Gün ərzində ölkə ərazisində qeydə alınan 86 cinayətin açılması təmin olunub

22.06.2023

İyunun 22-də ölkə ərazisində qeydə alınan 86, əvvəlki dövrlərdən bağlı qalan 5 cinayətin açılması daxili işlər orqanlarının əməkdaşları tərəfindən təmin olunub.

Ordubad rayonunun Düylün kəndi ərazisində “Mercedes” markalı avtomobil yolun kənarına aşıb

22.06.2023

İyunun 20-də saat 20 radələrində Ordubad rayonunun Düylün kəndi ərazisində Sədərək rayon sakini T.Babayev idarə etdiyi “Mercedes” markalı avtomobili yolun kənarına aşırıb. Nəticədə xəsarət alaraq xəstəxanaya yerləşdirilən sərnişin N.Məmmədova iyunun 22-də orada ölüb.Ordubad Rayon Polis Şöbəsində araşdırma aparılır.

Hacıqabul rayonunun 2-ci Paşalı kəndi ərazisində “Opel” markalı avtomobil yolun kənarına aşıb

22.06.2023

İyunun 22-də saat 19 radələrində Hacıqabul rayonunun 2-ci Paşalı kəndi ərazisində rayon sakini M.Babayev idarə etdiyi “Opel” markalı avtomobili yolun kənarına aşırıb. Nəticədə sürücü və sərnişini xəstəxanaya yerləşdirilib, sürücü orada ölüb. Hacıqabul Rayon Polis Şöbəsində araşdırma aparılır.

Səbail rayonunun Ü.Hacıbəyov küçəsindəki mağazaların birindən 2300 manat oğurlamaqda şübhəli bilinən bir yeniyetmə saxlanılıb

22.06.2023

Səbail RPİ 39-cu Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində iyunun 21-də Ü.Hacıbəyov küçəsindəki mağazaların birindən 2300 manat oğurlamaqda şübhəli bilinən Tovuz rayon sakini olan bir yeniyetmə müəyyən edilərək saxlanılıb. Araşdırma aparılır.

Şəmkir rayonunun Zəyəm Cırdaxan kənd sakini M.Məsimovdan qanunsuz saxladığı ov tüfəngi və 15 ədəd patron götürülüb

22.06.2023

Şəmkir Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Zəyəm Cırdaxan kənd sakini M.Məsimovdan qanunsuz saxladığı “İJ” markalı ov tüfəngi və 15 ədəd patron götürülüb.

Suraxanıda keçirilən əməliyyatlar zamanı saxlanılan 2 nəfərdən “Kalaşnikov” və 10 kiloqram narkotik vasitə aşkar edilib

22.06.2023

Suraxanı Rayon Polis İdarəsinin əməkdaşları tərəfindən həyata keçilən növbəti əməliyyat zamanı narkotiklərin qanunsuz dövriyyəsini təşkil edən daha bir nəfər saxlanılıb. Tədbir zamanı Əmircan qəsəbəsində narkotik maddələrin satışını təşkil edən İlqar Abbasov tutulub. Onun üzərindən və qəsəbə ərazisində yaşadığı evdən 10 kiloqramdan artıq heroin və marixuana aşkar edilib.

Gün ərzində ölkə ərazisində qeydə alınan 80 cinayətin açılması təmin olunub

21.06.2023

İyunun 21-də ölkə ərazisində qeydə alınan 80, əvvəlki dövrlərdən bağlı qalan 18 cinayətin açılması daxili işlər orqanlarının əməkdaşları tərəfindən təmin olunub.

Füzuli rayonunun Qayıdış qəsəbəsi ərazisində “Mitsubishi” markalı avtomobillə piyada vurulub

21.06.2023

İyunun 21-də saat 11 radələrində Füzuli rayonunun Qayıdış qəsəbəsi ərazisində rayon sakini T.Sahibli idarə etdiyi “Mitsubishi” markalı avtomobillə yolu keçən F.Nəcəfovu vurub və nəticədə piyada hadisə yerində ölüb.Füzuli Rayon Polis Şöbəsində araşdırma aparılır.

Metronun İnşaatçılar stansiyasında Bakı şəhər sakini olan bir qadının çantasından cüzdanın oğurlamaqda şübhəli bilinən Ağdam rayon sakini C.Abdullazadə saxlanılıb

21.06.2023

İyunun 16-da metronun İnşaatçılar stansiyasında Bakı şəhər sakini olan bir qadının çantasından içərisində pulu, bank kartı, sənədlər və ev açarları olan cüzdanın oğurlanması barədə polisə məlumat daxil olub.Metropolitendə Polis İdarəsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən Ağdam rayon sakini, əvvəllər dəfələrlə məhkum olunmuş C.Abdullazadə müəyyən edilərək saxlanılıb. Araşdırma aparılır.

Binəqədi rayonunun Sulutəpə qəsəbəsi ərazisindən bir avtomobili qaçırmaqda şübhəli bilinən Zaqatala rayon sakini M.Mamayev müəyyən edilərək saxlanılıb

21.06.2023

Binəqədi RPİ 40-cı Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində Sulutəpə qəsəbəsi ərazisindən “VAZ-2107” markalı bir avtomobili qaçırmaqda şübhəli bilinən Zaqatala rayon sakini, əvvəllər məhkum olunmuş M.Mamayev müəyyən edilərək saxlanılıb. Araşdırma aparılır.