Nərimanov rayonu ərazisində yerləşən restoranların birində əcnəbi vətəndaşın cüzdanını oğurlamaqda şübhəli bilinən Saatlı rayon sakini E.Novruzov saxlanılıb

28.01.2023

Nərimanov rayonu ərazisində yerləşən restoranların birində əcnəbi vətəndaşın  içərisində 160 manat, 500 türk lirəsi, 950 ABŞ dolları, 55 avro və bank kartları olan cüzdanının oğurlanması barədə polisə məlumat daxil olub. Nərimanov RPİ 18-ci Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Saatlı rayon sakini E.Novruzov müəyyən olunaraq saxlanılıb. Araşdırma aparılır.

Şamaxı şəhəri ərazisindən “KİA” markalı avtomobili qaçırmaqda şübhəli bilinən şəhər sakini M.Babayev saxlanılıb

28.01.2023

Yanvarın 28-nə keçən gecə Şamaxı şəhəri ərazisindən N.Əzizova məxsus “KİA” markalı avtomobilin qaçırılması barədə polisə məlumat daxil olub. Şamaxı Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində avtomobil həmin gün şəhər ərazisində tapılıb. Nəqliyyat vasitəsini qaçırmaqda şübhəli bilinən şəhər sakini M.Babayev müəyyən olunaraq saxlanılıb. Araşdırma aparılır. 

Bakı şəhər sakinləri H.Hüseynovdan və idarə etdiyi avtomobildən heroin, sərnişini N.Sadıqovdan isə heroin və metamfetamin götürülüb

28.01.2023

Səbail RPİ 39-cu Polis Bölməsi əməkdaşlarının əldə edilən məlumat əsasında keçirdikləri əməliyyat tədbiri nəticəsində Bakı şəhər sakinləri H.Hüseynovdan və idarə etdiyi “Hyundai” markalı avtomobildən 280 qramdan artıq heroin,  sərnişini N.Sadıqovdan isə heroin və metamfetamin aşkar olunaraq götürülüb. Araşdırma aparılır.

Şəmkir rayonunun Yuxarı Seyfəli kəndi ərazisində “VAZ-21015” markalı avtomobil aşıb

28.01.2023

Yanvarın 29-da saat 2 radələrində Şəmkir rayonunun Yuxarı Seyfəli kəndi ərazisində kənd sakini B.Məmmədov idarə etdiyi “VAZ-21015” markalı avtomobili aşırıb və nəticədə hadisə yerində ölüb.Şəmkir Rayon Polis Şöbəsində araşdırma aparılır.

Narkotiklərin satışı ilə məşğul olan 10 nəfərdən ibarət dəstənin üzvləri saxlanılıblar

28.01.2023

Polis əməkdaşları tərəfindən həyata keçirilən əməliyyatlar nəticəsində ölkə ərazisində narkotik vasitələrin satışını təşkil edən İran vətəndaşının rəhbərlik etdiyi mütəşəkkil cinayətkar dəstənin üzvləri saxlanılıblar. Qanunsuz dövriyyədən 11 kiloqrama yaxın müxtəlif növdən olan narkotik vasitə və psixotrop maddə metamfetamin çıxarılıb.   Belə ki, Daxili İşlər Nazirliyi Baş Mütəşəkkil Cinayətkarlqla Mübarizə İdarəsinin əldə etdiyi əməliyyat məlumatı əsasında baş tutan tədbir zamanı paytaxt ərazisində müvəqqəti yaşayan qeyd edilən ölkənin vətəndaşı Omid Karimi və onunla birlikdə narkotik vasitələrin satışı ilə məşğul olan Asif Beliyev tutulublar. Bu şəxslərin üzərindən və yaşadıqları evdən 2 kiloqrama yaxın tiryək, marixuana və elektron tərəzi aşkar edilib. Əməliyyat tədbirlərinin davamı olaraq paytaxt ərazisində narkotik vasitələrin qanunsuz dövriyyəsini təşkil edən dəstənin digər üzvləri Rufan Azəri, Mikayıl Rzayev, İlqar Yunusov, Nahid Abbasov, Xəqani Əzizli, Şəmistan Teymurov, Yunus Muxtarov və Məhəmməd Həsənov tutulublar. Bu şəxslərdən, onların avtomobillərində və yaşayış ünvanlarından isə ümumilikdə 9 kiloqrama yaxın heroin, metamfetamin, tiryək, psixotrop tərkibli dərmanlar və digər maddi sübutlar aşkar edilib. Qeyd olunan faktlarla əlaqədar Cinayət Məcəlləsinin müvafiq maddələri ilə cinayət işləri başlanılıb. Adları sadalanan şəxslər barəsində həbs qətimkan tədbirləri seçilib. Bu şəxslərin daxil olduqları narkoşəbəkənin digər üzvlərinin saxlanılması istiqamətində əməliyyat tədbirləri davam etdirilir.

Gün ərzində ölkə ərazisində qeydə alınan 50 cinayətin açılması təmin olunub

27.01.2023

Yanvarın 27-də ölkə ərazisində qeydə alınan 50, əvvəlki dövrlərdən bağlı qalan 2 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 10,2 kiloqramdan artıq narkotik vasitə aşkar olunaraq götürülüb

27.01.2023

Polis əməkdaşlarının yanvarın 27-də respublika ərazisində keçirdikləri əməliyyat tədbirləri nəticəsində ümumi çəkisi 10,2 kiloqramdan artıq narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 6,6 kiloqrama yaxın heroin, 3,6 kiloqramdan çox marixuana olub.Bu istiqamətdə qətiyyətli mübarizə tədbirləri davam etdirilir.

Qanunsuz saxlanılan silah-sursatla bağlı tədbirlər davam etdirilir

27.01.2023

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində yanvarın 27-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 12 ədəd ov tüfəngi götürülüb.  Faktlar üzrə polis şöbələrində müvafiq araşdırmalar aparılır. 

Sumqayıt şəhəri ərazisində marşrut avtobusunda bir qadının çantasından cüzdanını oğurlamaqda şübhəli bilinən şəhər sakini R.Hümbətov saxlanılıb

27.01.2023

Sumqayıt ŞPİ 1-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində şəhər ərazisində marşrut avtobusunda bir qadının çantasından içərisində pul və bank kartları olan cüzdanını oğurlamaqda şübhəli bilinən Sumqayıt şəhər sakini, əvvəllər narkotiklərlə əlaqəli cinayətə görə məhkum olunmuş R.Hümbətov saxlanılıb. Araşdırmalarla onun əvvəllər dəfələrlə məhkum olunmuş həmyerlisi ilə birgə Nərimanov rayonu ərazisində digər bir qadının çantasından içərisində pul, sənəd və bank kartı olan cüzdanını, hesabından isə 312 manatını çıxararaq oğurlaması da müəyyən olunub. Araşdırma aparılır. 

Sumqayıt şəhərinin İnşaatçılar qəsəbəsində yerləşən idarələrdən birinin anbarından 2158 manat dəyərində elektrik naqilini oğurlamaqda şübhəli bilinən R.Adıgözəlov və Z.Zeynalov saxlanılıblar

27.01.2023

Sumqayıt şəhərinin İnşaatçılar qəsəbəsində yerləşən idarələrdən birinin anbarından 2158 manat dəyərində elektrik naqilinin qeyri-aşkar şəraitdə oğurlanması barədə polisə məlumat daxil olub.Sumqayıt ŞPİ 4-cü Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən şəhər sakinləri R.Adıgözəlov və əvvəllər məhkum olunmuş Z.Zeynalov müəyyən olunaraq saxlanılıblar. Araşdırma aparılır.