Noyabrın 25-də bir nəfərin cüzdanını oğurlamaqda şübhəli bilinən Bakı şəhər sakini T.Abbaszadə saxlanılıb

28.11.2023

Nərimanov RPİ 18-ci Polis Şöbəsi əməkdaşlarının keçirdikləri tədbirlərlə noyabrın 25-də bir nəfərin içərisində 500 manatı, sənəd və kart olan cüzdanını oğurlamaqda şübhəli bilinən Bakı şəhər sakini T.Abbaszadə saxlanılıb. Araşdırma aparılır.    

Gün ərzində ölkə ərazisində qeydə alınan 50 cinayətin açılması təmin olunub

27.11.2023

Noyabrın 27-də ölkə ərazisində qeydə alınan 50, əvvəlki dövrlərdən bağlı qalan 11 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları tərəfindən qanunsuz saxlanılan odlu silahların könüllü təhvil verilməsi ilə bağlı profilaktiki tədbirlər davam etdirilir

27.11.2023

Noyabrın 27-də polis əməkdaşları paytaxt və respublikanın ayrı-ayrı rayonlarında 1  ədəd avtomat, 3 ədəd qumbara,  3 patron darağı,  158 ədəd müxtəlif çaplı patron və 21 ədəd müxtəlif markalı ov tüfəngi təhvil götürüblər.

Nərimanov rayonu ərazisində avtomobildə sürücünün mobil telefonunu soyğunçuluq yolu ilə talamaqda şübhəli bilinən H.Məmmədşuri saxlanılıb

27.11.2023

Nərimanov RPİ 18-ci Polis Şöbəsi əməkdaşlarının keçirdikləri tədbirlərlə noyabrın 26-da saat 23 radələrində “Chevrolet” markalı avtomobildə sürücünün mobil telefonunu soyğunçuluq yolu ilə talamaqda şübhəli bilinən Şamaxı rayon sakini, əvvəllər məhkum olunmuş H.Məmmədşuri saxlanılıb.Nərimanov Rayon Polis İdarəsində araşdırma aparılır. 

Buzovna qəsəbəsi ərazisində bir nəfərin pulunu və 2 ədəd mobil telefonunu oğurlamaqda şübhəli bilinən İ.Hüseynov saxlanılıb

27.11.2023

Bakı Şəhər Baş Polis İdarəsi əməkdaşlarının keçirdikləri tədbirlərlə Buzovna qəsəbəsi ərazisində bir nəfərin üzlüyündə 850 manat pulu olan 3900 manat dəyərində 2 ədəd mobil telefonunu oğurlamaqda şübhəli bilinən Xırdalan şəhər sakini İ.Hüseynov müəyyən olunaraq saxlanılıb. Araşdırma aparılır. 

Qaradağ rayonunun Ələt qəsəbəsi ərazisində bir nəfərin cibindən pulunu və mobil telefonunu oğurlamaqda şübhəli bilinən N.Vəlizadə saxlanılıb

27.11.2023

Qaradağ RPİ 11-ci Polis Bölməsi əməkdaşlarının keçirdikləri tədbirlərlə Ələt qəsəbəsi ərazisində bir nəfərin cibindən 1800 manat pulunu və mobil telefonunu oğurlamaqda şübhəli bilinən Bakı şəhər sakini N.Vəlizadə saxlanılıb. Araşdırmalarla onun qəsəbə ərazisindən bir nəfərin mopedini oğurlaması da müəyyən olunub. 

Sabunçu rayonu ərazisindəki binaların birindən 2 ədəd kombi oğurlamaqda şübhəli bilinən S.Xəlilov saxlanılıb

27.11.2023

Sabunçu RPİ 13-cü Polis Şöbəsi əməkdaşlarının keçirdikləri tədbirlərlə rayon ərazisindəki binaların birindən 2 ədəd kombi oğurlamaqda şübhəli bilinən Bakı şəhər sakini, əvvəllər məhkum olunmuş S.Xəlilov saxlanılıb. Araşdırma aparılır. 

Maştağa qəsəbəsi ərazisində bir avtomobildən 7000 manat pulu oğurlamaqda şübhəli bilinən Bakı şəhər sakini Ə.Əliyev saxlanılıb

27.11.2023

Noyabrın 25-nə keçən gecə Maştağa qəsəbəsi ərazisində “Volkswagen” markalı bir avtomobildən 7000 manat pulun qeyri-aşkar şəraitdə oğurlanması barədə polisə məlumat daxil olub. Sabunçu RPİ 14-cü Polis Şöbəsi əməkdaşlarının keçirdikləri tədbirlərlə oğurluq əməlində şübhəli bilinən Bakı şəhər sakini Ə.Əliyev müəyyən olunaraq saxlanılıb. Araşdırma aparılır. 

Nəsimi rayonu ərazisində mənzillərin birindən pul oğurlamaqda şübhəli bilinən Bakı şəhər sakini E.Orucov saxlanılıb

27.11.2023

Nəsimi rayonu ərazisində mənzillərin birindən 5000 manat pul oğurlanması barədə polisə məlumat daxil olub. Nəsimi RPİ 19-cu Polis Şöbəsi əməkdaşlarının keçirdikləri tədbirlərlə oğurluq əməlində şübhəli bilinən Bakı şəhər sakini, əvvəllər məhkum olunmuş E.Orucov müəyyən olunaraq saxlanılıb. Araşdırma aparılır. 

Qazax rayonunun İkinci Şıxlı kəndi ərazisində bir evin həyətindən oğurluq etməkdə şübhəli bilinən şəxslər saxlanılıblar

27.11.2023

Qazax Rayon Polis Şöbəsi  və Gəncə ŞBPİ-nin 3-cü Polis Bölməsi əməkdaşlarının keçirdikləri tədbirlərlə noyabrın 27-nə keçən gecə İkinci Şıxlı kəndi ərazisində bir evin həyətindən 1280 manat dəyərində məişət əşyaları və naqil oğurlamaqda şübhəli bilinən Qazax rayon sakinləri, əvvəllər məhkum olunmuşlar - P.Əhmədov, M.Qocayev, O.Nəsibov, E.Xasməmmədov və Ş.Əhmədov saxlanılıblar.Araşdırma aparılır.