Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
2600 manat pul oğurlamaqda şübhəli bilinən Quba rayon sakini Ş.Qasımov saxlanılıb
27.12.2022
Quba Rayon Polis Şöbəsi əməkdaşlarının keçirdikləri əməliyyat tədbiri nəticəsində şəhər ərazisindəki marketlərin birindən 2600 manat pul oğurlamaqda şübhəli bilinən rayon sakini Ş.Qasımov saxlanılıb. Araşdırma aparılır.
Salyan şəhər sakini K.Hənifəyevdən qanunsuz saxladığı ov tüfəngi götürülüb
Salyan Rayon Polis Şöbəsi əməkdaşlarının keçirdikləri əməliyyat tədbiri nəticəsində şəhər sakini K.Hənifəyevdən qanunsuz saxladığı “İJ-16” markalı ov tüfəngi götürülüb.Araşdırma aparılır.
Qanunsuz ov edən Kürdəmir rayon sakinləri O.Rəhimov, B.Cabbarov və N.Qənbərov saxlanılıblar
Ağsu Rayon Polis Şöbəsinin əməkdaşları tərəfindən Cəlayır kəndi ərazisində qanunsuz ov edən Kürdəmir rayon sakinləri O.Rəhimov, B.Cabbarov və N.Qənbərov saxlanılıblar. Onlardan qanunsuz saxladıqları 1 ədəd “İJ” markalı ov tüfəngi götürülüb.
Mingəçevir şəhər sakini M.Mustafayevin idarə etdiyi avtomobilə baxış zamanı oradan qanunsuz saxladığı ov tüfəngi aşkar olunaraq götürülüb
Füzuli Rayon Polis Şöbəsi əməkdaşlarının keçirdikləri əməliyyat tədbiri nəticəsində Mingəçevir şəhər sakini M.Mustafayevin idarə etdiyi “Mitsubishi” markalı avtomobilə baxış zamanı oradan qanunsuz saxladığı “TOZ-34” markalı ov tüfəngi aşkar olunaraq götürülüb.
Salyan rayonunun Şorsulu kəndi ərazisində yol-nəqliyyat hadisəsi
Dekabrın 27-də saat 17 radələrində Salyan rayonunun Şorsulu kəndi ərazisində Masallı rayon sakini M.Ağayev idarə etdiyi “Opel” markalı avtomobillə yolun kənarında dayanmış Lerik rayon sakini H.İmaşovu və ona məxsus “Ford Transit” markalı avtomobili vurub. Nəticədə H.İmaşov hadisə yerində ölüb, M.Ağayev isə xəstəxanaya yerləşdirilib.Baş İstintaq və Təhqiqat İdarəsi tərəfindən araşdırma aparılır.
Gün ərzində ölkə ərazisində qeydə alınan 30 cinayətin açılması təmin olunub
26.12.2022
Dekabrın 26-da ölkə ərazisində qeydə alınan 30, əvvəlki dövrlərdən bağlı qalan 5 cinayətin açılması daxili işlər orqanlarının əməkdaşları tərəfindən təmin olunub.
Nəsimi rayonu ərazisində bir qadına qarşı soyğunçuluq etməkdə şübhəli bilinən Ağcabədi rayon sakini E.Hüseynov saxlanılıb
Nəsimi rayonu ərazisində bir qadının içərisində sənədləri və bank kartları olan çantasının soyğunçuluq yolu ilə talanması barədə polisə məlumat daxil olub. Nəsimi RPİ 19-cu Polis Şöbəsi əməkdaşlarının keçirdikləri əməliyyat tədbiri nəticəsində soyğunçuluq əməlində şübhəli bilinən Ağcabədi rayon sakini E.Hüseynov müəyyən olunaraq saxlanılıb. Araşdırmalarla onun rayon ərazisində quldurluq və soyğunçuluq yolu ilə daha iki nəfərin mobil telefonunu və cüzdanını talaması, bir çay evindən və uşaq bağçasından televizor, tikiş maşını, “VAZ-2104” markalı bir avtomobildən isə pul, maqnitofon və sənədlər oğurlaması da müəyyən olunub.Araşdırma aparılır.
Nizami rayonu ərazisində yerləşən bazarda 3 nəfərin mobil telefonunu və cüzdanını oğurlamaqda şübhəli bilinən Sumqayıt şəhər sakini M.Məmmədov saxlanılıb
Nizami RPİ 24-cü Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisində yerləşən bazarda müxtəlif vaxtlarda 3 nəfərin mobil telefonunu və içərisində pul, sənəd, bank kartları olan cüzdanını oğurlamaqda şübhəli bilinən Sumqayıt şəhər sakini, əvvəllər oğurluq və narkotiklərlə əlaqəli cinayətlərə görə məhkum olunmuş M.Məmmədov saxlanılıb. Şəxsi axtarış zamanı ondan metamfetamin aşkar olunaraq götürülüb.Araşdırma aparılır.
Balakən rayonunun Qazma və Katex kəndləri ərazilərində qanunsuz ağac kəsmə faktları üzrə cinayət işi başlanılıb
Balakən rayonunun Qazma və Katex kəndləri ərazilərində qovaq, qızılağac və yalanqoz ağaclarının kəsilməsi barədə polisə məlumatlar daxil olub. Balakən Rayon Polis Şöbəsinin əməkdaşları tərəfindən aparılan araşdırmalarla Qazma kənd sakini K.Xəlilovun kənd ərazisində 4 ədəd qovaq ağacını, Katex kənd sakini M.Musayevin isə kənd ərazisində 12 ədəd qovaq, qızılağac və yalanqoz ağaclarını kəsməklə təbiətə ümumilikdə 15.680 manat məbləğində ziyan vurmaları müəyyən olunub. Hər iki faktla bağlı Cinayət Məcəlləsinin 259-cu (Qanunsuz ağac kəsmə) maddəsi ilə cinayət işi başlanılıb. Araşdırma aparılır.
Binəqədi rayonu ərazisində “Ravon” markalı bir avtomobildən oğurluq etməkdə şübhəli bilinən Bakı şəhər sakini S.Əhmədov saxlanılıb
Binəqədi RPİ 5-ci Polis Bölməsi əməkdaşlarının keçirdikləri əməliyyat tədbiri nəticəsində rayon ərazisində “Ravon” markalı bir avtomobildən mobil telefon, iki nəfərin isə mobil telefonlarını, içərisində pul və qızıl üzük olan cüzdanını oğurlamaqda şübhəli bilinən Bakı şəhər sakini, əvvəllər məhkum olunmuş S.Əhmədov saxlanılıb. Araşdırma aparılır.
