Gəncə şəhər sakini A.Qarayevin idarə etdiyi avtomobilə baxış zamanı oradan 203 qram heroin aşkar edilərək götürülmüşdür

16.02.2022

Gəncə ŞBPİ əməkdaşlarının keçirdikləri əməliyyat tədbiri nəticəsində şəhər sakini A.Qarayevin idarə etdiyi “Opel” markalı avtomobilə baxış zamanı oradan 203 qram heroin aşkar edilərək götürülmüşdür.

Oğurluqda şübhəli bilinən Cəlilabad rayon sakini E.Kərimov saxlanılmışdır

16.02.2022

Biləsuvar RPŞ əməkdaşlarının keçirdikləri əməliyyat-axtarış tədbirləri nəticəsində ötən il iyunun 11-də rayon ərazisindəki mağazaların birinədən 6000 manat dəyərində ərzaq məhsulları və tütün məmulatı oğurlamaqda şübhəli bilinən Cəlilabad rayon sakini, əvvəllər məhkum olunmuş E.Kərimov saxlanılmışdır.

İşğaldan azad olunmuş ərazilərdən silah-sursat tapılmışdır

16.02.2022

Xocavənd RPŞ-nin əməkdaşları tərəfindən işğaldan azad olunmuş ərazidən 1 ədəd “9M 111M” markalı idarəedilən raket, 1 ədəd alışdırıcı, 99 ədəd mərmi, 1 ədəd “PK” markalı (yararsız), 1 ədəd “RPK” markalı pulemyot, 1 ədəd “AK-74” markalı avtomat silahı və 6290 ədəd müxtəlif çaplı patron tapılmışdır.

Ağsu şəhər sakini M.Qəhrəmanovdan ümumilikdə 125 qramdan artıq marixuana və 43 qram artıq tiryək və nömrəsi silinmiş “AKM” markalı avtomat silahı aşkar edilərək götürülmüşdür

16.02.2022

Ağsu RPŞ əməkdaşlarının keçirdikləri əməliyyat tədbiri nəticəsində şəhər sakini, əvvəllər məhkum olunmuş M.Qəhrəmanov saxlanılmışdır. Şəxsi axtarış zamanı ondan 12 qramdan artıq marixuana və 13 qramdan artıq tiryək aşkar edilmişdir.Davam etdirilən tədbirlərlə onun yaşadığı evdən əlavə 123 qramdan artıq marixuana, 30 qrama yaxın tiryək və nömrəsi silinmiş “AKM” markalı avtomat silahı aşkar edilərək götürülmüşdür.

Baş Mütəşəkkil Cinayətkarlıqla Mübarizə İdarəsinin əməkdaşları Astara və Lerik meşələrində ağacları kütləvi şəkildə kəsən dəstə üzvlərinə qarşı əməliyyat keçirib

