Sabunçu rayonunun Ramana qəsəbəsi ərazisində bir yarımtikilidən 3000 manat dəyərində naqil oğurlamaqda şübhəli bilinən Bakı şəhər sakini R.Musayev saxlanılıb

27.01.2024

Sabunçu RPİ 12-ci Polis Şöbəsi əməkdaşlarının keçirdikləri tədbirlərlə Ramana qəsəbəsi ərazisində bir yarımtikilidən 3000 manat dəyərində naqil oğurlamaqda şübhəli bilinən Bakı şəhər sakini, əvvəllər narkotiklərlə əlaqəli cinayətə görə məhkum olunmuş R.Musayev saxlanılıb. Şöbə əməkdaşlarının keçirdikəri digər tədbir nəticəsində isə Balaxanı qəsəbəsi ərazisində bir evin həyətindən 4000 manat dəyərində dəmir oğurlamaqda şübhəli bilinən Bakı şəhər sakini İ.Qasımov saxlanılıb.Hər iki faktla bağlı araşdrıma aparılır. 

Xətai rayonu ərazisində mənzillərin birindən 17000 manat dəyərində qızıl-zinət əşyalarını oğurlamaqda şübhəli bilinən F.Cavadov saxlanılıb

27.01.2024

Xətai rayonu ərazisində mənzillərin birindən 17000 manat dəyərində qızıl-zinət əşyalarının oğurlanması barədə polisə məlumat daxil olub. Xətai RPİ 34-cü Polis Şöbəsi əməkdaşlarının keçirdikəri tədbirlərlə oğurluq əməlini törətməkdə şübhəli bilinən Bakı şəhər sakini F.Cavadov müəyyən olunaraq saxlanılıb.Araşdırma aparılır. 

Qax şəhər sakini M.Mustafazadədən və yaşadığı evdən marixuana aşkar olunaraq götürülüb

27.01.2024

Qax Rayon Polis Şöbəsi əməkdaşlarının keçirdikəri əməliyyat tədbiri ilə şəhər sakini, əvvəllər məhkum olunmuş Mübariz Mustafazadə saxlanılıb. Onun üzərindən və yaşadığı evə baxış zamanı marixuana aşkar olunaraq götürülüb. Davam etdirilən tədbirlərlə onun Əlibəyli kəndi ərazisində yerləşən meşə sahəsində qanunsuz əkib-becərdiyi 65 ədəd çətənə bitkisi də aşkar olunaraq götürülüb.

Sabirabad rayonunun Bulaqlı kəndi ərazisində mağazaların birindən oğurluq etməkdə şübhəli bilinən E.Abdullayev saxlanılıb

27.01.2024

Sabirabad Rayon Polis Şöbəsi əməkdaşlarının keçirdikəri tədbirlərlə Bulaqlı kəndi ərazisində mağazaların birindən 500 manat dəyərində lotereya, tütün məmulatı, ətir və kameranın yaddaş qurğusunu oğurlamaqda şübhəli bilinən Saatlı rayon sakini, əvvəllər məhkum olunmuş E.Abdullayev saxlanılıb.Araşdırma aparılır. 

Gün ərzində ölkə ərazisində qeydə alınan 75 cinayətin açılması təmin olunub

26.01.2024

Yanvarın 26-da ölkə ərazisində qeydə alınan 71, əvvəlki dövrlərdən bağlı qalan 4 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir 

26.01.2024

Yanvarın 26-da polis əməkdaşları paytaxt və respublikanın ayrı-ayrı rayonlarında 1 ədəd avtomat silahı, 9 ədəd müxtəlif markalı tüfəng, 2 ədəd patron darağı və 399 ədəd müxtəlif çaplı patron təhvil götürüblər.

Qanunsuz saxlanılan silah-sursat aşkar edilərək götürülüb

26.01.2024

Yanvarın 26-da polis əməkdaşlarının keçirdikləri əməliyyat tədbirləri ilə qanunsuz saxlanılan 2 ədəd avtomat silahı, 1 tapança, 1 ədəd qumbara, 1 alışdırıcı, 4 ədəd müxtəlif markalı tüfəng, 3 ədəd patron darağı və 53 ədəd müxtəlif çaplı patron aşkar edilərək götürülüb.

Ümumi çəkisi 8,1 kiloqramdan artıq narkotik vasitə aşkar olunaraq götürülüb

26.01.2024

Polis əməkdaşlarının yanvarın 26-da respublika ərazisində keçirdikləri əməliyyat tədbirləri ilə ümumi çəkisi 8,1 kiloqramdan artıq narkotik vasitə aşkar olunaraq götürülüb.   Qanunsuz dövriyyədən çıxarılan narkotik vasitələr – 5,6 kiloqramdan artıq marixuana, 1,4 kiloqramdan çox heroin, 1,1 kiloqrama yaxın metamfetamin, həmçinin 497 ədəd metadon və tramadol həbləri olub. Bu istiqamətdə qətiyyətli mübarizə tədbirləri davam etdirilir. 

Bir nəfərin bank kartından hesabındakı 600 manat pulunu oğurlamaqda şübhəli bilinən E.Ələkbərov və A.Əliyev saxlanılıblar

26.01.2024

Səbail RPİ-nin 41-ci Polis Bölməsinə bir nəfərin bank kartından hesabındakı 600 manat pulunun oğurlanması barədə məlumat daxil olub. Bakı Şəhər Baş Polis İdarəsi və 41-ci Polis Bölməsi əməkdaşlarının keçirdikləri tədbirlərlə oğurluq əməlində şübhəli bilinən Naftalan şəhər sakini E.Ələkbərov və Laçın rayon sakini A.Əliyev müəyyən olunaraq saxlanılıblar. Araşdırma aparılır.  

Binəqədi rayonunun Biləcəri qəsəbəsi ərazisində yerləşən avtoservislərin birində avtomobilin 2500 manat dəyərində mühərrikini oğurlamaqda şübhəli bilinən O.Quliyev saxlanılıb

26.01.2024

Binəqədi RPİ 6-cı Polis Bölməsi əməkdaşlarının daxil olan məlumat əsasında keçirdikləri tədbirlərlə Biləcəri qəsəbəsi ərazisində yerləşən avtoservislərin birində “Mercedes” markalı avtomobilin 2500 manat dəyərində mühərrikini oğurlamaqda şübhəli bilinən Gəncə şəhər sakini O.Quliyev müəyyən olunaraq saxlanılıb. Araşdırma aparılır.