunan bölgələrin təhlükəsiz əraziyə çevrilməsi üçün DİN əməkdaşları tərəfindən tədbirlər davam etdirilir

26.07.2024

İşğaldan azad olunan bölgələrin təhlükəsiz əraziyə çevrilməsi üçün DİN əməkdaşları tərəfindən tədbirlər davam etdirilir  Vətən müharibəsi və antiterror əməliyyatlarından sonra Böyük Qayıdış prosesinin sürətləndirilməsi və təhlükəsizliyin etibarlı təmin edilməsi məqsədilə Daxili İşlər Nazirliyinin əməkdaşları qarşıya qoyulan tapşırıqları peşəkarlıqla icra edirlər.Müharibə qalıqları, təhlükə mənbələrinin aşkarlanıb zərərsizləşdirilməsi prosesi fasiləsiz davam etdirilir. Bölgənin silah-sursatlardan, partlayıcı maddələrdən təmizlənməsi işi xidmətə cəlb edilən daxili işlər orqanları əməkdaşlarının əsas fəaliyyət istiqamətlərindən biridir.Həyata keçirilən tədbirlərlə 19-26 iyul tarixlərində polis əməkdaşları tərəfindən Xankəndi şəhəri ərazisindən 24 avtomat silahı, 1 pulemyot, 9 tüfəng, 28 qumbara, 29 alışdırıcı, 441 mərmi, 5 süngü-bıçaq, 93 patron darağı, 3118 ədəd müxtəlif çaplı patron və digər sursatlar, Şuşa rayonu ərazisindən 1 pulemyot, 50 qumbara, 7 partlayıcı, 3 mərmi və 320 ədəd müxtəlif çaplı patron, Xocalı rayonu ərazisindən 8 avtomat, 3 tüfəng, 64 mərmi, 121 qumbara, 11 patron darağı, 2 alışdırıcı, 30 ədəd kustar üsulla hazırlanmış partlayıcı qurğu, 20 ədəd kapsul detonatoru, 3 şaşka, 57 ədəd barıt atımı, 1 ədəd mina detektoru, 1040 ədəd müxtəlif çaplı patron, Kəlbəcər rayon ərazisindən isə 1 avtomat silahı, 3 ədəd patron darağı və 59 ədəd patron aşkar edilərək götürülüb.

Yasamal Rayon və Sumqayıt Şəhər ərazilərində dələduzluq əməli etməkdə şübhəli bilinən şəxslər saxlanılıblar

26.07.2024

Yasamal RPİ-nin 29-cu Polis Şöbəsinə müraciət edən qadın hesabına 300 manat pul ödədiyi şəxsin onu aldatdığını bildirib.Polis əməkdaşlarının keçirdikləri tədbirlərlə dələduzluq əməlini törətməkdə şübhəli bilinən A.İsmayılov müəyyən olunaraq saxlanılıb.Sumqayıt ŞPİ 3-cü Polis Bölməsi əməkdaşlarının keçirdikləri tədbirlərlə isə Sumqayıt şəhər sakini olan bir nəfərin 2170 manatını dələduzluq yolu ilə almaqda şübhəli bilinən Ə.Rzayev müəyyən olunaraq saxlanılıb.Hər iki faktla bağlı araşdırma aparılır. 

Yasamal Rayon ərazisində evlərin birinin qarşısından skuter oğurlamaqda şübhəli bilinən şəxs müəyyən olunaraq saxlanılıb

26.07.2024

Yasamal RPİ 27-ci Polis Şöbəsi əməkdaşlarının keçirdikləri tədbirlərlə iyulun 20-nə keçən gecə evlərin birinin qarşısından 1200 manat dəyərində skuter oğurlamaqda şübhəli bilinən M.Hüseynov müəyyən olunaraq saxlanılıb.Araşdırma aparılır. 

Ağcabədi Rayon ərazisində şirkətlərdən birinə məxsus naqili oğurlamaqda şübhəli bilinən yeniyetmə müəyyən olunaraq saxlanılıb

26.07.2024

Ağcabədi Rayon Polis Şöbəsi əməkdaşlarının keçirdikləri tədbirlərlə rayon ərazisində şirkətlərdən birinə məxsus 430 metr naqili oğurlamaqda şübhəli bilinən yeniyetmə müəyyən olunaraq saxlanılıb.Araşdırma aparılır. 

Qəbələ Rayon Bum qəsəbə sakininin həyətyanı sahəsindən çətənə kolu və marixuana aşkar olunaraq götürülüb

26.07.2024

Qəbələ Rayon Polis Şöbəsi əməkdaşlarının keçirdikləri tədbirlərlə Bum qəsəbə sakini, əvvəllər məhkum olunmuş İ.Nəsirovun həyətyanı sahəsindən kultivasiya yolu ilə yetişdirilmiş 20 ədəd çətənə kolu və 510 qram marixuana aşkar olunaraq götürülüb.Araşdırma aparılır. 

