Nəsimi rayonunda silah və narkotiklərin satışı ilə məşğul olan şəxslər saxlanılıblar

22.04.2024

Nəsimi Rayon Polis İdarəsinin əməkdaşları tərəfindən daxil olmuş əməliyyat məlumatı əsasında həyata keçirilən tədbir zamanı Bakı şəhər sakini əvvəllər məhkum olunmuş 1965-ci il təvəllüdlü Rövşən Fətullayev saxlanılıb. Ondan “Kalaşnikov” markalı avtomat, patron darağı və 11 ədəd patron aşkar olunaraq götürülüb. R.Fətullayev silahı satmaq niyyəti ilə özündə saxladığını bildirib.  İdarə əməkdaşları tərəfindən keçirilən digər əməliyyatlar zamanı isə narkotiklərin satışı ilə məşğul olan 1998-ci il təvəllüdlü Qadir Hüseynov, 1967-ci il təvəllüdlü Nazim Əbilov və 1979-cü il təvəlüldlü Asif Yaqubəliyev saxlanılıblar. Onlardan ümumilikdə 4 kiloqram heroin, metamfetamin və marixuana aşkarlanıb. Faktlarla bağlı araşdırmalar davam etdirilir.

Yasamalda 4 kq narkotik vasitə ələ keçirilib

22.04.2024

Yasamal Rayon Polis İdarəsinin 26-cı Polis Bölməsinin əməkdaşlarının həyata keçirdiyi növbəti tədbir nəticəsində narkotiklərin qanunsuz dövriyyəsi ilə məşğul olan 1996-cı il təvəllüdlü Hüseyn Rzayev saxlanılıb. Həmin şəxsdən 4 kiloqrama yaxın satış məqsədilə tədarük etdiyi heroin, marixuana və tiryək ələ keçirilib. H.Rzayevin daxil olduğu narkoşəbəkənin digər üzvlərinin saxlanılması istiqamətində 26-cı PB-nın əməkdaşları tərəfindən tədbirlər davam etdirilir. Narkotiklərin qanunsuz dövriyyəsinə qarşı mübarizə qətiyyətlə davam etdirilir.

Gün ərzində ölkə ərazisində qeydə alınan 46 cinayətin açılması təmin olunub

21.04.2024

Aprelin 21-də ölkə ərazisində qeydə alınan 46 cinayətin açılması polis əməkdaşları tərəfindən təmin olunub.

Polis əməkdaşları paytaxt və respublikanın ayrı-ayrı rayonlarında 1 avtomat silahı və 2 tüfəng təhvil götürüblər

21.04.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir. Aprelin 20-də və 21-də polis əməkdaşları paytaxt və respublikanın ayrı-ayrı rayonlarında 1 avtomat silahı və 2 tüfəng təhvil götürüblər. 

Qanunsuz saxlanılan silah-sursat aşkar edilərək götürülüb

21.04.2024

Qanunsuz saxlanılan odlu silah-sursatın aşkar olunaraq götürülməsi istiqamətində tədbirlər davamlı olaraq həyata keçirilir. Aprelin 20-də və 21-də polis əməkdaşlarının keçirdikləri əməliyyat tədbirləri ilə qanunsuz saxlanılan 1 qumbara, 1 tapança, 1 tüfəng və 4 patron aşkar edilərək götürülüb.

Xankəndi şəhəri ərazisindən silah və sursatlar aşkar olunaraq götürülüb

21.04.2024

Polis əməkdaşlarının keçirdikləri tədbirlərlə aprelin 20-də və 21-də Xankəndi şəhəri ərazisindən 13 ədəd müxtəlif markalı avtomat silahı, 23 qumbara, 2 qumbaraatan, 11 alışdırıcı, 68 patron darağı, 2780 ədəd müxtəlif çaplı patron, 7 ədəd süngü-bıçaq və digər sursatlar aşkar olunaraq götürülüb.

Aprelin 20-də və 21-də ümumi çəkisi 4,8 kiloqramdan artıq narkotik vasitə aşkar olunaraq götürülüb

21.04.2024

Polis əməkdaşlarının keçirdikləri əməliyyat tədbirləri ilə aprelin 20-də və 21-də ümumi çəkisi 4,8 kiloqramdan artıq narkotik vasitə aşkar olunaraq götürülüb.  Bu istiqamətdə qətiyyətli mübarizə tədbirləri davam etdirilir. 

Binəqədi rayonunun M.Ə.Rəsulzadə qəsəbəsində evlərin birindən oğurluğa cəhd göstərməkdə şübhəli bilinən bir qrup şəxs saxlanılıb

21.04.2024

Binəqədi RPİ 4-cü Polis Şöbəsi əməkdaşlarının keçirdikləri tədbirlərlə aprelin 17-də M.Ə.Rəsulzadə qəsəbəsində evlərin birindən oğurluğa cəhd göstərməkdə şübhəli bilinən Q.Muradov, A.Alıyev, Ş.Kubayev, B.Abdullayev və N.Alıyev saxlanılıblar.A.Alıyevdən heroin, Ş.Qubayev, B.Abdullayev və N.Alıyevdən isə metamfetamin aşkar olunaraq götürülüb.  Araşdırma aparılır.

Sabunçu rayonunun Bakıxanov qəsəbəsi ərazisində avtomobildən pulqabı oğurlamaqda şübhəli bilinən C.Əlizadə saxlanılıb

21.04.2024

Sabunçu RPİ 13-cü Polis Şöbəsi əməkdaşlarının keçirdikləri tədbirlərlə aprelin 21-də Bakıxanov qəsəbəsi ərazisində bir şəxsin “Hyundai” markalı avtomobilindən içərisində 2600 manat olan pulqabısını oğurlamaqda şübhəli bilinən C.Əlizadə müəyyən olunaraq saxlanılıb.Araşdırma aparılır.

Gün ərzində ölkə ərazisində qeydə alınan 30 cinayətin açılması təmin olunub

20.04.2024

Aprelin 20-də ölkə ərazisində qeydə alınan 27, əvvəlki dövrlərdən bağlı qalan 3 cinayətin açılması polis əməkdaşları tərəfindən təmin olunub.