Ucar rayonunun Alpoud kəndində bir həyətyanı sahədən 14 baş qoyun oğurlamaqda şübhəli bilinən şəxslər saxlanılıblar

27.11.2023

Ucar Rayon Polis Şöbəsi əməkdaşlarının keçirdikləri tədbirlərlə Alpoud kəndində bir həyətyanı sahədən 14 baş qoyun oğurlamaqda şübhəli bilinən Bərdə rayon sakini S.Şirinov, M.Əliyev və qardaşı H.Əliyev saxlanılıblar.Araşdırma aparılır.

Gün ərzində ölkə ərazisində qeydə alınan 26 cinayətin açılması təmin olunub

26.11.2023

Noyabrın 26-da ölkə ərazisində qeydə alınan 26 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları tərəfindən qanunsuz saxlanılan odlu silahların könüllü təhvil verilməsi ilə bağlı profilaktiki tədbirlər davam etdirilir

26.11.2023

25-26 noyabr tarixlərində polis əməkdaşları paytaxt və respublikanın ayrı-ayrı rayonlarında 1 ədəd avtomat, 5 ədəd qumbara,  1 ədəd qumbara alışdırıcısı, 1 ədəd fişəng tapançası, 1 patron darağı,  66 ədəd müxtəlif çaplı patron və 29 ədəd müxtəlif markalı ov tüfəngi təhvil götürüblər.Keçirilən əməliyyat tədbirləri ilə 1 ədəd qumbara, 1 ədəd alışdırıcı, 5 tüfəng, 15 patron və 1 patron qatarı aşkar edilərək götürülüb.

Binəqədi rayonu ərazisindəki orta məktəblərin birindən notbuk və proyektor oğurlamaqda şübhəli bilinən N.Atayev və F.İdrisov saxlanılıblar

26.11.2023

Noyabrın 22-nə keçən gecə Binəqədi rayonu ərazisindəki orta məktəblərin birindən notbuk və proyektor oğurlanması barədə polisə məlumat daxil olub. Binəqədi RPİ 5-ci Polis Bölməsi əməkdaşlarının keçirdikləri tədbirlərlə oğurluq əməlində şübhəli bilinən Bakı şəhər sakinləri N.Atayev və əvvəllər məhkum olunmuş F.İdrisov müəyyən olunaraq saxlanılıblar.Araşdırma aparılır. 

Sabunçu rayonunun Zabrat qəsəbəsi ərazisində şirkətlərdən birinə məxsus optik internet kabeli və 2 ədəd barabanı oğurlamaqda şübhəli bilinən şəxslər saxlanılıblar

26.11.2023

Sabunçu rayonunun Zabrat qəsəbəsi ərazisində şirkətlərdən birinə məxsus 15000 manat dəyərində optik internet kabeli və 2 ədəd barabanın oğurlanması barədə polisə məlumat daxil olub.  Sabunçu RPİ 15-ci Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən əvvəllər məhkum olunmuşlar - Ordubad rayon sakini R.Vəliquliyev və Bakı şəhər sakini V.Şərifov müəyyən olunaraq saxlanılıblar.Araşdırma aparılır. 

Gün ərzində ölkə ərazisində qeydə alınan 70 cinayətin açılması təmin olunub

25.11.2023

Noyabrın 25-də ölkə ərazisində qeydə alınan 70, əvvəlki dövrlərdən bağlı qalan 7 cinayətin açılması daxili işlər orqanlarının əməkdaşları tərəfindən təmin olunub.

Göygöl şəhər sakini olan bir qadının cüzdanını soyğunçuluq yolu ilə talamaqda şübhəli bilinən B.Verdiyev saxlanılıb

25.11.2023

Göygöl Rayon Polis Şöbəsi əməkdaşlarının keçirdikləri tədbirlərlə noyabrın 25-də şəhər sakini olan bir qadının cüzdanını soyğunçuluq yolu ilə talamaqda şübhəli bilinən rayon sakini, əvvəllər məhkum olunmuş B.Verdiyev saxlanılıb.Araşdırma aparılır. 

Yasamal rayonu ərazisində bir avtomobildən oğurluq etməkdə şübhəli bilinən Bakı şəhər sakini T.Həmidov saxlanılıb

25.11.2023

Yasamal RPİ 26-cı Polis Bölməsi əməkdaşlarının keçirdikləri tədbirlərlə noyabrın 17-nə keçən gecə “Chevrolet” markalı avtomobildən 700 manat pul, sənədlər, bank kartı, 800 manat dəyərində qol saatı, 2 ədəd qulaqcıq və dinamik oğurlamaqda şübhəli bilinən Bakı şəhər sakini T.Həmidov saxlanılıb. Araşdırmalarla onun noyabrın 24-nə keçən gecə “BYD” markalı avtomobildən 200 manat, 100 ABŞ dolları pul və 970 manat dəyərində qulaqcıq oğurlaması da müəyyən olunub.

Gəncə şəhər sakini E.Axundovun yaşadığı evdən tüfəng, marixuana və metamfetamin götürülüb

25.11.2023

Gəncə ŞBPİ 2-ci Polis Şöbəsi əməkdaşlarının keçirdikləri tədbirlərlə saxlanılan şəhər sakini, əvvəllər məhkum olunmuş E.Axundovdan marixuana aşkar olunub. Onun yaşadığı evə baxış zamanı oradan “TOZ-8” markalı tüfəng, marixuana və metamfetamin götürülüb. Araşdırma aparılır. 

Sabirabad şəhər sakini S.Mehdiyevin yaşadığı evdən 1 kiloqramdan artıq marixuana götürülüb

25.11.2023

Sabirabad Rayon Polis Şöbəsi əməkdaşlarının keçirdikləri tədbirlərlə saxlanılan şəhər sakini S.Mehdiyevdən 45 qramdan artıq marixuana, metamfetamin, 9 ədəd metadon həbi aşkar olunub. Onun yaşadığı evə baxış zamanı oradan 1 kiloqram 140 marixuana götürülüb. Araşdırma aparılır.