Mağazalardan birinin kassasından 55000 manat pul oğurlamaqda şübhəli bilinən kassir işləyən Neftçala rayon sakini M.Əhmədova saxlanılmışdır

25.01.2022

Binəqədi RPİ-nin 4-cü Polis Şöbəsinə yanvarın 23-də Azadlıq prospektində yerləşən mağazalardan birinin kassasından 55000 manat pulun oğurlanması barədə məlumat daxil olmuşdur.   Polis əməkdaşlarının keçirdikləri əməliyyat tədbirləri nəticəsində oğurluq əməlini törətməkdə şübhəli bilinən həmin mağazada kassir işləyən Neftçala rayon sakini M.Əhmədova saxlanılmışdır.Araşdırma aparılır. 

Oğurluq etməkdə şübhəli bilinən Bakı şəhər sakini R.Novruzov müəyyən edilərək saxlanılmışdır

25.01.2022

Səbail RPİ-nin 9-cu Polis Bölməsinə yanvarın 22-də Bakı şəhər sakini M.Seyidova məxsus içərisində 2500 manat dəyərində 2 ədəd mobil telefon və Oğuz rayon sakini R.Səmədova məxsus içərisində 600 manat dəyərində adapter, yaddaş kartı və poverbank olan çantaların oğurlanması barədə məlumat daxil olmuşdur. Polis əməkdaşlarının keçirdikləri əməliyyat tədbirləri nəticəsində oğurluq əməlini törətməkdə şübhəli bilinən Bakı şəhər sakini R.Novruzov müəyyən edilərək saxlanılmışdır. Araşdırma aparılır. 

Oğurluq etməkdə şübhəli bilinən Tovuz rayon sakini K.Quliyev müəyyən edilərək saxlanılmışdır

25.01.2022

Nərimanov RPİ-nin 16-cı Polis Bölməsinə rayon ərazisindəki 2 klinikada Bakı şəhər sakinləri olan iki qadının çantasından ümumilikdə 970 manat pul, qızıl-zinət əşyaları, bank kartları və sənəd olan pulqabılarının oğurlanması barədə məlumatlar daxil olmuşdur. Polis əməkdaşlarının keçirdikləri əməliyyat tədbirləri nəticəsində oğurluq əməllərini törətməkdə şübhəli bilinən Tovuz rayon sakini, əvvəllər də oğurluğa görə məhkum olunmuş K.Quliyev müəyyən edilərək saxlanılmışdır.Araşdırma aparılır.

Apteklərin birində kassadan 1300 manat pul oğurlamaqda şübhəli bilinən Yevlax rayon sakinləri N.İsmayılov və N.Mustafayeva müəyyən edilərək saxlanılmışlar

25.01.2022

Nizami RPİ 25-ci Polis Şöbəsi əməkdaşlarının keçirdikləri əməliyyat tədbirləri nəticəsində rayon ərazisindəki apteklərin birində kassadan 1300 manat pul oğurlamaqda şübhəli bilinən Yevlax rayon sakinləri N.İsmayılov və N.Mustafayeva müəyyən edilərək saxlanılmışlar. Araşdırmalarla N.İsmayılovun Cinayət Məcəlləsinin 177-ci (oğurluq) maddəsi ilə axtarışda olması da müəyyən edilmişdir. 

Oğurluq etməkdə şübhəli bilinən Bakı şəhər sakini T.Almyaşev müəyyən edilərək saxlanılmışdır

25.01.2022

Yasamal RPİ-nin 29-cu Polis Şöbəsinə rayon ərazisindəki orta məktəblərdən birinin sinif otağından 2 ədəd noutbuk və printerin oğurlanması barədə məlumat daxil olmuşdur.Polis əməkdaşlarının keçirdikləri əməliyyat tədbirləri nəticəsində oğurluq əməlini törətməkdə şübhəli bilinən Bakı şəhər sakini, əvvəllər məhkum olunmuş T.Almyaşev müəyyən edilərək saxlanılmışdır. Araşdırma aparılır. 

