Sumqayıt şəhər sakini T.Mehdiyevdən heroin aşkar olunaraq götürülüb

07.01.2023

Sumqayıt ŞPİ 1-ci Polis Bölməsi əməkdaşlarının keçirdikləri əməliyyat tədbiri nəticəsində şəhər sakini, əvvəllər məhkum olunmuş T.Mehdiyev saxlanılıb. Şəxsi axtarış zamanı ondan heroin aşkar olunaraq götürülüb. Araşdırmalarla onun yanvarın 3-də H.Z.Tağıyev qəsəbəsi ərazisində sərnişin qismində olduğu “Opel” markalı avtomobilin sürücüsünü bıçaqla hədələyib quldurluq yolu ilə pulunu alması da müəyyən olunub. 

Soyğunçuluq yolu ilə talamaqda şübhəli bilinən Ş.Bayramov saxlanılıb

07.01.2023

Ağdam Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon sakini G.Abışovanın pulunu və mobil telefonunu soyğunçuluq yolu ilə talamaqda şübhəli bilinən əvvəllər məhkum olunmuş Ş.Bayramov saxlanılıb. Faktla bağlı cinayət işi başlanılıb.

Fermadan 32 baş qoyunun oğurlamaqda şübhəli bilinən Masallı rayon sakinləri İ.Əhmədli və V.Şahmarov saxlanılıblar

07.01.2023

Yanvarın 4-də Masallı rayonunun Bədəlan kəndi ərazisində kənd sakini G.Əliyevə məxsus fermadan 32 baş qoyunun oğurlanması barədə polisə məlumat daxil olub. Masallı Rayon Polis Şöbəsi  əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən rayon sakinləri İ.Əhmədli və V.Şahmarov saxlanılıblar. Araşdırma aparılır.    

Gədəbəy rayonunun Arabaçı kənd sakini Ə.Əmiraslanovdan qanunsuz saxladığı ov tüfəngi götürülüb

07.01.2023

Gədəbəy Rayon Polis Şöbəsi əməkdaşlarının keçirdikləri əməliyyat tədbiri nəticəsində Arabaçı kənd sakini Ə.Əmiraslanovdan qanunsuz saxladığı “İJ-16” markalı ov tüfəngi götürülüb.

Ucar rayon sakini A.Əliyevə məxsus yardımçı təsərrüfata baxış zamanı oradan 1 kiloqram 580 qrama yaxın marixuana aşkar olunaraq götürülüb

07.01.2023

Ucar Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon sakini A.Əliyevə məxsus yardımçı təsərrüfata baxış zamanı oradan 1 kiloqram 580 qrama yaxın marixuana aşkar olunaraq götürülüb. Araşdırmalarla onun həmin marixuananı həyətyanı sahəsində kultivasiya yolu ilə yetişdirdiyi çətənə kollarından hazırlaması müəyyən olunub.   

Abşeron rayonunun Saray qəsəbəsi ərazisində yol-nəqliyyat hadisəsi

07.01.2023

Yanvarın 7-də saat 19 radələrində Abşeron rayonunun Saray qəsəbəsi ərazisində qəsəbə sakini Q.Qafarov idarə etdiyi “Mercedes” markalı avtomobillə yolu keçən həmyerlisi O.Axundzadəni vurub və nəticədə piyada hadisə yerində ölüb.Abşeron Rayon Polis İdarəsində araşdırma aparılır.

