Bir şəxsi döyərək mobil telefonunu quldurluq yolu ilə almaqda şübhəli bilinən Astara rayon sakini M.Həsənov saxlanılıb

05.09.2023

Yasamal RPİ 29-cu Polis Şöbəsi əməkdaşlarının keçirdikləri əməliyyat-axtarış tədbirləri nəticəsində sentyabrın 5-də saat gecə saatlarında bir şəxsi döyərək mobil telefonunu quldurluq yolu ilə almaqda şübhəli bilinən Astara rayon sakini M.Həsənov müəyyən olunaraq saxlanılıb. 

Qazax rayon sakinini aldadaraq ondan 14 baş inək almaqda şübhəli bilinən Bakı şəhər sakinləri T.Əliyev və N.Budaqov saxlanılıblar

05.09.2023

Nizami RPİ 23-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində cari il avqust ayında Qazax rayon sakinini aldadaraq ondan 14 baş inək almaqda şübhəli bilinən Bakı şəhər sakinləri T.Əliyev və N.Budaqov saxlanılıblar.Araşdırmalarla onların daha bir şəxsi aldadaraq 19700 manat pulunu almaları da müəyyən olunub.  

Suraxanı rayonu ərazisindəki evlərin birindən kondisioner və naqil oğurlamaqda şübhəli bilinən paytaxt sakinləri X.Babayev və İ.Əliyev saxlanılıblar

05.09.2023

Suraxanı RPİ 30-cu Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki evlərin birindən 1400 manat dəyərində kondisioner və naqil oğurlamaqda şübhəli bilinən paytaxt sakinləri X.Babayev və İ.Əliyev müəyyən olunaraq saxlanılıblar.

Şəmkir rayonu ərazisindəki iki evdən və bir mağazadan oğurluq etməkdə şübhəli bilinən Təzəkənd kənd sakinləri S.Əliyev və F.Nəsirov saxlanılıblar

05.09.2023

Şəmkir RPŞ əməkdaşlarının keçirdikləri əməliyyat-axtarış tədbirləri nəticəsində rayon ərazisindəki iki evdən və bir mağazadan ümumi 3472 manat pul, 2500 manat dəyərində qızıl-zinət əşyaları, 53 manat dəyərində tütün məmulatı, eləcə də danışıq kartları oğurlamaqda şübhəli bilinən Təzəkənd kənd sakinləri S.Əliyev və F.Nəsirov müəyyən olunaraq saxlanılıblar. 

Binəqədi rayonunda avqustda keçirilən əməliyyatlar zamanı narkotiklərin qanunsuz dövriyyəsi ilə məşğul olan 82 nəfərdən 30 kiloqram narkotik vasitə aşkar edilib

05.09.2023

Binəqədi Rayon Polis İdarəsinin əməkdaşları tərəfindən avqust ayında narkotiklərin qanunsuz dövriyyəsi ilə məşğul olan şəxslərə qarşı keçirilən tədbirlər zamanı ümumilikdə 82 nəfər saxlanılıb. Həmin şəxslərdən 30 kiloqram heroin, marixuana və psixotrop maddə olan metamfetamin aşkar edilib. Araşdırma zamanı müəyyən edilib ki, onlardan bəziləri əvvəllər narkotiklərin qanunsuz dövriyyəsini təşkil etdikləri üçün məhkum olunmuş şəxslərdir. Saxlanılanların bir neçəsi narkotik vasitələri sosial şəbəkələrdə tanımadıqları İran vətəndaşlarından onlayn yolla satmaq məqsədi ilə əldə etdiklərini bildiriblər.Aşkar edilmiş faktlarla bağlı İdarənin İstintaq Şöbəsində araşdırma aparılır. Narkotiklərin qanunsuz dövriyyəsinə qarşı polis əməkdaşları tərəfindən mübarizə tədbirləri davam etdirilir. 

Oğurluq etməkdə şübhəli bilinən Salyan rayon sakini Ə.Həsənov müəyyən olunaraq saxlanılıb

04.09.2023

Nəqliyyatda Baş Polis İdarəsi və Əlahiddə Çevik Polis Alayı əməkdaşlarının birgə keçirdikləri əməliyyat tədbirləri nəticəsində sentyabrın 3-də saat 01 radələrində Səbail rayonu ərazisində yerləşən klubların birində vətəndaşa məxsus içərisində bank kartları  və şəxsiyyət vəsiqəsi olan cüzdanı oğurlayaraq Bakı dəmir yolu vağzalının ərazisində yerləşən mağazalarda bank kartlarından 156 manat dəyərində alış-veriş etməkdə şübhəli bilinən Salyan rayon sakini, əvvəllər məhkum olunmuş Ə.Həsənov müəyyən olunaraq saxlanılıb. 

Quldurluq yolu ilə talamaqda şübhəli bilinən Ə.Hacyev müəyyən olunaraq saxlanılıb

04.09.2023

Xəzər RPİ 2-ci Polis Şöbəsi əməkdaşlarının keçirdikləri əməliyyat tədbirləri nəticəsində bir şəxsi döyüb içərisində pul və şəxsiyyət vəsiqəsi olan cüzdanını quldurluq yolu ilə talamaqda şübhəli bilinən Ə.Hacyev müəyyən olunaraq saxlanılıb. 

Narkotik vasitələrin qanunsuz dövriyyəsində şübhəli bilinən Sabirabad rayon sakini H.Əsədzadə saxlanılıb

03.09.2023

Sabirabad RPŞ əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən rayon sakini, əvvəllər məhkum olunmuş H.Əsədzadə saxlanılıb. İdarə etdiyi “Mercedes” markalı avtomobilə baxış zamanı oradan 158 qrama yaxın metamfetamin, 50 qramdan artıq heroin və 1 ədəd elektron tərəzi aşkar olunaraq götürülüb.

Göygöl rayonunun Topalhəsənli kəndi ərazisində yabanı halda bitmiş 1 ton 75 kiloqram çəkidə çətənə kolları aşkarlanaraq məhv edilib

02.09.2023

Göygöl RPŞ əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Topalhəsənli kəndi ərazisində yabanı halda bitmiş 1 ton 75 kiloqram çəkidə 2388 ədəd çətənə kolu aşkarlanaraq məhv edilib.

Zaqatala rayonunun Mosul kəndi ərazisində yabanı halda bitmiş 3 ton 437 kiloqram çəkidə çətənə kolları aşkarlanaraq məhv edilib

02.09.2023

Zaqatala RPŞ əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktiki tədbirlər nəticəsində Mosul kəndi ərazisində yabanı halda bitmiş 3 ton 437 kiloqram çəkidə 5112 ədəd çətənə kolu aşkarlanaraq məhv edilib.