Kürdəmir rayon sakini Mirzəkişi Baxşıyev DİN rəhbərliyinə ünvanladığı təşəkkür məktubunda vətəndaş müraciətlərinə və onların qayğılarına həssaslıqla yanaşılmasına görə Rayon Polis Şöbəsinin rəhbərliyindən razılığını ifadə edir.

Sabirabad rayonunun Nərimankənd kənd sakini Məlahət Usubova təşəkkür məktubunda polisə etdiyi müraciətin peşəkarlıqla araşdırılaraq cinayətkarın məsuliyyətə cəlb olunmasında göstərdikləri xidmətə görə DİN rəhbərliyinə minnətdarlığını bildirir.

Vətəndaş Cəlal Əhmədov DİN rəhbərliyinə ünvanladığı təşəkkür məktubunda evindən oğurluq edən şəxslərin müəyyən olunaraq məsuliyyətə cəlb olunmalarına və ona dəymiş maddi ziyanın ödənilməsində göstərilən köməkliyə görə DİN və Kürdəmir RPŞ-nin rəhbərliklərinə öz minnətdarlığını bildirir.

Bakı şəhər sakini Aygün Əmiraslanova DİN-ə ünvanlandığı məktubunda Suraxanı RİH-də olarkən vəziyyətinin kəskin pisləşdiyini bildirir. Qadın bu zaman orada xidmət aparan polis əməkdaşının ona yardım etdiyini qeyd edərək həmin əməkdaşa minnətdarlığını ifadə edir.

Yardımlı rayonunun Gügəvar kənd sakini Cavid Camallı DİN rəhbərliyinə ünvanladığı təşəkkür məktubunda itirdiyi içərisində pul, bank kartı və sənədlərin olduğu pulqabısının tapılaraq ona qaytarılmasına görə Lənkəran ŞRPŞ-nin PPXB-nin polis nəfəri Hökməli Mirzəzadəyə minnətdarlığını bildirir.

Lənkəran rayonunun Sinovli kənd sakini Şahin İsmayılzadə DİN rəhbərliyinə ünvanladığı təşəkkür məktubunda 4 baş inəyinin oğurlanması faktının araşdırılmasına və ona dəyən maddi ziyanın tam şəkildə ödənilməsinə görə Lənkəran ŞRPŞ-nin rəhbərliyinə minnətdarlığını bildirir.

Astara rayonunun Kijəbə qəsəbəsi sakini Rasif Əliyev DİN rəhbərliyinə ünvanladığı təşəkkür məktubunda etdiyi müraciətə həssaslıqla yanaşılmasına və ona köməklik göstərilməsinə görə Astara RPŞ-nin rəhbərliyinə minnətdarlığını bildirir.

Bakı şəhər sakini Ülviyyə Əliyeva DİN-ə ünvanladığı məktubunda üzləşdiyi dələduzluq faktı ilə bağlı etdiyi müraciətə qısa zamanda baxılaraq operativ həllində və ona dəymiş maddi ziyanın tam ödətdirilməsində göstərilən köməkliyə görə DİN rəhbərliyinə, Binəqədi RPİ-nin 6-cı Polis Bölməsinin və İstintaq Şöbəsinin əməkdaşlarına təşəkkürünü bildiriri.

Bakı şəhər sakini Oruc Süleymanov avtomobilinin texniki baxışdan şəffaf şəkildə keçirilməsində yaradılan hərtərəfli şəraitə görə DİN rəhbərliyinə təşəkkürünü bildirir.