Şəki Şəhə Aşağı Daşağıl kəndi ərazisindən çətənə kolu aşkar olunaraq məhv edilib

26.07.2024

Şəki Şəhər Rayon Polis Şöbəsinin əməkdaşları tərəfindən Aşağı Daşağıl kəndi ərazisindən yabanı halda bitmiş 4,3 ton çəkidə 135000 ədəd çətənə kolu aşkar olunaraq məhv edilib.  

Neftçala Rayon Yenikənd kəndi ərazisindən çətənə kolu aşkar olunaraq məhv edilib

26.07.2024

Neftçala Rayon Polis Şöbəsinin əməkdaşları tərəfindən Yenikənd kəndi ərazisindən yabanı halda bitmiş 8,2 ton çəkidə 9805 ədəd çətənə kolu aşkar olunaraq məhv edilib.    

DİN BNMİ-nin sonuncu əməliyyatı zamanı 70 kiloqram narkotik vasitə dövriyyədən çıxarılıb

26.07.2024

DİN Baş Narkotiklərlə Mübarizə İdarəsi əməkdaşlarının keçirdikləri son əməliyyatlar zamanı narkotiklərin qanunsuz dövriyyəsi ilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar. Onlardan ümumilikdə 70 kiloqram tərkibi psixotrop maddələrlə zənginləşdirilən marixuana, heroin, metamfetamin, 3565 ədəd metadon, eləcə də preqabalin həbi, narkotiklərin onlayn satışında bilavasitə istifadə edilən bank kartları və tərəzilər aşkarlanıb. Mütəşəkkil dəstənin üzvləri şəxsiyyətləri istintaqla araşdırılan İran vətəndaşları ilə əlbir olaraq qaçaqmalçılıq yolu ilə ölkəyə narkotiklərin gətirilməsini, qazanc müqabilində ayrı-ayrı ünvanlara çatdırılmasını və əldə olunan gəlirlə əsasən gəncləri narkokuryerliyə cəlb etməyi planlaşdırıblar. Faktlarla bağlı cinayət işləri başlanılıb, saxlanılan şəxslər barəsində məhkəmənin qərarı ilə həbs qətimkan tədbiri seçilib. Mütəşəkkil dəstənin digər üzvlərinin müəyyən olunaraq məsuliyyətə cəlb edilməsi istiqamətində əməliyyat tədbirləri davam etdirilir.Bir daha vətəndaşların nəzərinə çatdırırıq ki, sosial şəbəkələrdən istifadə edən zaman diqqətli olsunlar. Narkotacirlərin yalan vədlərinə inanmasınlar.

Polisin qanunsuz miqrasiyaya qarşı keçirdiyi tədbirlərlə daha 34 əcnəbi saxlanılıb

26.07.2024

Bakı şəhərində müxtəlif ünvanlarda ölkə ərazisində yaşama hüququ verən sənədləri olmayan əcnəbilərə qarşı DİN-in BPQMİ-nin Qanunsuz Miqrasiyaya Qarşı Mübarizə İdarəsinin əməkdaşları tərəfindən tədbirlər davam etdirilir.Nəticədə daha 34 əcnəbi vətəndaş qeyd olunan qanun pozuntularına yol verdiyi üçün saxlanılıb. Araşdırmalarla saxlanılanlardan 5 nəfərinin qeydiyyatsız yaşamaqla yanaşı qanunsuz əmək fəaliyyəti ilə məşğul olması da müəyyən edilib.Həmin əcnəbilərin pul müqabilində guya ölkəmizdən tranzit kimi istifadə olunmaqla qeyri-leqal yollarla Avropa ölkələrinə keçidinin təmin ediləcəyi vədi verildiyi və mənsub olduqları ölkələrdə naməlum şəxslər tərəfindən aldadıldığı müəyyən edilib.Barələrində İnzibati Xətalar Məcəlləsinin müvafiq maddəsinə əsasən protokol tərtib edilib və aidiyyəti üzrə təhvil veriliblər.Qeyd edək ki, 2024-cü ilin əvvəlindən Azərbaycanda yaşama hüququ verən sənədləri olmayan və bir yerdən başqa yerə getdikdə qeydiyyat qaydalarına əməl etməyən 161 əcnəbi vətəndaş polis əməldaşları tərəfindən müəyyən edilərək barələrində tədbirlər görülüb.

Gün ərzində ölkə ərazisində qeydə alınan 59 cinayətin açılması təmin olunub

25.07.2024