Vətəndaşlara qarşı dələduzluq edən “Zamin Əmlak Agentliyi”nin direktoru və əməkdaşları həbs edilib

07.01.2023

Onlar ümumilikdə 78 nəfərin 1.490.200 (bir milyon dörd yüz doxsan min iki yüz ) manat məbləğində pulunu alıb ələ keçirərək dələduzluq ediblər.Vətəndaşların etibarından sui-istifadə edərək dələduzluq yolu zərərçəkənlərə xüsusilə külli miqdarda  ziyan vuran qrup üzvləri Xətai Rayon Polis İdarəsinin əməkdaşları tərəfindən saxlanılıblar. Belə ki, Xətai rayonunda fəaliyyət göstərən “Zamin Əmlak Agentliyi”nin direktoru vəzifəsində çalışan Oqtay Zərbalıyev, həmin agentliyin satış menecerlərin Ramin Nağdəliyev, Orxan Əliyev və Natiq Şahmuradov ilə qabaqcadan əlbir olub cinayət əlaqəsinə girərək bir qrup şəxs halında agentliyə müraciət edən ümumilikdə 78 nəfərə şəxsi qarşı dələduzluq ediblər. Qrup üzvləri zərərçəkənlərə güzəştli şərtlərlə ipoteka vasitəsi ilə mənzil almaqda kömək edəcəkləri barədə yalan vədlər veriblər. Oqtay Zərbalıyev və qrupun digər üzvləri bu müddət ərzində 78 epizod üzrə zərərçəkən şəxslərdən ümumilikdə 1.490.200 (bir milyon dörd yüz doxsan min iki yüz ) manat məbləğində pul alıb ələ keçirərək dələduzluq ediblər. Faktlarla bağlı Xətai  Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə Cinayət İşi başlanılıb. Oqtay Zərbalıyev və qrupun digər üzvləri saxlanılaraq istintaqa təqdim ediliblər. Onlar barəsində məhkəmənin qərarı ilə həbs qətimkan tədbiri seçilib. Saxlanılanların digər şəxslərə qarşı da analoji cinayətlər törətməsi istisna edilmir. Onlarn qanunsuz əməllərindən zərərçəkən başqa vətəndaşlar varsa Daxili İşlər Nazirliyinə, Xətai Rayon Polis İdarəsinə, "102" Xidməti-Zəng Mərkəzinə, ərazi polis orqanlarına və ya Nazirliyin sosial şəbəkələrdəki rəsmi səhifələrinə müraciət edə bilərlər.

Gün ərzində ölkə ərazisində qeydə alınan 75 cinayətin açılması təmin olunub

06.01.2023

Yanvarın 6-da ölkə ərazisində qeydə alınan 75, əvvəlki dövrlərdən bağlı qalan 11 cinayətin açılması daxili işlər orqanlarının əməkdaşları tərəfindən təmin olunub.   

Kürdəmir rayonunun Mürtülü kəndində K.Qurbanovanı öldürməkdə şübhəli bilinən əri P.Qurbanov tutularaq istintaqa təhvil verilib

06.01.2023

Yanvarın 6-da saat 12 radələrində Kürdəmir Rayon Polis Şöbəsinə Mürtülü kəndində K.Qurbanovanın öldürülməsi barədə məlumat daxil olub.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla əri P.Qurbanovun evdə münaqişə zəminində bıçaqla xəsarət yetirərək K.Qurbanovanı qəsdən öldürməsinə əsaslı şübhələr müəyyən edilib. Polis əməkdaşlarının keçirdikləri əməliyyat tədbiri nəticəsində P.Qurbanov şübhəli şəxs qismində tutularaq istintaqa təhvil verilib. Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.

Babək rayonunun Nehrəm qəsəbə sakini T.Abdullayevi öldürməkdə şübhəli bilinən R.Süleymanov tutularaq istintaqa təhvil verilib

06.01.2023

Yanvarın 6-da saat 17 radələrində Naxçıvan Muxtar Respublikasının Babək rayonunun Nehrəm qəsəbəsi ərazisində qəsəbə sakini T.Abdullayevin öldürülməsi barədə polisə məlumat daxil olub.Polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla qəsəbə sakini R.Süleymanovun münaqişə zəminində T.Abdullayevə bıçaqla xəsarət yetirərək qəsdən öldürməsinə əsaslı şübhələr müəyyən edilib.Polis əməkdaşlarının keçirdikləri əməliyyat tədbiri nəticəsində R.Süleymanov şübhəli şəxs qismində tutularaq istintaqa təhvil verilib.  Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.