Gün ərzində ölkə ərazisində qeydə alınan 37 cinayətin açılması təmin olunub

02.04.2023

Aprelin 2-də ölkə ərazisində qeydə alınan 37, əvvəlki dövrlərdən bağlı qalan 8 cinayətin açılması daxili işlər orqanlarının əməkdaşları tərəfindən təmin olunub.   

Ümumi çəkisi 23 kiloqramdan artıq narkotik vasitə aşkar olunaraq götürülüb

02.04.2023

Polis əməkdaşlarının aprelin 1-də və 2-də respublika ərazisində keçirdikləri əməliyyat tədbirləri nəticəsində ümumi çəkisi 23 kiloqramdan artıq narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 2 kiloqramdan artıq heroin, 21 kiloqramdan çox marixuana və 103 ədəd yüksək təsiredici xassəyə malik həblər olub. Bu istiqamətdə qətiyyətli mübarizə tədbirləri davam etdirilir. 

Bank hesablarından oğurluqda şübhəli bilinən İmişli rayon sakini A.Quliyev müəyyən olunaraq saxlanılıb

02.04.2023

Martın 28-də və 30-da bir vətəndaşın 9845 manatının, digər vətəndaşın isə 9900 manatının bank hesablarından oğurlanması barədə polisə məlumatlar daxil olub. Nizami RPİ 24-cü Polis Şöbəsi əməkdaşlarının keçirdikləri əməliyyat tədbirləri nəticəsində bu əməlləri törətməkdə şübhəli bilinən İmişli rayon sakini, əvvəllər məhkum olunmuş A.Quliyev müəyyən olunaraq saxlanılıb. Araşdırma aparılır. 

Oğurluqda şübhəli bilinən Quba rayon sakini X.Lalayev müəyyən olunaraq saxlanılıb

02.04.2023

Yasamal RPİ 28-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisində yerləşən camaşırxanaların birində orada işləyən Abşeron rayon sakininin mobil telefonunu və içərisində 1100 manatı, bank kartları, sənədləri olan cüzdanını oğurlamaqda şübhəli bilinən Quba rayon sakini, əvvəllər məhkum olunmuş X.Lalayev müəyyən olunaraq saxlanılıb. Araşdırma aparılır. 

Oğurluqda şübhəli bilinən Sumqayıt şəhər sakini F.Abbasov saxlanılıb

02.04.2023

Sumqayıt ŞPİ 1-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində Sumqayıt şəhər sakini İ.Nəcəfovun içərisində sənədləri və açarları olan cüzdanını oğurlamaqda şübhəli bilinən şəhər sakini, əvvəllər məhkum olunmuş F.Abbasov saxlanılıb. Araşdırma aparılır. 

Şəki rayonunun Aşağı Göynük kənd sakini T.Həşimovun yaşadığı evə baxış zamanı oradan 475 qram marixuana aşkar olunaraq götürülüb

02.04.2023

Şəki Şəhər Rayon Polis Şöbəsi əməkdaşlarının keçirdikləri əməliyyat tədbiri nəticəsində T.Həşimovun yaşadığı Aşağı Göynük kəndindəki evə baxış zamanı oradan 475 qram marixuana aşkar olunaraq götürülüb. Araşdırma aparılır. 

Qəbələ rayonunun Yenikənd kəndi ərazisində yol-nəqliyyat hadisəsi

02.04.2023

Aprelin 2-də saat 15 radələrində Qəbələ rayonunun Yenikənd kəndi ərazisində rayon sakini Z.Göyüşov idarə etdiyi “VAZ-2106” markalı li avtomobili dərəyə aşırıb. Nəticədə sərnişini olan oğlu Yusif hadisə yerində ölüb, özünə isə xəstəxanada ilkin tibbi yardım göstərildikdən sonra buraxılıb.Qəbələ Rayon Polis Şöbəsində araşdırma aparılır.

Ağcabədi rayonunun Minəxorlu kəndi ərazisində yol-nəqliyyat hadisəsi

02.04.2023

Aprelin 2-də saat 21 radələrində Ağcabədi rayonunun Minəxorlu kəndi ərazisində F.İbrahimli idarə etdiyi “VAZ-2107” markalı avtomobili divara vurub. Nəticədə avtomobildəki sərnişin E.Məmmədov hadisə yerində, sürücü isə xəstəxanada ölüb.Ağcabədi Rayon Polis Şöbəsində araşdırma aparılır.

Nərimanov rayonu A.Nemətulla küçəsində yol-nəqliyyat hadisəsi

02.04.2023

Aprelin 2-də saat 21 radələrində Nərimanov rayonu A.Nemətulla küçəsində Bakı şəhər sakini E.Həsənli idarə etdiyi “Toyota” markalı avtomobillə yolu keçən həmyerlisi S.Rüstəmovu vurub. Nəticədə xəstəxanaya yerləşdirilən piyada orada ölüb.Nərimanov Rayon Polis İdarəsində araşdırma aparılır.

Bərdə rayon sakini K.Salahov yol-nəqliyyat hadisəsi zamanı aldığı xəsarətlərdən yerləşdirildiyi xəstəxanada ölmüşdür

02.04.2023

Aprelin 1-də saat 22 radələrində Qaradağ rayonunun Səngəçal qəsəbəsi ərazisində Bərdə rayon sakini K.Salahov idarə etdiyi “Mercedes” markalı avtomobili işıq dirəyinə vurub. Nəticədə xəsarətlə xəstəxanaya yerləşdirilən sürücü aprelin 2-də orada ölüb.Baş İstintaq və Təhqiqat İdarəsi tərəfindən araşdırma aparılır.