16.02.2022

Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşları Ekologiya və Təbii Sərvətlər Nazirliyi Meşələrin İnkişafı Xidmətinin mütəxəssislərinin iştirakı ilə ölkə ərazisində meşə massivlərində ağacların qanunsuz olaraq kəsilməsi və emal edilməsi ilə məşğul olan daha bir mütəşəkkil dəstənin üzvlərinin saxlanılması istiqamətində əməliyyat keçirib. Belə ki, Baş İdarəyə Astara və Lerik rayonları ərazisində qiymətli ağac növlərinin qanunsuz olaraq kütləvi şəkildə kəsilməsi barədə əməliyyat məlumatları daxil olub. Həmin məlumatlar Baş İdarədə nəzarətə götürülməklə hərtərəfli araşdırılıb və qeyd edilən ərazilərdə palıd və fıstıq ağaclarının kəsildiyi müəyyən edilib.Həyata keçirilən əməliyyat-axtarış tədbirləri nəticəsində həmin ağacların Astara rayon sakinləri Sərdar Gənciyev və Sərhad Eynullayevin başçılıq etdiyi mütəşəkkil dəstə üzvləri tərəfindən kəsildiyi məlum olub. Baş İdarənin əməkdaşları tərəfindən həyata keçirilən əməliyat nəticəsində adları çəkilən şəxslər və onlara ağacların kəsilməsində yaxından köməklik edən dəstənin digər üzvləri Fərman Fərziyev, Aiəddin Novruzov, Nurlan Cövziyev, qohumu Surxay Cövziyev, Rahid Gənciyev və Nail Zəbiyevin saxlanılması təmin edilib. Dəstə üzvlərinin qanunsuz əməlləri, onların ağacları kəsməsi və satması təkzibedilməz faktlarla sübuta yetirilib. Araşdırmalar zamanı məlum olub ki, saxlanılan şəxslər ağacları kəsərək dəstə üzvü Fərman Fərziyevin həyətində emal edəndən sonra satışını həyata keçiriblər. Dəstə üzvlərinin qanunsuz olaraq ağac emalı sexlərinə satdıqları çoxlu sayda ağacın və onların oduncaqlarının yeri də müəyyən edilib. Ekspertlərin verdiyi rəyə əsasən dəstə üzvləri tərəfindən yaş halda kəsilən ağaclardan bəzilərinin yaşının 100-150 il olduğu məlum olub.Qeyd olunan faktla bağlı Baş İdarənində Cinayət Məcəlləsinin müvafiq maddələri ilə cinayət işi başlanılıb. Hazırda qeyd edilən faktların tam, hərtərəfli araşdırılması, eləcə də ağacların kəsilməsində iştirak edən dəstənin digər üzvlərinin saxlanılması istiqamətində zəruri əməliyyat-istintaq tədbirləri davam etdirilir.

Gün ərzində törədilmiş 53 cinayətin üstü “isti izlər”lə açılmışdır

15.02.2022

Respublikanın daxili işlər orqanları tərəfindən gün ərzində törədilmiş 53 cinayətin üstü “isti izlər”lə açılmışdır.

Qanunsuz saxlanılan silah-sursatla bağlı əməliyyat tədbirləri davam etdirilir

15.02.2022

Polis əməkdaşlarının keçiridikləri əməliyyat tədbirləri nəticəsində fevralın 15-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 5 ədəd ov tüfəngi götürülüb. Aparılan profilaktiki tədbirlər nəticəsində qanunsuz saxlanılan 2 silah könüllü olaraq polisə təhvil verilib.Faktlar üzrə polis şöbələrində müvafiq araşdırmalar aparılır.

Koronavirus xəstələri ictimai yerlərdə aşkar edilərək saxlanılıb

15.02.2022

Fevralın 15-də polis əməkdaşları tərəfindən respublika ərazisində 15 nəfər aktiv koronavirus xəstəsi ictimai yerlərdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.

Bakı şəhərində və respublika ərazisində 105 toy şənliyinin monitorinqi həyata keçirilib

15.02.2022

Fevralın 15-də Daxili İşlər Nazirliyinin, Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri Bakı şəhərində və respublika ərazisində 105 toy şənliyinin monitorinqini həyata keçirib.   Monitorinq şadlıq saraylarında keçirilən şənlikləri əhatə edib.Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə:- 29 nəfər “COVID-19” pasportu olmadığına görə şənliyə buraxılmayıb.  

Bakı şəhər sakini B.Zeynalova qarşı quldurluq əməlini törətməkdə şübhəli bilinən şəxslər saxlanılmışlar

15.02.2022

Nəsimi RPİ-nin 21-ci Polis Bölməsinə fevralın 15-də Bakı şəhər sakini, Cinayət Məcəlləsinin 128-ci (Qəsdən sağlamlığa yüngül zərər vurma) və 234-cü (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddələri ilə məhkum edilmiş B.Zeynalovun 2 nəfər tərəfindən döyülməsi və Ədliyyə Nazirliyi tərəfindən ayağına taxılmış bilərziyin alınaraq qaytarması müqabilində pul tələb edilməsi barədə məlumat daxil olmuşdur. Polis əməkdaşlarının keçirdikləri əməliyyat tədbirləri nəticəsində quldurluq əməlini törətməkdə şübhəli bilinən Şamaxı rayon sakinləri İ.Qaçayev və əvvəllər də soyğunçuluq və quldurluğa görə məhkum olunmuş S.Məmmədov müəyyən edilərək saxlanılmışlar.Nəsimi Rayon Polis İdarəsində araşdırma aparılır.