Oğurluq etməkdə şübhəli bilinən Bakı şəhər sakini Ə.Umayev müəyyən edilərək saxlanılmışdır

25.01.2022

Suraxanı RPİ-nin 30-cu Polis Şöbəsinə Hövsan qəsəbəsi ərazisində xətt avtobusunda qəsəbə sakini olan bir qadının içərisində pulu, mobil telefonu və sənədləri olan çantasının oğurlanması barədə məlumat daxil olmuşdur.  Polis əməkdaşlarının keçirdikləri əməliyyat tədbirləri nəticəsində oğurluq əməlini törətməkdə şübhəli bilinən Bakı şəhər sakini, əvvəllər məhkum olunmuş Ə.Umayev müəyyən edilərək saxlanılmışdır. Şəxsi axtarış zamanı ondan 312 qramdan artıq tiryək də aşkar edilərək götürülmüşdür.

Ağdaş rayon sakini F.Əfəndizadə saxlanılmışdır

25.01.2022

Xətai RPİ-nin 35-ci Polis Bölməsinə yanvarın 24-də rayon ərazisində yaşayan F.Hüseynovun evinə  gəlmiş şəxsin xuliqanlıq zəminində onu silahla hədələyərək döyməsi barədə məlumat daxil olmuşdur. Dərhal polis əməkdaşları tərəfindən müvafiq tədbirlər həyata keçirilmişdir. Əməliyyat-axtarış tədbirləri nəticəsində bu əməli törətməkdə və videogörüntüsünü sosial şəbəkədə yaymaqda şübhəli bilinən Ağdaş rayon sakini F.Əfəndizadə qısa müddətdə müəyyən edilərək saxlanılmışdır. Ondan hadisəni törədərkən istifadə etdiyi oyuncaq tapança da götürülmüşdür.Araşdırma aparılır. 

12 evdən su sayğaclarını oğurlamaqda şübhəli bilinən Sumqayıt şəhər sakini S.İbrahimov saxlanılmışdır

25.01.2022

Sumqayıt ŞPİ-nin 3-cü Polis Bölməsi əməkdaşlarının daxil olmuş məlumatlar əsasında keçirdikləri əməliyyat tədbirləri nəticəsində ayrı-ayrı vaxtlarda şəhər ərazisindəki 12 evdən su sayğaclarını oğurlamaqda şübhəli bilinən Sumqayıt şəhər sakini, əvvəllər məhkum olunmuş S.İbrahimov saxlanılmışdır. Araşdırma aparılır.

Masazır qəsəbə sakini K.Səfərliyə tüfəngdən açdığı atəşlə xəsarət yetirməkdə şübhəli bilinən dayısı Beyləqan rayon sakini B.Mürsəlov saxlanılmışdır

25.01.2022

Abşeron Rayon Polis İdarəsinə yanvarın 24-də Masazır qəsəbəsi ərazisində qəsəbə sakini K.Səfərlinin tüfəngdən açılmış atəş nəticəsində kürək nahiyəsindən xəsarət alması barədə məlumat daxil olmuşdur. Dərhal polis əməkdaşları tərəfindən müvafiq tədbirlər həyata keçirilmişdir. Xuliqanlıq zəminində tüfəngdən açdığı atəşlə K.Səfərliyə xəsarət yetirməkdə şübhəli bilinən dayısı, Beyləqan rayon sakini B.Mürsəlov saxlanılmışdır. Ondan hadisəni törədərkən istifadə etdiyi “İJ-43” markalı ov tüfəngi götürülmüşdür.Faktla əlaqədar Cinayət Məcəlləsinin 221.3-cü (Xuliqanlıq - silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) maddəsi ilə cinayət işi başlanmışdır.

Oğurluqda şübhəli bilinən Lənkəran rayonunun Səpnəkəran kənd sakini T.Hüseynov saxlanılmışdır

25.01.2022

Lənkəran ŞRPŞ əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən 3750 manat pul və 1100 manat dəyərində qızıl-zinət əşyaları oğurlamaqda şübhəli bilinən Səpnəkəran kənd sakini T.Hüseynov saxlanılmışdır.